د پنجشنبې په ورځ (د اګست ۲۶مه نيټه) پرله پسې بريدونو وروسته چې د قربانيانو شمير یې ډېر لوړ دی، له کابل هوايي ډګر څخه د تخليې پروازونه په موقتي توګه درول شوي ول. د رسنيو د رپوټونو په حواله په دغه پرله پسې دوو بريدونو کې لږ تر لږه ۷۲ ملکيان او ۱۳ امريکايي عسکر وژل شوي دي.
په بريدونو کې چې پړه یې د داعش ډلې منلې ده، ۱۸ امريکايي عسکر ټپيان شوي هم دي. امريکا متحده ایالاتو هم ويلي دي چې د اګست د ۳۱ تر ضرب الاجل پورې د نورو بريدونو احتمال هم شه.
د کابل ښاريانو په دې منځ کې ويلي دي چې د جمعې په سهار يو څو پروازونه وشول.
بريتانیا د جمعې په ورځ وويل چې پلان لري له افغانستان څخه تخليه «په يو څو ساعتو کې» بشپړه کړي. د بريتانيا د دفاع وزير بن وېلس « Sky News» ته وويل: «موږ به لومړی هغو کسان ته چې له ځانه سره مو راوستلي دي او په هوايي ډګر کې یې شمیر کابو زرو کسانو ته رسېږي، رسېدګي وکړو.»
هغه زياته کړه: «موږ به هڅه وکړو د خلکو په ګڼه ګوڼه کې خپل نور کسان هم وموندو خو زموږ عمومي پروسه نوره تړل شوې ده او د تخلیې له پاره يوازې څو ساعته وخت لرو.»
وېلس همدا راز د کابل پر هوايي ډګر د نورو بریدونو په اړه هم خبرداری ورکړ. نوموړي وويل: «څومره چې زموږ د وتلو وخت را نزدې کیږي، هومره موږ ته ګواښ زياتيږي.»
هسپانيا هم په دې منځ کې ويلي دي چې خپل ټول پرسونل یې له افغانستان څخه ایستلي دی او د ديپلوماتيکې عملې ټول غړي یې په دوبۍ کې دي. د اِل پايس ورځپاڼې په حواله په دوو پوځي الوتکې کې پاتې ۸۱ هسپانويان د جمعې پر سهار ووتل.
آسترليا هم ويلي دي چې په کابل کې تر بريدونو دمخه یې د رايستلو لړۍ درولې وه. د آسترليا لومړي وزير سکات ميلر د جمعې په ورځ وويل چې خپل پوځي پرسونل یې په هوايي ډګر کې تر بريد يوازې څو ساعته دمخه رايستلی وو.
امريکا متحده ایالات چې د تخلیې پروسه یې لا روانه ده، ويلي دي چې تر پنجشنبې ورځې یې تر سلو زرو ډېر کسان له کابله ايستلي دي خو تر اوسه لا تر زرو ډېر امريکايان او همداراز په لسونو زره افغانان هڅه کوي چې د هوا له لاري له افغانستان څخه ووځي.
د امريکا د مرکزي قومندې مشر جنرال فرانک مک کينزي چې د ایستلو پروسې څارنه کوي، وويل چې د پنجشنبې په ورځ ۵۰۰۰ کسان پرواز ته په انتظار ول.
زموږ له آرشيف:
له کابل هوایي ډګر څخه د ائتلافي ځواکونو د همکارانو عکسونه
د ائتلاف ځواکونه د امريکا په رهبرۍ له افغانسنتان څخه د خپلو ځواکونو او سیمه ایزو همکارانو د چټک ويستلو هڅې کوي. د کابل له هوایي ډګر څخه د هغوی د اتباعو او سیمه ايزو همکارانو ليږدول په دی انځوريز راپور کې: انځور: Francois Mori/AP Photo/picture alliance د آلمان پوځ د سه شنبې په ورځ د «ژغورلو» عملیات په نامه د آلماني اتباعو، د دوي له سمیه ايزو افغان همکارنو ليږدول پيل کړل. له دوي څخه يې يوه ډله د ازبکستان پلازمنينې تاشکند ته رسولي دي.
