د بې سرحده ډاکترانو مرستندویه سازمان یوه ویاند ماوریزیو دیبانه، د دوشنبې په ورځ د فرانسې خبري آژانس ته وویل «موږ د مرستې له پاره د هغې کښتۍ پر لور حرکت کوو چې له خطر سره مخامخ ده.»
نوموړی ویره لري چې د ایتالوي چارواکو له غوسې سره مخامخ نه شي، ځکه نوي قانون د ژغورنې د هر ماموریت له پاره شمیر محدود کړی دی، څو د ایټاليا خاورې ته د رسیدونکو مهاجرو شمیر هم محدود پاتې شي. دبانه زیاته کړه چې اوس باید دغه ماموریت د روم تائید ترلاسه کړي.
د مهاجرو ډکي کښتۍ ته د لنګر اچولو اجازه ورکړل شوې
حکومت کولی شي چې غیر دولتي سازمانونو ته هم لارښوونه وکړي، چې له خلکو سره مرسته ونه کړي. بې سرحده ډاکترانو د دوشنبې په ورځ په تویتر کې ولیکل چې دوی د ایټاليا د چارواکو په غوښتنه په ژغورنه کې مرسته کوي. دغه غیر دولتي سازمان ویلي دي چې روم د Geo Barents په نامه د دوی کښتۍ ته په یوه مورد کې امر کړی چې مرسته دې نه کوي، ځکه په خبره یي د دې مورد کنترول د لیبیا په لاس کې دی.
سږ کال څومره مهاجر اروپا ته راسیدلي دي؟
سږ کال شا او خوا ۲۶ زره مهاجر اروپا ته رسیدلي دي او د سیاسي پناه د تر لاسه کولو په موخه د دغه سفر په ترڅ کې د مړیني او ورکیدو لړۍ هم روانه ده. نور معلومات د انځورونو په ګالرۍ کې لیدلی شئ: انځور: picture-alliance/Zuma Press/London News Pictures/P. Hackett د سمندر له لارې یونان ته زیات خلک رسیږي سږ کال د سیاسي پناه تر لاسه کولو په موخه ۲۵۶۶۰ مهاجر اروپا ته له مختلفو سمندري لارو رسیدلي دي. د مهاجرو تر ټولو زیات راتګ په یونان کې ثبت شوی دی. دغلته د جنورۍ له لومړۍ نیټې څخه د می میاشتې تر نیمایي پورې ۹۷۵۰ مهاجر رسیدلي دي. په دغه موده کې د روم سمندرګي له لارې ایټاليا ته د رسیدونکو مهاجر شمیر ۹۷۳۸ دی. هسپانيا ته بیا ۷۴۸۰ مهاجر رسیدلي دي.
انځور: picture-alliance/AP Photo/Ansa/Igor Petyx د لارو په اوږدو کې مړینه او لادرکه کیدل د ملګرو ملتونو د کډوالو چارو د عالي کمیشنرۍ (یو ان اچ سي آر) د اټکلونو له مخې په روان میلادي کال کې اروپا ته د رسیدو په موخه د لارو په اوږدو کې د مړو شوو او لادرکه شوو کسانو شمیر ۶۰۹ تنو ته رسیږي. په ۲۰۱۷م کال کې دغه شمیر ۳۱۳۹، په ۲۰۱۶م کال کې ۵۰۹۶ او په ۲۰۱۵م کال کې ۳۷۷۱ او په ۲۰۱۴م کال کې بیا ۳۵۳۸ کسان مړه شوي یا لادرکه شوي دي.
انځور: picture-alliance/dpa/Italienische Marine سوریایان اوس هم په لومړي کتار کې ځای لري د روان میلادي کال په لومړیو میاشتو کې اروپا ته د رارسیدلو مهاجرو په ډله کې ۴۱۵۱ سوریایان، ۲۱۸۵ عراقیان، ۱۹۱۰ تونسیان دي. همداشان پر نورو هیوادونو سربیره له اریتریا څخه ۱۸۱۰ مهاجر او له ګانا څخه ۱۲۱۴ مهاجر اروپا ته رسیدلي دي. د سوريې وګړي اوس هم اروپا ته د رسیدونکي کسانو د نوملړ په سر کې ځای لري.
انځور: Reuters/U. Bektas له جنوري میاشتي د اپریل تر نیمایي پورې اروپا ته د ټولو رسیدلو کسانو ۵۹،۶ سلنه نارینه، ۱۵،۷ سلنه ښځې او ۲۴،۷ سلنه ماشومان دي.
انځور: picture-alliance/NurPhoto/M. Bunel زياته پناه غوښتنه په آلمان کې شوې ده د ۲۰۱۸م کال په لومړیو څلورو میاشتو کې تر ټولو زیات د سیاسي پناه غوښتنه په المان کې شوې ده. ۶۳۹۷۲ کسانو د پناه غوښتنه کړې ده چې ۵۶۱۲۷ یې د لومړي ځل له پاره د پناه عریضه وړاندې کړي او په دغه ډله کې ۷۸۴۵ کسانو بیا پر خپلو دوسیو د بیا غوښتنې له پاره عریضې وړاندې کړې دي.
انځور: picture-alliance/dpa/D. Karmann د پناه غوښتنې عریضې ادامه لري د سیاسي پناه غوښتنې له پاره پر آلمان سربیره د مهاجرو د خوښې وړ هیوادونو کې فرانسه، ایټالیا، یونان، اتریش او هالنډ هیوادونه شامل دي.
انځور: picture-alliance/dpa/D. Karmann
دغه کښتۍ له ۸۵ ژغورل شوو مهاجرو سره بیرته د ستنیدو په حال کې وه چې یو تلیفون یي ترلاسه کړ چې د دوی د لارې په مسیر کې یوه کښتۍ له خراب وضعیت سره مخامخ ده. دبانه وایي چې د ژغورنې اجازې ترلاسه کولو له پاره یي سمدستي له ایټالوي چارواکو سره تماس ونیو، خو ځواب یي ترلاسه نه کړ.
دبانه وویل: «که موږ کښتۍ پيدا کړو او بې له اجازې يي وژغورو، د تیئورۍ له مخې ایټالیا کولی شي ووایي چې نوی قانون مو تر پښو لاندې کړی دی. خو د نړیوالو قوانونو او سمندري کنوانسیونونو له مخې موږ مؤظف یو له هغو کسانو سره چې په خطر کې دي مرسته وکړو.»
تر ۵۰۰ زیات مهاجر له ډوبیدو ژغورل شوي
هغه زیاتوي چې د دوی ژغورونکې کښتۍ خپل مسیر بدل نه کړ چې مهاجر ولټوي، او د بندر پر لور روانه شوه.
د ایټاليا نوي ښي اړخي لومړۍ وزیري جورجیا مِلونې، د اکتوبر په میاشت کې د دغه هیواد د لومړۍ وزیري په توګه په روم کې خپل کار پیل کړ. د هغې ښی اړخي حکومت په ټاکنیزو کمپاینونو کې ژمنه کړې وه چې ایټالیا ته به د مهاجرو د راتګ مخه نیسي.
آژانسونه: ش.ن/ ن.ز
