تر هغه وروسته د تليفونونو يوه لړۍ پېل سوه: د وزيرانو وروسته دولتي وزير ته هم د ملکې د مړيني خبر ورکړل سو او ترې د مطلق محرميت هيله وسوه. له هغه وروسته دغه خبر و رسنيو ته ولېږل سو. د لسو دقيقو په جريان کي د ټولو دولتي ودانيو بيرغونه نيمه ځوړند ته راکښته سول.
په ټولنيزو رسنيو کي د بېکينګهم ماڼۍ او د حکومت په پاڼو کي تور بنرونه ولګول سول او د وير يو اعلان پر داسي يو انځور وسو چي شا يې توره وه.
خاورو ته د سپارني دولتي مراسم
د ملکې وليعهد او د هغې تر مړيني وروسته د بريتانيا پاچا چارلس دريم د ملکې له پاره د وينا ليکلو چمتو والی ونيو. نوی پاچا د نوي دولتي مشر په توګه ولس ته وينا کوي. وروسته د لندن په سانت پاول کليسا کي دعا کيږي. ملکه الیزابت دویمه ومړه
په بريتانيا کي به ټول حکومتي کارونه تر راتلونکي لسو ورځو او د ملکې تر خاورو سپارلو پوري متوقف وي. خو د «لندن برج» پروتوکول به ادامه مومي. د دغه پروتوکول له مخي د ملکې له مړيني څخه نيولې بيا په لسمه ورځ د هغې و خاورو ته تر سپارلو پوري ورځو ته شمېرې ورکړل سوي دي:
لومړۍ ورځ: نوی پاچا
چارلس پر ۱۱ بجو په رسمي توګه پاچا اعلان سو. د چارلس د پاچا کېدلو پروتوکول هم ځان ته خپل نوم «سپرينګ ټايډ» لري. پاچا چارلس دريم به د دغه پروتوکول له مخي د مازيګر پر درونيمو بجو د لومړۍ وزيري او کابينې سره وګوري.
په راتلونکو ورځو کي د ملکې اليزابت مړی و بيکينګهم ماڼۍ ته راوړل کيږي چيري چي به لومړۍ وزيره او کابينه ورته په انتظار وي. ملکه په خپل ملکيت بالمورل سيمه کي مړه سوې ده او د هغې مړی به د «يونيکورن» په نوم د بګيو په قطار کي لندن ته راوړل سي. که دا ممکن نه ؤ نو به يې مړی په الوتکه کي لندن ته راوړل کيږي.
پاچا چارلس به د ملکې د مړيني څخه وروسته په دريمه ورځ په سهار په وېسټمينسټر ماڼۍ کي د بريتانيا د نوي پاچا په توګه لوړه وکړي او تر هغه وروسته به و بيلو سيمو ته خپل سفر پېل کړي. نوموړی به لومړی و سکاټلنډ ته ولاړ سي.
له څلورمې تر نهمې ورځي: د «زمري» او «بڼکي» پروتوکولونه
کله چي پاچا چارلس و شمالي آيرلنډ ته ولاړ سي نو په لندن کي به د «لاين» يعني «زمري» پروتوکول عملي کيږي. دا هغه پروتوکول دی چي په ترڅ کي به يې د ملکې تابوت له بيکينګهم ماڼۍ څخه و وېسټمينسټر ماڼۍ ته انتقاليږي.
تر هغه څخه وروسته ورځ به په لندن کي ترتيبات ونيول سي. و وېسټمينسټر ماڼۍ ته د تابوت له رسېدلو وروسته به دعا کيږي. د ملکې مړی به په دغه ماڼۍ کي تر درو ورځو پوري د مخه ښه کولو له پاره وساتل سي. دغو ترتيباتو ته د «بڼکي» نوم ورکړل سوی دی. په دې ترڅ کي به خلک وکولای سي چي شپه او ورځ و ملکې ته د مخه ښه ويلو له پاره ورسي.
په عيني وخت کي د دولتي خاورو سپارنې مراسمو ته چمتو والی نيول کيږي او تمرين يې ادامه لري.
