د ډان په نامه پاکستانۍ ورځپاڼې په خپل یوه رپوټ کې ویلي دي چې پر پوله د پاکستان عسکرو او افغان طالب سرتیرو په جګړه کې اته طالب سرتیري وژل شوي دي. رپوټ کې زیاته شوې ده چې په دې نښته کې د طالبانو دوه مهم قوماندانان هم وژل شوي دي.
یادې پاکستانۍ ورځپاڼې د خپلو سرچینو په حواله په رپوټ کې ویلي دي چې د شنبې ورځې په سهار د افغانستان او پاکستان پر پوله د پالوسین په سیمه کې د پاکستاني عسکرو او افغان طالب سرتیرو ترمنځ د درنو او سپکو وسلو جګړه شوې ده. دغې ورځپاڼې ویلي دي چې جګړه پر پاکستانۍ پوستې د افغان طالبانو تر بریدونو وروسته پیل شوه.
ډان پاکستانۍ ورځپاڼې د خپلې سرچینې په حواله لیکلي: «موږ [افغان] لوري ته د درنو تلفاتو راپورونه لرو. تر اوسه پورې د پاکستاني عسکرو په ډزو کې اته طالب عسکر وژل شوي دي او ۱۶ نور یې ټپیان دي.»
یادې سرچینې ډان ورځپاڼې ته همدا راز ویلي دي چې په دغه جګړه کې د خلیل او جان محمد په نامه د طالبانو دوه مهم قوماندان هم وژل شوي دي. رسمي سرچینو تر اوسه پورې د دغې جګړې پخلی نه دی کړی.
د راپورونو له مخې نن تر غرمې وروسته هم د افغان او پاکستاني پوله ساتو ځواکونو ترمنځ نښتې شوي دي. انځور: Banaras Khan/AFP/Getty Images
د افغان او پاکستاني پوله ساتي ځواکونو ترمنځ تازه نښتې
یادې انګلیسې ژبې پاکستانۍ ورځپاڼې ویلي دي چې دا لومړی ځل نه دی چې د پاکستاني عسکرو او طالب سرتیرو ترمنځ پر پوله نښته کیږي. په ورته وخت کې د کرم اجنسۍ یو شمیر قومي مشرانو د وضعیت د بیرته عادي کولو له پاره هم هڅې کړي دي.
د راپورونو له مخې، د دواړو لوریو ترمنځ د جګړې په نتیجه کې د سیمې اوسیدونکې هم کډه کولو ته اړ شوي ول.
اسلام آباد پر کابل تور پورې کوي چې د پاکستاني طالبانو غړي د افغانستان له خاورې په پاکستان کې بریدونه تنظیموي، داسې ادعاوې چې افغان طالبانو تل رد کړي دي.
د یوه بل خبر له مخې، د یکشنبې په ورځ د کرمې اجنسۍ په مرغان سیمه کې پر پوله د پاکستاني پوله ساتو ځواکونو یو سرتیری وژل شوی او درې نور یې ټپیان شوي دي. په دغه سیمه کې د پولیسو سرچینو ویلي دي چې وسله والو کسانو د پاکستان د سرحدي ځواکونو پر یوه چیک پواینټ برید کړی او تر برید وروسته له سیمې په تیښته بریالي شوي دي. رپوټونه وايي چې د وژل شوي پاکستاني عسکر جسد او ټپیان روغتون ته انتقال شوي دي.
افغان طالبانو تر اوسه پوري د دغو نښتو او تلفاتو په اړه رسنيو ته څه نه دي ويلي. په عین وخت کې په افغانستان کې طلوع نیوز ته په خوست ولایت کې یوې ځايي سرچينې ویلي دي چې نن غرمه مهال په خوست ولایت کې پر پوله د افغان طالب سرتیرو او پاکستاني عسکرو ترمنځ تازه نښتې شوي دي. طلوع نيوز ليکلي دي چې »نن ماسپښين مهال يوه بجه د افغان پوله ساتو ځواکونو او پاکستاني لوري ترمنځ د خوست په ځاځي ميدان ولسوالۍ کې پر ډيورنډ فرضي کرښه يو ځل بيا نښته پيل شوه.»
په پاکستان کې هیڅ لومړي وزیر خپله پنځه کلنه دوره نه ده بشپړه کړې. دوی د مختلفو دلایلو له امله اړ شوي دي چې له ټاکل شوي وخت څخه مخکې واک پريږدي. عمران خان د دغه هیواد ۲۲ لومړی وزیر وو چې خپله کاري دوره یې مکمله نه کړه.
انځور: STF/AFP/GettyImages
لیاقت علي خان: ۴ کاله او ۲ میاشتې
لیاقت علي خان د پاکستان لومړنی صدراعظم و. نوموړي د ۱۹۴۷م کال د اګست په ۱۵ نیټه خپله دنده پیل کړې وه. لیاقت علي خان د ۱۹۵۱م کال د اکتوبر په ۱۶ نیټه په راولپنډۍ کې د یوه کس له خوا په ډزو ووژل شو. نوموړی له وژل کیدو مخکې ۴ کاله او ۲ میاشتې د پاکستان لومړی وزیر پاتې شوی و.
انځور: Wikipedia/US Department of State
خواجه ناظم الدین: ۱ کال او ۶ میاشتې
د لیاقت علي خان تر وژل کیدو یوه ورځ وروسته د ۱۹۵۱م کال د اکتوبر په ۱۶ نیټه خواجه ناظم الدین واک ته ورسید. نوموړی د ۱۹۵۳م کال د اپریل په ۱۷ نیټه د ګورنر جنرل له خوا د لومړي وزیر په توګه له دندې ګوښه کړای شو. ده هم د ګورنر جنرل په توګه دنده ترسره کړې وه. (له ۱۹۷۴ څخه تر ۱۹۵۶ م کاله د پاکستان د اساسي قانون تر بشپړیدو مخکې د ګورنر جنرل مقام له صدراعظم څخه لوړ وه، ځکه د بریتانوي سلطنت استازی به وو)
انځور: Douglas Miller/Keystone/Hulton Archive/Getty Images
د ۱۹۵۵ م کال د اګست په ۱۲ نیټه چودهري محمد علي د پاکستان د لومړي وزیر په توګه وټاکل شو. د چودهري محمد علي نوم نن هم د پاکستان په اساسي قانون کې د هغه مهم رول له کبله یادیږي. هغه په ۱۹۵۶م کال د سپټبر په ۱۲ نیټه د خپل ګوند له غړو سره د شخړې له امله استعفا ورکړې وه.
انځور: akg images/picture alliance
حسین شهید سهروردي: ۱ کال او یوه میاشت
حسین شهید سهروردي د ۱۹۵۶م کال د سپټمبر په ۱۲ د پاکستان لومړی وزیر شو، خو له ولسمشر سکندر مرزا سره د اختلافاتو له امله یي د ۱۹۵۶م کال په ۱۶ نیټه استعفا وکړه.
