د آلمان د «ډي اکټويله» په نوم مجلې مسئوله مديره له خپلې دندې څخه ليري کړل شوې ده. دا د هغه وروسته چې د «فونکه» په نوم رسنيزي ډلې په ياده مجله کې د ميشايل شوماخر يوه داسي مرکه خپره شوه چې اختراع کړل شوې وه. يعني هغه له سره دا ډول يوه مرکه د يادې مجلې د همکارانو سره نه وه کړې.
له کار څخه ليري کړل شوې مسئوله مديره، انه هوفمن د ۲۰۰۹ کال راهيسي د يادې مجلې ژورنالسيتکه مسئوله مشره وه. د فونکه رسنيزي ډلې ويلي دي چې هوفمن يې په فوري توګه له کار ليري کړې ده. يادې ډلې د جمعې ورځي (د ۲۰۲۳ کال د اپريل ۲۱ نېټه) په ماښام د آلمان په ايسن ښار کې ياد معلومات ورکړل.
دغه هم ولولئ: آیا شتمن کسان تر نورو «ځیرک» دي؟
فونکه رسنيزې ډلې ويلي دي چې په ياده مجله کې د ميشايل شوماخر سره يوه داسي مرکه خپره شوې وه چې هغه حقيقي نه وه. د دغې ډلې په وينا ياده مرکه د «ډي اکټويله» مجلې د کاري ډلې له خوا د مصنوعي ځيرکتيا په مرسته جوړه شوې وه خو په کافي اندازه يې داسي نه وه په نخښه کړې چې معلومه شي چې دا اصلي مرکه نه ده.
ميشايل شوماخر په سپورټ کې له حادثې وروسته سخت ژوبل شوی وانځور: Clive Rose/Getty Images يادې رسنيزي ډلې د مصنوعي مرکې خپرول «بې خونده» عمل بللی او ويلي يې دي چې دغه مرکه بايد چې هيڅکله هم نه وای خپره شوې. زياته شوې: «دا ډول عمل په هيڅ صورت د هغو معيارونو استازيتوب نه کوي چې لوستونکې يې د فونکه رسنيزي ډلې له مطبوعې څخه توقع کوي.» دا څرګندونې د يادي رسنيزې ډلې د مشرې بيانکا پوهلمن لخوا شوي دي.
ميشايل شوماخر چې د فورملا وَن سياليو څو ځله نړيوال اتل پاته شوی دی په ۲۰۱۳ کال د سکي پر وخت د يوې سختې حادثې سره د مخامخ کېدو راهيسي له عامه محضر څخه ليري په ګوشه نشينۍ کې ژوند کوي. د هغه د روغتيايي وضعيت په هکله ډېر کم معلومات شته. د هغه کورنۍ څو ځله تر مخه د رسنيو د راپورونو پر ضد حقوقي دعواوي کړي دي، په کومو کښې چې د دغه کس محرم شخصي حقونه نقض شوي ول.
آ./ا.ا./ن.ص.
له آیفون نه تر آیفون دولس پورې سفر
لومړی آيفون موبايل په ۲۰۰۷م کال کې بازار ته راووت. هغه وخت خلکو فکر نه کاوه چې ځیرک تيليفونونه او ټولنيزې رسنۍ به دومره پرمختک کوي. دلته د لومړي آيفون نه تر آيفون دولس پورې سفر په انځورونو کې کتلی شئ. انځور: Apple Inc./Brooks Kraft/AFP لومړی آيفون د ۲۰۰۷م کال په جون میاشت کې معرفي شو. نوم يې «آیفون» وو، چې په توليد سره يې د ايپل شرکت هم مشهور شو. د دغه موبايل کمره دوه ميګا پکسله وه او د ټچ سکرين قابليت او ځينې نورې وړتياوې يې هم درلودې. دغه موبايل په مارکيت کې د یو «انقلابي» توليد په څير ثابت شو.
انځور: picture-alliance/dpa/Apple ايپل شرکت د ۲۰۰۸م کال د جولای مياشتې پر ۱۱مه، تري جي آیفون راويست. د دغه ګرځنده تيليفون تر ټولو مهم خاصيت دا وو چې «تري جي» انترنيت سره يې جوړښت درلود چې هغه وخت ډيره لویه خبره وه.
انځور: picture-alliance/dpa/J. Mabanglo د ۲۰۰۹م کال په جون مياشت کې اپيل خپل دريم ماډل ګرځنده تيليفون «آيفون تري جي ايس»معرفي کړ. د دغه تيليفون کامره درې ميګاپکسله وه او د ويډيو ريزوليوشن يې ۴۸۰پی وو. دا د مخکنيو ماډلونو په پرتله ډير قوي موبايل وو.