لسمه ورځ: دولتي خاورو ته سپارنه
د ويسټمينسټر په ماڼۍ کي به د ملکې د وروستي مراسمو ترتيبات بشپړه کړل سي. په ټول هيواد کي به د غرمې پر دولسو بجو دوې دقيقې خاموشي اختيار کړل سي. د اليزابت د ښخېدنې ورځ به ملي ورځ وټاکله سي. و کار فرماؤ ته اجازه سته چي که وغواړي نو خپل کاريګر رخصت کړي.
د دولتي مراسمو وروسته نور ترتيبات د وينسور په ماڼۍ کي پلان سوي دي. هلته به د مشترک عبادت او دعا په ترڅ کي له ملکې سره وروستۍ مخه ښه وسي. له هغه وروسته به د ملکې مړی د سانټ جورج په کليسا کي خاورو ته وسپارل سي. اليزابت به د خپل مېړه شهزاده فيليپ څنګ ته ښخه سي. نوموړی د ۲۰۲۱م کال په اپريل مياشت کي مړ سو.
آ./ا.ا./ن.ز.
د نړۍ «مشهوري» لومړۍ ميرمنې
دوی ولسمشرۍ ماڼيو او شاهي قصرونو ته ښکلا او جذابيت ور بخښي. له دوی څخه ځينې د خپلو هلو ځلو او ځيني بيا د خپلې ګوښه ګیرۍ په سبب مشهوره شوي. د نړۍ د څو مشهورو او يوې نوې لومړۍ ميرمنې انځورونه دلته ليدلای شئ.
انځور: picture-alliance/Everett Collection
نوې لومړۍ مېرمن: ميلانيا ترمپ
د امريکا د ولسمشر دونالد ترمپ ميرمن ميلانيا ترمپ، د لومړۍ ميرمنې نقش ته د ځان د چمتو کولو له پاره ډير وخت لاره. مخکې به دې په خټه سلوانيايي پر انستاګرام د ترمپ د شاندارو اپارتمانونو عکسونه خپرول خو د ترمپ له خوا د ټاکنو تر ګټلو وروسته دا په ښکلو کاليو کې د خپلې کورنۍ سره ليدل کيدله. څوک نه پوهيږي چې دا کومي پټې وړتياوې لري؟
انځور: Getty Images/A. Wong
ځليدونکي لومړۍ ميرمن: ميشل اوباما
د امريکا د تاريخ په لومړۍ تورپوستې لومړې ميرمن پسې نه يوازې ډير امريکايان، بلکې په ټوله نړۍ کې خلک خفه دي. ميشل اوباما په خپله سليقه او هوښيارۍ خلک پر ځان مين کړي ول. دا د لوړو زده کړو خاونده چې په مود او فيشن هم ښه پوهه وه، کله به د خپل ميړه په څير آرامه او سنګينه وه او کله به ورته دا هم زياته نه وه چې په يوه تلویزيوني خپرونه کې سندرې ووايي.
انځور: Reuters/K. Lamarque
تر ټولو مشهوره او جذابه لومړۍ مېرمن: جيکي کينيدي
د وژل شوي امريکايي ولسمشر جان ايف کينيدي، کونډي ته نن هم په ډيره درنه سترګه کتل کيږي. جيکلين «جيکي» بوويير کينيدي، د نيويارک له شتمن قشر څخه وه او فرانسوۍ ريښې یې لرلې. جان ايف کينيدي، او جيکي چې په ۱۹۵۳م کال کې واده کړې وو، سپينې ماڼۍ ته کډه کيدونکې تر ټولو مشهوره او جذابه جوړه بلل کيږي. د لومړۍ ميرمن په توګه د کاليو اغوستو د خپل سبک له کبله یې شهرت لا پسې زيات شو.
انځور: Getty Images
د فرانسې ښايسته لومړۍ ميرمن: کارلا بروني سرکوزي
دې په خټه اېتالوۍ د ماډلي او سندرغاړي په توګه شهرت لاره. لومړی یې د هنر او مهندسۍ په برخه کې زده کړې کولې خو د ۱۹ کالو په عمر یې درس ته شا کړه او د موسيقۍ د يوه البوم له وجې یې زيات شهرت ترلاسه کړ. په ۲۰۰۸م کال یې د فرانسې د هغه وخت د ولسمشر نيکولای سرکوزي، سره واده وکړ.