د اروپا پارلمان د یوه پریکړه لیک په تصویبولو سره د اروپايي ټولني شورا او پارلمان ته د احمد مسعود د رادعوتولوغوښتنه کړې ده. پارلمان همدارنګه غوښتنه کړې، چي د اشرف غني له خوا د پیسو وړلو د تور تحقیق دي هم وسي.
انځور: Elyxandro Cegarra/PanoramiC/imago images
اعلان
د پارلمان په دغه پریکړه لیک کي راغلي دي چي د اروپا اتحادیه دي په پنجشیر کي د مقاومت د جبهې رهبر، احمد مسعود رادعوت کړي، چي د اروپايي ټولني په شورا او پارلمان کي برخه واخلي.
د اروپايي ټولني پارلمان همدارنګه ویلي دي چي طالبانو افغانستان له نظامي لحاظه تر خپل کنټرول لاندي راوستلی دی، شریعي قوانین یې نافذ کړي او خلګ یې له اساسي حقوقو او ازاديو څخه محروم کړي دي.
د دغه پریکړه لیک په یوه برخه کي راغلي دي: «په افغانستان کي د بشر د حقوقو او اساسي ازاديو د سرکوبه کولو او ټکولو او همدارنګه مخ پر ډیریدونکی تشدد، خصوصاً د ښځو، نجونو او خبریالانو په مقابل کي په شدت سره غندو. د مختلفو رپوټو پر اساس، کوم چي بیانوي، غیر قانوني قتلونه، شکنجه، وهل ټکول، د بدن د اعضاوو قطع کولو او تجاوز چي د طالبانو پواسطه تر سره کیږي، ډیر د تشویش وړ او وحشتناکه دي.»
د اروپا پارلمان له طالبانو څخه غوښتي دي چي ډیر ژر دي خپل دغه اعمال ختم کړي او د تحصیل، کار او سپورټ په برخه کي د افغان ښځو د حقوقو ملاتړ دي وکړي. له یوه ځایه بل ځای ته ازادانه سفر کول، مظاهرو او اجتماعاتو ته دي اجازه ورکړي.
«د غني له خوا د پیسو د احتمالي سؤ استفادې، تحقیق دي وسي»
د طالبانو حکومت د جوړښت څخه د اروپا پارلمان نه رضایت
د اروپا پارلمان په افغانستان کي د بشري، اقتصادي او مهاجرت بحران څخه هم تشویش ښکاره کړی. په دغه پریکړه لیک کي ټینګار سوی دی چي «یوازي داسي یو باثباته او ټولشموله حکومت به چي پکښي د ټولو قومونو او ملیتونو نمایندګان حضور ولري او د بشر اساسي حقوق مراعت کړي، پر دې قادره سي چي د افغانستان د اقتصادي رکود او بحران مخنیوی وکړي.»
د اروپا پارلمان ويلي دي: «دا واقعیت چي یوازي نارینه د نوي حکومت د غړو په توګه منصوب سوي، په قاطعیت سره ردوو. دا په عامه ژوندانه کي د ښځو د هرډول نمایندګۍ په مقابل کي د طالبانو د دښمنۍ منفي زیګنال ورکوي.»
خو پردې سربیره د اروپا پارلمان ویلي دي چي د لوژیستیکي، عملیاتي او بشري ضروري مسایلو په خاطر د طالبانو د سرپرست حکومت سره خبري کول لازمي دي، تر څو د ملکي محتاجو خلګو سره بشر دوستانه کومک کولو او همدارنګه هغه افغانانو او خارجیانو ته چي له هیواد څخه د وتلو نیت لري، زمینه مساعده سي.
انځور: Mohammad Ismail/REUTERS
خو پارلمان ټینګار کړی دی چي دغه «تماسونه په دې مرحله کي کاملاً په مربوطه اهدافو پوري محدود پاته سي او د داسي یو تصور رامنځته کول چي د طالبانو حکومت په رسمیت وپيژندل سي، ډډه وسي. همدارنګه د طالبانو پر ضد بین المللي تعزیرات وساتل سي.»
