په دې نندارتون کې د نړۍ له مختلفو برخو څخه تر ۶۰ ډیرو استازو گډون کړی وو. همدارنگه تر ۷۰ زیات پاکستاني شرکتونو په دې نندارتون کې خپل تولیدات نندارې ته وړاندې کړل.

د پاکستان په کرچې ښار کې دغه څلور ورځنی نندارتون د دوشنبې په ورځ پيل او د پنج شنبې په ورځ پای ته ورسید. د دغه نندارتون د پرانیستي په غونډه کې د پاکستان لومړي وزیر نواز شریف، هم گډون کړی وو.

په دې نندارتون کې د یوه روسي چورلکي جوړونکي کمپنې له خوا هم یوه غرفه موجوده وه. داسې ښکاري چې په دې ورستیو کې د پاکستان او روسي تر منځ په دفاعي برخه کې همکاري ډیره شوې وي.

دغه نندارتون ته په پاکستان کې د جوړو شویو وسلو له پاره د بازار موندنې په برخه کې د یوې لوې لاسته روړنې په سترگه کتل کیږي.

په دې نندارتون کې د یوې غیر پاکستاني شرکت له خوا د ښارونو د څارنې له پاره کاریدونکي «یو ای وي» یا کمره لرونکي وړوکې الوتکه هم نندارې ته ایښودل شوې وه.

په پاکستان کې جوړیدونکي زغروال موټر هم د بهرنیو نندارچیانو پام ځانته را واړوه.

په نندارتون کې د پاکستان او چین له خوا په گډه جوړې شوې نوې جنگي الوتکې (جي ایف ۱۷ تندر) هم د خلکو پام ځانته را راواړوه.

د نندارتون یو گډونوال د اوکراین په غرفه کې د دغه هیواد له خوا نندارې ته ایښودل شوې یو ټوپک گوري.

د یوه چنایې کمپنۍ له خوا جوړ شوي زغروال واسکټونه او نور وسایل هم نندارې ته ایښودل شوي ول.

د نندارتون نندرچیان د پاکستان هوایې ځواکونو له خوا نندارې ته ایښودل شوو جنگي الوتکو سره خاصه دلچسپي ښکاره کړه..

یو بهرنې د پاکستاني پوځ د درنو وسلو په غرفه کې ایښودل شوي نمونې گوري.

په پاکستان کې د پوځ له پاره جوړیدونکي خیمې یا سیار کمپونه د هر ډول آب و هوا سره د مقاومت توان لري.

په دې نندارتون کې د پاکستان له خوا له جوړیدونکو بې پیلوټو الوتکو څخه نیولې بیا ترد لنډ واټن توپونه هم نندارې ته ایښودل شوې ول.

د وسلو جوړولو یو تجربه لرونکی کارګر د خپلو شاګردانو او ډیرو ابتدایې سامان الاتو په مرسته د لاس په وسیله وسلې جوړوي. سیمه ایز خلک له تجربه لرونکو استاذانو څخه د وسلو د جوړولو هنر زده کوي.

دلته د چينایې ساخت توفنچې له ډیر مهارت او صفایې سره د لاس په وسیله جوړیږي. دا توفنجې په ټول پاکستان کې ډیرې مشهورې دي.

د بی روزګارۍ د زیاتوالي له امله ډیر تحصيل یافته ځوانان هم د خپلو پلرونو او نیکو په دې کسب(وسلو جوړولو) کې مصروفه دي. د دغو سیمو خلک د حکومت له بی توجهې څخه سرټکوي.

د دره آدم خيل د ځنو کارګرانو کار او هنر په ټول پاکستان کې مشهور دی او د دغه هیواد له مختلفو برخو څخه د لاس په وسیله د جوړو شویو وسلو فرمائشونه ترلاسه کوي.

په دره آدم خیل کې د وسلو جوړولو کومه نوې ټکنالوژی یا ماشينونه شتون نه لري. دلته د وسلو جوړولو په برخه کې له ډیرو پخوانیو ماشينونو او ابزارو څخه کار اخیستل کیږي.

په یو شمیر ګاونډیو هیوادونو کې داسې لیوالتیا موجودونه ده چې په دره آدم خيل کې جوړیدونکي وسلې د «ښکار او نورو مقاصدو» له پاره خريداري کړي، خو د قانوني ستونزو له امله دا کار نه شي کولی.

د «سرحد چیمبر آف کامرس اینډ انډسټري» په نامه ادره په دره آدم خيل کې د جوړیدونکو وسلو نندارتون جوړوي، تر څو د «ښکار او نخښه وشتلو په موخه» دغو وسلو ته د نړیوال بازار پام را واړوي.

د ټوپک او توفنچو تر څنګ په دره آدم خيل کې کارتوس یا مرمۍ هم ترلاسه کیدای شي. ډیري دغه کارتوس هم په سیمه ایزه کچه جوړیږي.

په دغو مارکيټونو کې د توفنچو سربیره اوتوماتیکې وسلې یا ماشيندارې هم جوړیږي. سیمه ایز کارګر ادعا کوي چې په دره ادم خيل کې جوړیدونکي اتوماتیکي وسلې د هر یوه بهرني هیواد له وسلو سره سیالي کولی شي.

د وسلو تر څنګ په دغو مارکيټونو او کارخانو کې د وسلو د ساتنې له پاره له چرم «څرمنې» څخه جوړ شوي پوښونه هم ترلاسه کیږي. د دې صنعت په برخه کې هم په سلګونو کسان مصروفه دي.

په دره آدم خیل کې پر جوړیدونکو وسلو په واضح ډول د «مډ اِن چاینا» یا چين ساخت لیکل شوي وي.