انځور: imago يو کال وروسته، د ۲۰۱۰م کال د جون میاشتې پر ۳۱مه «آیفون څلور» معرفي شو. د آيفون څلور کامره پنځه ميګاپکسله او د ويډیو ريزولوشن يې تر ۷۲۰ پکسل پورې وه. دا لومړنی ګرځنده تيليفون وو چې په ايچ دي کیفت ويډيو اخیستونکې کامره یې درلوده.
انځور: picture alliance/dpa آيفون څلور ایس، د ۲۰۱۱م کال د اکتوبر میاشتبې پر ۱۴مه معرفي شو. دا له مخکيني ماډل څخه ډير پرمختللی وو. کامرې ېې ۸ ميګاپيکسله عکس او ۱۰۸۰ پيکسله ويډيو اخیستله.
انځور: Getty Images/J. Sullivan دغه ماډل آيفون د ۲۰۱۲م کال د سپتمبر پر ۲۱مه راووت. د دغه تيليفون د مخې کامرې د عکس اخیستلو وړتيا ۱ اعشاريه ۲ او د شا کامره يې ۸ ميګا پکسله وه په داسې حال کې چې تر۱۰۸۰ میګا پکسله پورې ويډيو يې اخيستله.
انځور: Getty Images/A. Burton ايپل شرکت د ۲۰۱۳م کال په د سپتمبر پر شلمه، پنځه سي او پنځه ايس ماډل آیفون راويست.
انځور: Getty Images/AFP/K. Nogi د ايپل شرکت د ۲۰۱۴م کال د سپتمبر پر ۱۹مه دوه ماډله تيليفونونه «آیفون شپږ او آیفون شپږ پلس» معرفي کړل. له هغه وخته تر اوسه د نړۍ په بازارونو کې ۱۶۹،۲۲ ميليونه دغه ماډل تيليفونونه خرڅ شوي دي.
انځور: picture-alliance/NurPhoto/J. Arriens د ۲۰۱۵م کال د سپتمبر پر ۲۵مه ايپل د آيفون شپږ دوه ورژنه «شپږ ايس او شپږ ايس پلس» معرفي کړل. دغه ماډل تيليفونونه ډير کامياب وختل او خلکو خوښ کړل. په مجموعي توګه د دواړو ماډولو څخه ۲۳۱.۲۲ ميليونه خرڅ شول.
انځور: Getty Images/AFP/J. Edelson ايفون ايس آی، آیفون ۷ او آيفون ۷ پلس، په ۲۰۱۶م کال راووتل. دا وخت په بازار کې د ايپل دغو توليداتو ته تقاضا ډيره زیاته شوې وه. ايپل هم تقاضاو ته په کتو، خپلو مختلفو مشتریانو له پاره په مختلفو ورژنونه کې تيليفونونه راويستل.
انځور: picture-alliance/AAP/J. Carrett په ۲۰۱۷م کال کې هم درې ماډله ايفونونه راووتل. آيفون ايکس، آيفون اته او آيفون اته پلس. ايپل په دغو ماډلونو کې د غږ ځانګړی اسيستانت هم معرفي کړ چې مختلف فعالیتونه يې د غږ له طریقه تنظیموي.
انځور: apple.com آيفون ايکس ايس، ميکس او ايکس آر ايبل شرکت خپل دغه درې ماډله تيليفونونه دوه کاله مخکې (۲۰۱۸م کال) راويستل. ايپل شرکت معمولا په خپل نوي ماډل آیفونونو کې د هغو امکانات لوړ کړي دي. د دغه ماډل آيفونونو مجموعي خرڅلاو ۲۱۷.۷۳ ميليونه وو.
انځور: Reuters/S. Lam آيفون يوولس، آيفون پرو اور آيقون ميکس دغه درې ماډله آيفون تيليفونونه په ۲۰۱۹م کال کې راووتل. ايپل د دغو تيليفونو کامرو ته نوره توجه ډيره کړه، ځکه په يوټيوب، ټيک ټاک او فیسبوک په څير ټولنیزو رسنيو کې د ويډيوګانو د خپريدو دود ډير شو چې ايپل هم د مشتریانو تقاضا ته په کتو د لا ښو ويډیو اخیستلو له پاره د کامرو کیفیت لوړ کړ.
انځور: picture-alliance/AP Images/AP Photo/T. Avelar د ۲۰۲۰م کال د اکتوبر پر ۱۳مه ايپل خپل آيفون ۱۲ هم معرفي کړ. زياته شوې چې د دغه ماډل ټيلفون ۳ نور ورژنونه (آيفون ۱۲ کوچنی، پرو او تري ډي) به هم په نژدې راتلونکې کې بازار ته راووځي.
انځور: Apple Inc./Brooks Kraft/AFP
