د نيدرزاکسن ايالت د مهاجرو شورا د سه شنبې په ورځ (۲۰۲۱م کال د جون لومړۍ نیټه) وويل چې همدا شان په نورو سترو ښارونو لکه کولن او مونشن کې هم مظاهرې پلان شوي دي.
دغه شورا او افغانستان ته د مهاجرو بيرته ستنولو مخالفې شبکې له خوا زياته شوې چې په افغانستان کې تر څلويښتو ډېرو کلونو راهيسې جګړه ده او دمګړۍ هلته امنيتي وضعيت ډېر خراب دی. دوی زياته کړې چې بريدونه او هدفي وژنې په دغه هيواد کې ورځنۍ چارې دي. همدا زار د کوويد - ۱۹ وبا له کبله د هيواد اقتصادي وضعيت نور هم خراب شوی دی.
زیاته شوې ده چې د افغان وګړو زياته برخه بې وزله ده او د کار بازار، روغتيايي خدماتو او زده کړو ته هیڅ لاس رسی نه لري.
د شورا له خوا زياته شوې چې د »سولې د نړيوال شاخص« په حواله افغانستان د نړۍ تر ټولو ناامنه هيواد دی او ډېر وګړي یې د تېښتې په هڅه کې دي. پر ۲،۶ داخلي کډوالو سربیره ډېر افغانان په ګاونډيو هيوادونو کې هم د مهاجرو په توګه ژوند کوي.
افغانستان ته د مهاجرو پلان شوی اخراج غير مسئولانه دی
دغو ټولنو نیوکه کړې ده چې پر دې سربیره هم د آلمان حکومت او د ډېرو ایالتونو د کورنيو چارو وزيران افغانستان ته هره مياشت مهاجرو د ډله ايز اخراج پر خپله پريکړه ولاړ دی. د ۲۰۱۶م کال له پای راهيسې تر ۱۰۰۰ ډېر کسان په چارتر الوتکو کې افغانستان ته استول شوي دي.
دغه شبکه د افغان مهاجرو د اخراج ترڅنګ د پلان شوې احتجاج په ترڅ کې په پام کې لري دلته ميشتو مهاجرو ته د اقامې د حق غوښتنه وکړي او دا چې ژر تر ژره د هغوی کورنۍ هم آلمان ته انتقال شي.
ب. ص/ ن. ز (EPD)
زموږ له آرشیف څخه:
د جرمني داخله وزیر د ۱۶ ایالتونو د کورنیو چارو د وزیرانو سره تریوه ویدیو کنفرانس وروسته اعلان وکړ، چي د جنورۍ له اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي. نور جزيات دلته ولولئ: انځور: picture-alliance/W. Rothermel د جرمني داخله وزارت وايي، چي د سوریایانو د اخراج د منع کیدو لایحه به تمدید نسي. داخله وزير هورست زېهوفر په دې تړاو مخکي هم څرګندونې کړي وې. خو منتقدین دا د پناه غوښتونکو څخه د ساتني بین المللي حقوقو خلاف بولي. د ویچه ویله دلته د دغي مسألې حقوقي اړخونو ته یوه کتنه کړې ده: هغه مقرره چي د ۲۰۱۲ م کال راهیسي په منظم ډول سره تمدیدیږي، په پام کي لري، چي سوریایان خپل هیواد ته د اخراج څخه وساتي.
انځور: picture-alliance/dpa/M. Schutt په سوريه کي د امنيت نشته والی په سوریه کي اوس هم جنګ دوام لري. دا په دې معنی ده، چي حتی رد سوي پناه غوښتونکي هم، د مجرمینو په شمول په جرمني کي پاته سي. منتقدین وايي، چي په سوریه کي هیڅ ډول امنیتي شرایط وجود نلري. خو داخله وزیر، هورست زیهوفر د ۱۶ ایالتونو د کورنیو چارو د وزیرانو سره تر یوه ویدیو کنفرانس وروسته اعلان وکړ، چي د جنورۍ میاشتي د اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي.
انځور: Amer Almohibany/AFP ولي د اخراجیدو ممانعت لغؤ سو؟ په جرمني کي د هغو پناه غوښتونکي، چي رد سوي، او یا یې جرمونه کړي وي، (دولدونګ) یا د پاته کیدلو مؤقتي ویزه ورکول کیږي. خو ددغو کسانو پرضد همیشه د ښی اړخو افراطیانو لخوا اعتراضونه کیږي او تر ټولو دمخه د مسلمانانو پر ضد. د ۲۰۱۱ م کال راهیسي د سوریې جنګ، چي تر ۳۸۷ زره اضافه انسانان پکښي ووژل او په ملیونو کسان د وطن پریښولو ته مجبوره سول، ددې سبب سو، چي شکمن کسان هم په جرمني کي پاته سي.
انځور: Getty Images/T. Lohnes د جرمني په داخله وزارت کي د ساختماني او هیواد ساتني چارو معین، هانس ګیورګ انګلکه پرون جمعه خبریالانو ته وویل:«هغه کسان چي جرمونه کوي او یا تروریسټي اهداف مخته وړي، زموږ دولت او خلګو ته تاوان رسوي او باید د جرمني څخه اخراج سي.» خو د زیهوفر د اظهاراتو پراساس د تقریبأ ۷۷۰ زرو سوریایانو څخه چي په دې وروستیو وختونو کي جرمني ته راغلي دي، فقط تقریبأ ۹۰ کسانو ته یې د خطرناکو کسانو په سترګه کتل کیږي.
انځور: picture-alliance/dpa/F. Gentsch د اخراج څخه انتظارات محدود دي د کرونا دویروس په سبب د سفر پر محدودیتونو سربیره، سوریې ته په نورو دلایلو هم اخراج ممکن ندی: د نیدرساکسن ایالت داخله وزیر، بوریس پستوریس په دې باب وویل،«په سوریه کي هیڅ داسي مؤسسه وجود نلري، چي موږ د هغه سره ډیپلوماتیک روابط ولرو.»په دې دلیل هغه او سوسیال دموکراټ حزب یې سوریې ته د نه اخراج د قاعدې لغؤ کیدل رد او کوښښ یې وکړ، چي هغه د ۶ نورو میاشتو دپاره تمدید کړي.
انځور: picture-alliance/dpa/M. Kappeler د یوه رپوټ پراساس آلمان په ۲۰۱۹ م کال کي۲۲۰۰۰ تنه اخراج کړي دي. البانیا، نایجریا، ګرجستان، روسیه او صربستان د هغو هیوادو د جملې څخه وه، چي په همدغه کال کي یې هر یوه ته زر زر تنه اخراج سول. په همدغه وخت کي تقریبأ ۹۳۰ افغانان او ۸۶۰ عراقیان هم اخراج سوي دي. د رپوټ پر بنأ په ۲۰۱۹ م کال کي د اخراجیدو تقریبأ ۴۰ فیصده موارده د اروپا د اتحادیې نورو هیوادو لکه فرانسې او ایټالیا ته تر سره سوي دي.
انځور: picture-alliance/dpa/M. Kappeler هغه کسان نباید د جرمني څخه اخراج سي، چي په خپلو هیوادونو کي یې د جنګونو، تعقیب او یا ازار په دلیل ژوند ته خطر موجود وي. په دغه صورت کي د هغوی اخراج د اروپا د بشر د حقوقو د کنوانسیون څخه سرغړونه ده. دغه کنوانسیون د هغوکسانو اخراجیدل هم منع کوي، چي په خپلو هیوادونو کي د شکنجې سره مخامخ کیدلای سي.
انځور: picture-alliance/dpa/P. Pleul
