د امريکا پوځ ويلي دی چې د جنوبي کېرولاینا ايالت له ساحل څخه د لادرکه شوې جنګي الوتکې «اف – ۳۵ لایټننګ دوم» پاتې شونې یې موندلې دي.
پوځي چارواکو د ټولنیزو رسنيو د ايکس [پخوانۍ تويتر] شبکې له لارې ويلي دي: «د سیمې خلک باید دې ځای ته له راتلو ډډه وکړي ځکه زموږ د مرستې ډله د الوتکې د رالویدلې د ساحې په خوندي کولو بوخت ده.»
د دې اعلامیې په حواله د جارلسټن هوايي ځواکونو اډې له سيمه ایزو چارواکو سره په ژوره همغږۍ او همکارۍ د وليمزبرګ سيمې په يوه ميدان کې د دې الوتکې پاتې شوني موندلي دي.
د يکشنبې په ورځ ماسپين موده تر یوې نامعلومې تخنيکي ستونزې وورسته د الوتکې پېلوټ ځان له الوتکې را ايستلی وو او تر دې وروسته د امريکا پوځ له خپلې دې ستيلت الوتکې سره چې ۸۰ ميليون ډالر ارزښت لري، اړيکه پرې شوه.
د يکشنبې په ورځ پيلوټ د يوې «حادثې» له کبله ځان له الوتکې ایستلی وو.انځور: Danny Lawson/empics/picture alliance چارواکو تر دې وروسته د دغه الوتکې د لټون په برخه کې له خلکو هم مرسته وغوښتله.
دا ډول اف – ۳۵ جنګي الوتکې د لاک هيډ مارټن په نوم د تجهیزاتو او تکنالوژۍ شرکت جوړوي او دا ډول جنګي الوتکې د نړۍ په تر ټولو عصري پوځي الوتکو کې شميرل کیږي.
ويل کیږي چې اف – ۳۵ په نړۍ کې د وسلو د خپل ډول تر ټولو ستر او ګرانه بيه پروګرام دی.
زموږ له آرشيف څخه:
د نړۍ تر ټولو چټکې جنګي الوتکې
جنګي الوتکې تر ټولو ګړندۍ او په عین وخت کې بیه یي هم ډیره لوړه وي. د دغو الوتکو سرعت کیدای شي په هوایي جګړو کې برخلیک ټاکونکی وي. په دې انځوریز رپوټ کې د نړۍ له تر ټولو ګړندیو جنګي الوتکو سره آشنا شئ: انځور: gemeinfrei F-104 Starfighter - "اف ۱۰۴ سټارفایټر" "اف ۱۰۴ سټارفایټر" دا تر صوت یا غږ ګړندۍ الوتکې دي چې له ۱۹۵۶ څخه تر ۱۹۷۵م کاله پورې د لاکهید شرکت له خوا یي ۲۵۷۸ وزره (عدده) تولید شوي وو. د یوې الوتکې بیه یي یو میلیون او ۴۲۰ زره ډالره او اعظمي سرعت یي ۲۴۵۹ کیلومتره في ساعت دی.
انځور: imago/StockTrek Images/T. Ziegenthaler MiG 25 Foxbat - میگ ۲۵ میکویان گورویچ میگ ۲۵ میکویان – گورویچ چې ناټو پرې د "فاکس بت" نوم ایښی دی د تیرې پيړۍ په ۶۰ مه لسیزه کې جوړه شوې وه. د دې الوتکې سرعت ۳۰۹۰ کیلومتره في ساعت دی. میگ-۲۵ په اصل کې د امریکا د بي/۷۰ الوتکو د دفاع له پاره جوړ شوي وو. د دغې ډول ۱۱۹۰ الوتکې جوړې شوي دي.
انځور: Imago/United Archives Eurofighter Typhoon - یورو فایټر ټایفون «یورو فایټر ټایفون» د پنځو اروپایي هیوادونو، بریتانیا، جرمني، ایټالیا، هسپانیې او فرانسې ګډه پروژه وه چې په ۲۰۰۳ کال کې د روسیې د میګ ۲۹ او سوخو ۲۷ سره د مقابلې له پاره جوړه شوې وه. د دغې الوتکې سرعت له (۲۴۹۵ کیلومتره فی ساعت) څخه زیات دی. دغه الوتکې ۲۹۰۰ کیلومتره پورې واټن وهلې شي او ۵۷۱ الوتکې یې جوړې شوې دي چې د سعودي عربستان، عمان، قطر او کویټ په څېر هېوادونو په اختیار کې هم ورکړل شوي دي.
