د عامي روغتیا وزارت نن پنجشنبه (۲۰۲۱م کال د جون ۳) په کرونا د اخته کسانو شمیر اعلان کړ. د نوموړي وزارت په حواله ۲۰ ورځي مخکي لا هره ورځ ۲۰۰ کسان په دغه ویروس اخته کیدل خو د چهارشنبې په ورځ د هغو شمیر ۱۵۰۰ ته رسیدلی دی.
محلي رسنیو په روغتونونو کي د ناروغانو د بیروبار او آکسیجن د کمښت رپوټونه ورکړي دي. په کابل کي د امریکا متحده ایالاتو سفارت د پنجشنبې په ورځ د اخته کسانو لوړ شمیر ته په کتو سره صحي خبرداری ورکړ. هغوی ويلي دي چي په روغتونونو کي د ځای د کمښت له کبله امريکايي اتباعو ته د بسترېدو اجازه نه ده ورکړل سوې.
د پنجشیر د والي یوه ویاند د طلوع نیوز سیمه ایز ټلویزیون ته ویلي دي چي د پنجشیر دره د کرونا د ویروس د پراخوالي د خطر له امله د سیلانیانو پرمخ تړل سوې ده. د رواني اونۍ له پیل راهیسي په افغانستان کي د واکسین کمبود لیدل کیږي او له همدې کبله نورو کسانو ته د واکسین لګولو اجازه نه ورکول کیږي.
د عامي روغتیا وزارت ویلي دي چي اوس یوازي هغو کسانو ته واکسین لگول کیږي چي د واکسين دوهمه دوره يې ده. افغانستان له نږدې ۳۷ ميليونه نفوس سره اټکل کیږي چې ۹۶۸ زره دوزه واکسسين يې ترلاسه کړی.
د ثبت سوو ارقامو له مخي د کرونا پاندیمي له پیل راهیسي په افغانستان کي څه د پاسه ۷۶ زره کسان په دغه ویروس اخته سوي او تر ۳۰۵۰ زيات ترې مړه سوي دي. داسي اټکل کیږي چي اصلي ارقام تر دې هم ډیر لوړ وي.
GP/NZ/AG
کرونا وبا او په عجيب و غريب ډيزاينونو جوړ تابوتونه
د کرونا اوبا پرمهال په لويدځ کې يو نوی دود راوتلی چې ځيني خلک خپل مړي په ساده شکل خاورو ته نه سپاري يا يې نه سوځوي، بلکې هنري او عجیب تابوتونه ورته چمتو کوي. انځورنه يې وګورئ.
انځور: dpa/picture allianceد کرونا وبا سره په نړۍ کې د انسانانو مرګ و میر ډير شوی. دغې وبا سره د مړو د ښخولو مراسمو، په ځانګړې توګه لويديځ کې تغییر موندلی. په آلمان کې څه باندې ۷۳ سلنه مړه شوو کسانو وصیت کړی وو چې جسدونه يې په هدیره کې د خښولو پر ځای «وسوځوي.»
د ځينو له پاره دا خبره له تصوره لرې ده، چې مړی يې په ساده تابوت کې خاورو ته وسپارل شي. هغوی غواړي ځانګړی تابوت ولري. دوی غواړي تابوت يې باید د هغوی د شخصيت، مسلک او طرز تفکر ښکاروندويي وکړي.
د وانیل کریم لرونکي دوناټ خوږې په شکل يو تابوت. دغه تابوت د نيوزيلند د «Dying Art» شرکت جوړ کړی دی.
د ککاو شوقيانو له پاره تابوت
په مسيحي هیوادونو کې تر ډيره مړي تر مړينې څو ورځې وروسته خاورو ته سپارل کيږي. دغه مراسم معمولاً له کلیسا څخه پيليږي او بیا تابوت د ښخولو له پاره هديرې ته انتقاليږي.
د فلمونو او سريالونو د شوقیانو له پاره تابوت
دغه تابوت د فلمونو، د «فضايي مخکښو» سريالانو، د «لګو» (LEGO) مينانو او کشتۍ چلونۍ د فلمونو شوقیانو له پاره جوړ شوی دی.
دغه ډول ځانګړي تابوتونه د هغو کسانو له پاره جوړ شوي چې له ګلانو او بوټو سره ډيره مينه لري.
د پيانو غږونکو له پاره جوړ تابوت
دغه تابوت خاص د هغو کسانو له پاره چې پيانو غږوي، جوړ شوی دی. د دغه تابوت په لیدلو هر څوک پوهيږي چې په هغه کې ايښودل شوی مړی يو پيانو غږونکی وو.
په نيوزيلند کې د «دایینګ آرت» شرکت د پړانګانو له پاره هم په دغه ډيزاین تابوت جوړ کړی دی.
هنرمندانو د کرونا وبا څخه مخکې هم د خپلو جنازو او خاورې سپارلو مراسمو ته هنري پاملرنه کړې ده. څو کاله وړاندې په کسل ښار کې د «انګلیس عجیب او غریب تابوتونو» یو نندارتون جوړ شوی وو. (انځور د کسل د ۲۰۰۵م کال په نندارتون کې د سکيت په شکل يو تابوت)
په کاسل ښار کې د «انګلیس عجیب او غريب تابوتونو» نندارتون چې په ۲۰۰۵م کال کې جوړ شوی وو پکې ۱۶ ډوله تابوتونه نندارې ته وړاندې شول.
د زمري او توپ په بڼه تابوتونه
په افريقا کې هم د عجیب او غریب تابوتونو دود شته. يو ګانايي تابوت جوړونکي د زمري په ډیزاین تابوټ او د پوځيانو له پاره تابوټ چې د توپ په ډيزاین دی جوړ کړي دي.
د موټر او الوتکې په ډيزاين تابوت
دغه تابوتونو چې د موټر او الوتکې په ډيزاین دي، په ګانا کې جوړ شوي دي.
دغو تابوتونو باندې د «آلفرد اوپيولکا» اثار نقاشي شوي دي. دغه تابوتونه د ۲۰۰۶م کال د «تابوت پر مخ هنر» په نوم يوه نندارتون کې ايښودل شوي ول.
په مصر کې بيا د پيړۍ پيٍړۍ مخکې وختونو تابوتونه کشف شوي چې په هغو کې نه یوازې مومیايي جسدونه کیښودل شوي بلکي باندې يې هم د نقاشۍ په شکل د پيغامونو درلودونکي دي.
