د حکومتي ارقامو په حواله په اوس وخت کي ۸۰ اورونه لا تر کنټرول لاندې ندي راغلي او د دغه هیواد د جنوب په مرکزي برخو کي لمبو ۴۵۰۰۰ هکټاره ځنگل سوځلی دی. د دغو اورونو په سبب تر اوسه پوری حد اقل ۲۲ انسانانو خپل ژوند له لاسه ورکړی دی. 
د کاریتاز په یوه اعلامیه کي پرون شنبه راغلي دي، چي « بیا زموږ هیواد د ځنگلونو د سوځیدو له عواقبو څخه کړیږي، چي په مختلفو برخو کي، لکه د چیلي مرکزي او جنوبي برخو کي یې اورونه پراخیږي او د ټولو همدردۍ او همکارۍ ته ضرورت دی». 
کاریتاز غواړي په دغه کمپاین سره په چیلي کي هغو سختو انساني او بشري ضرورتونو ته توجه را واړوي، کوم چي د اورونو په نتیجه کي رامنځته سوي او غواړي د عامه او مدني ټولنو په همکارۍ سره پرهغه باندي غالبه سي.