انځور: Imago/Gepa/W. Grebien Northrup F-5 - «نورت روپ-اف ۵» «نورت روپ-اف ۵» جنګي جټ الوتکې په ۱۹۹۵کال کې خپل لومړنی پرواز ترسره کړ او په ۱۹۶۲م کال کې د امریکا په هوایي ځواک کې شاملې شوې. د دغې الوتکې حد اکثر سرعت ۱۷۰۰ کیلومتره في ساعت دی. تر ۱۹۸۷م کاله پورې چې تولید یي پای ته ورسید ۲۲۴۶ الوتکې یي تولید شوې وې.
انځور: Chiang Ying-ying/AP PHoto/picture alliance د شمالي امریکا ایکس ۱۵ په اصل کې یو وزر لرونکی توغندی دی چې د NASA او متحده ایالاتو هوایی ځواک د یوې سري یا پټې برخې په توګه جوړ شوی چې د توغندي له انجن څخه یي استفاده کوله او په ټوله کي ۱۹۹ آزمایشي پروازونه یې ترسره کړي وو. په شپیتمه لسیزه کې، ایکس-۱۵ له ۷۲۷۴ کیلومترو في ساعت سرعت سره د ټولو پیلوټ لورونکو الوتکو په کتار کې د لوړ سرعت ریکارډ جوړ کړ.
انځور: gemeinfrei بوینګ ایکس ۵۱ تر غږ چټک بی پیلوټه الوتکه ده چې د یوې بلې لیږدونکي الوتکې په وسیله هوا ته پورته کیږي او بیا پرواز کوي. د دغې الوتکې سرعت ۶۴۰۰ کیلومتره في ساعت دی او کولی شي د ۲۱ کیلومتره په ارتفاع کې الوتنه وکړي. د دې لومړنۍ آزمایشي الوتنه په ۲۰۱۰م کې ترسره شوې وه.
انځور: Abaca/picture alliance "جنگدو جی ۷" د اف ۷ په صادراتي نوم سره د چین جوړ یوه الوتکه ده چې د میګ ۲۱ په اساس د تیرې پيړۍ په ۶۰ مه لسیزه کې جوړه شوې او تر اوسه پورې یي چین مختلف ماډلونه صادر کړي دي. دغه الوتکه ۲۱۲۰ کیلومتره في ساعت سرعت لري. تر اوسه پورې د دې ماډل ۲۴۰۰۰ الوتکې جوړې شوي دي.
انځور: NOEL CELIS/AFP بوئینګ د ناسا د «هایپر ایکس» پروګرام له پاره د ایکس۴۳ درې الوتکې جوړې کړې. لومړۍ نمونې یې د ۲۰۰۱ کال په جون میاشت کې په ارام اقیانوس کې سقوط وکړ. دویمه نمونه یي بریالۍ شوه او دریمې نمونې یي یوازې په ۱۲ ثانیو کې د ۱۰ زره او ۶۱۷ کیلومتره في ساعت سره د ۳۴ کیلومترو په ارتفاع کې پرواز وکړ.
انځور: gemeinfrei "میراج ۲۰۰۰" د فرانسې د داسو کارخانې جوړ دغه الوتکه د اویایمې لسیزې په وروستیو کې د دې هیواد د هوایي ځواکونو له پاره طرح شوې وه او تر اوسه پورې ۶۱۱ الوتکې یي تولید شوي دي. د دغې الوتکې حد اکثر سرعت ۲۳۹۰ کیلومتره في ساعت ته رسیږي.
انځور: picture-alliance/Mary Evans Picture Library/P. Jarrett North American F-100 Super Sabre «نورت امریکن اف ۱۰۰ سپوپر سیبر» تر غږ چټکې الوتکې دي چې په ۱۹۵۴ تر ۱۹۷۱م کاله پورې د امریکایي پوځ په خدمت کې وې او تر اتیایمې لسیزې پورې د ترکي او ډنمارکي پوځ په خدمت کې وو. د دې ماډل ۲۲۹۴ الوتکې جوړې شوي دي چې د ۱۳۹۰ کیلومتره في ساعت سره پرواز کولی شي.
انځور: aviation-images.com/Mary Evans/picture alliance د "اف-۱۶ فایټینګ فالکن" تر غږ تیزې الوتکې د جنرال ډاینامکس شرکت له خوا جوړې شوي دي چې د تیرې میلادي پيړۍ په اویایمه لسیزه کې طراحي شوې دي. د دې الوتکې سرعت ۱۴۷۲ کیلومتره في ساعت دی. د ایران شاهنشاهي پوځ د ۱۶۰ دغو الوتکو فرمایش ورکړی و، چې د اسلامي انقلاب په رامنځته کیدو سره دغه تړون د امریکا له خوا لغوه شو. تر ۲۰۱۸م کاله پورې د دې ډول ۴۶۰۴ الوتکې جوړې شوې دي.
انځور: Ssgt. Trevor T. Mcbride/U.S. Air/ZUMA Wire/imago images