انځور: Marc Tessensohn/AP/picture alliance د آلمان دولت د يوې لوفت هانزا الوتکې په کرايه کولو سره دغه ژغورل شوي ډله چې ۱۳۰ کسان دي له تاشکند څخه د فرانکفورت هواي ډګر ته وليږدول. (عکس: تاشکند ته د رسیدلو پر مهال)
انځور: Marc Tessensohn/AP/picture alliance د جرمنیانو او افغانانو لومړني ډله وتوانيدل چې له افغانستان څخه ووځي. دوي د طالبانو له خوا د کابل ترنيولو وروسته د برلین په کوښښونو او زیار سره د چهارشنبې په ورځ د (اګست ۱۷) فرانکفورت هوایي ډګر کې الوتکه پر زمکه کښيناسته.
انځور: Thilo Schmuelgen/REUTERS
له دولتی الوتکي څخه د يو فرانسوي سرتیري عکس کې ښکاري چې له کابل څخه د شارل دوګل هوایي میدان ته رسیدلی دی. فرانسي له کابل څخه تر اضطراري وتلو وروسته خپل اتباع او سیمه ايز همکاران لومړی د ابوظبی نظامي هواي ډګر ته ولیږدول او له هغي ځاي څخه فرانسي ته.
انځور: Rahmat Gul/AP Photo/picture alliance
په دویم عکس کي د چک جمهوریت الوتکه ښکاري چې ۸۷ اتباع او د هغوي سیمه ايز همکارانو ځانونه د کابل له هوایي ډګر څخه پراګ ته رسولي دي.
انځور: Vit Simanek/CTK/AP Photo/picture alliance د استرالیا د پوځ هرکولس سی ۱۳۰ لمبر الوتکه کې د خپلو اتباعو او د هغوي همکارانو لومړني ډله له افغانستان څخه بهر او د دغه هېواد یوې پوځې آډي ته وليږدوله.
انځور: AUSTRALIAN DEFENCE FORCE/AAP/dpa/picture alliance په عکس کي يوه هندي پوځي الوتکه ښودل کيږې چې پر افغانستان باندي د طالبانو له تسلط وروسته د کابل له هوای ډګر څخه خپل اتباع ليږدوي.
انځور: AFP/Getty Images د ۲۲ زره کسانو د اخراج په اړه د امريکا بحثونه دوام لري. د امريکا دولت اعلان کړي دې چې د کابل په هوایي میدان کې يې د ځای پر ځای شویو سربازارنو شمير له څلورو څخه شپږ زره ته پورته کوي او په ساعت کی يو ځل الوتنه. په ورځ کې له پنځه زره څخه تر ۹ زره کسانو پورې له افغانستان څخه اخراجوي.
انځور: AP Photo/picture alliance د کابل هوایي ډګر دا دی د امريکایي سربازانو په واک کې دې. د پنتاګون وياند ویلي چې د کابل په هوایي ډګر کي نظامي قوماندانان له طالبانو سره په مسقتیمه اړیکه کې دي، تر څو د نظم او د تاو تريخوالي څارنه وکړي.
انځور: Shekib Rahmani/AP/picture alliance د سپيڼې مانۍ امنيتي مشاور جيک سوليون مخکی ويلي وه، چې طالبانو له واشنګتن سره توافق کړي، چې هوایي ډګر ته د ملکي کسانو مخنيوی به نه کوی او له افغانستان څخه د وتلو شرايط ورته برابروي.
انځور: Rahmat Gul/AP Photo/picture alliance طالبان د هوایي ډګر کنترول په لاس کي لری.عینی شاهدانو ویلي چې دهغوی جنګیالی په تم ځای کې هوایي ډګر ته د خلکو د ننوتلو مخه نیسي او له هغوی سره له تاو تريخوالي کار اخلی.
انځور: Kyodo/picture alliance د امريکا او لويديځو متحدو هېوادونو کوښښونه یې د افغانستان څخه د بهرنیانو او د دوی د همکارانو د وتلو پخاطر په داسی حال کي دوام لري، چې طالبانو عمومي بخښنه اعلان کړی ده. دوی ويلي چې د دولت ټول کارکونکي هغه که ښځې او نارينه دی پرته له ډار او ويرې څخه خپلو کارونو ته دې راوګرزي او خپلې ورځنۍ چاري دې پرمخ بوځې.
انځور: Rahmat Gul/AP Photo/picture alliance