د اروپا پارلمان د طالبانو په سرپرسته کابينه کي د داخله وزیر په توګه د حقانې شبکې مشر سراج الدین حقاني او ځینو نورو کسانو تعینیدو ته اشاره وکړه، چي په دغه ليست کي شامل دي. پارلمان ویلي دي چي «د طالب واکمانو د په رسمیت پيژندلو شرایط چي له نظامي لحاظه قدرت ته رسیدلي دي او په اوس وخت کي یې د تیرو شلو کلنو لاسته راوړني له منځه وړي دي، نه دي مهیا سوي.»
د افغانستان په مسایلو کي د پاکستان مداخله
د اروپا پارلمان دې نقطې ته په اشارې سره چي پاکستان په تیرو کلونو کي طالبانو ته د پټیدو د امن فضا مساعده کړې وه او د هغوی له خوا یې د افغانستان د تصرف سره کومک کړی دی، د اروپا د خارجي اقداماتو سرویس(EEAS) ته لارښوونه وکړه چي د پاکستان رهبرۍ ته دا خبره ورورسوي چي د افغانستان د امنیت او ثبات مسئولیت لري.
د اروپا پارلمان په دغه ۳۷ ماده اي پریکړه لیک کي راغلي دي چي «پاکستان طالبانو ته د خپلو ځانګړو ځواکونو او په پنجشیر کي د ملي مقاومت جبهې سره په مبارزه کي هوايي ملاتړ هم په اختیار کي ورکړی دی.»
په اوس وخت کې اروپايي ملکونو ته د سفر شرايط
مختلفو اروپايي هيوادونو د کرونا ویروس د خپريدو د مخنیوي په موخه يو لړ سفري محدوديتونه اعلان کړي دي. د کرونا تیست درلودل پر پوله يو له دغو محدوديتونو څخه ګنل کيږي. لا ډير معلومات له انځورونو سره وګورئ!
انځور: AFP/B. Guay
د چک جمهوريت
چک جمهموریت د کرونا له ډير بد حالت سره مبارزه کوي. حکومت غواړي نوي کرونايي محدوديتونه وضع کړي. په نوو مقرراتو کې به خلکو ته په خپلو سیمو او کورونو کې د پاتېدو ويل کيږي.
انځور: Gabriel Kuchta/Getty Images
فرانسه
فرانسې د مارچ پر ديرشمه د دریم ځل له پاره په ټول هیواد کې د سرتاسري لکډاون اعلان وکړ. علت يې په وروستيو کې د کرونا په مثبتو پیښو کې ډېروالی ښودل شوی. د فرانسې ولسمشر، امانوئل ماکرون به د اپريل پر لومړۍ نيټه پارلمان ته په دې اړه تفصيلي معلومات ورکړي. سفري محدویتونه به هم واضح شي.
په فنلند کې لا هم بيړنی حالت ادامه لري. په فنلند کې کرونايي محدويتونه د اپريل تر ۱۷مې پورې غځولي شوي دي. شرابخانې او ريستورنټونه له تړلو مستثنا دي. هغه کسان چې غواړي د فنلد خاورې ته داخل شي باید په سرحد کې د کرونا تيست ورکړي.
انځور: Getty Images/AFP/J. Nousiainen
سويډن
د اکثرو اروپايي هیوادونو اوسیدونکي د سفر پر مهال د کرونا منفي تیست ته اړتيا لري. دغه تیست باید له ۴۸ ساعتونو څخه زوړ نه وي، له دې پرته به له سرحده بیرته ګرځول کيږي. دغه مقررات به د می میاشتې تر ۳۱مې پورې وي.
انځور: Imago Images/H. Montgomery
دنمارک
دنمارک د اپريل میاشتې تر ۲۹ مې پورې خپل بندرونه پر مساپرو بند کړي دي. يوازې هغه افراد چې قانوني دلایل او د کرونا منفي تیست ولري کولی شي دغه هیواد ته داخل شي. د کرونا تیست يې باید له ۴۸ ساعتونو څخه زوړ نه وي. له آلمان سره پر سرحد به هم همداسې کنترول موجود وي.
