د فرانسې د بهرنیو چارو وزارت په یوې ویناپاڼې کي راغلي دي چې په کابل کې د سفارتي فعالیتونو د نشتوالي له امله په اسلام اباد او تهران کې د پناه غوښتنلیکونه پروسس کوي.

ویناپاڼه زیاتوي د کار د چټکتیا له پاره راتلونکې میاشت د یوه داسې ځانګړي مرکز جوړېدل په پلان کې دي چې د پناه غوښتنې ډېر غوښتنلېکونه به پروسس کړي.

ویناپاڼه لیکي: «زموږ ډېره پاملرنه به د هغو افغان خبریالانو او مېرمنو وضعیت ته وي چې ژوند یې په ځانګړي ډول له خطر سره مخامخ دی.» 

د رپوټونو له مخې دا مهال په زرونو هغه افغان خبریالان، میرمنې، د بشري حقونو فعالان، بهرنیو ځواکونو او بنسټونو پخواني کارکوونکي په اسلام اباد او تهران کې د ویزو په تمه دي چې د فرانسې په ګډون یوشمېر نورو لویدیځي هېوادونو ورته د مرستې او ملاتړ ژمنه ورکړې.  

د فرانسې د بهرنیو چارو وزارت ویلي دي چې په تهران او اسلام اباد کې یې د ادارې کارکوونکو شمېر هم ډېر کړی دی چې د هغو افغان ښځو او نارينه وو مرسته وکړي چې غواړي خپل هېواد پریږدي.

زموږ له آرشيف څخه: