د فرانسې امنيتي چارواکو او پولیسو ویلي دي چې د دې هیواد په شمال کې د ډزو په نتیجه کې پنځه کسان وژل شوي دي. پولیسو زیاته کړې چې تر پیښې وروسته یوه کس ځان پولیسو ته سپارلی دی خو په دې هکله یې لا ډیر جزئیات نه دي ورکړي.
زیاته شوي چې د لومړي وژل شوي کس جسد د شنبې په ورځ د فرانسې په شمال کې د ورموت په نامه ښار کې موندل شوی دی. د ژغورونکو ډلو د راپورورنو په اساس، دغه کس په ډزو تر ویشتل کیدو وروسته د سړک پر غاړه موندل شوی دی او دا چې نوموړي خپل ژوند له لاسه ورکړی وو.
تر دې پیښې وروسته، د فرانسې په شمال کې د دانکرک سیمې ته هم ژغورونکې ډله ورغوښتل شوې وه. د چارواکو او پولیسو په وینا، په دې سیمه کې دوه تنه امنیتي ساتونکي او دوه مهاجر وژل شوي ول. د اور وژنې د ادارې په خبره، دغه کسان احتمالا د اتومات وسلې په ډزو سره ویشتل شوي دي.
په فرانسه کي يوه مهاجر يو ماشوم وژغوری او مډال ئې وگاټه
This browser does not support the video element.
د همدې ورځې د شپې پرمهال، د فرانسې په شمال کې د ګویولد په سیمه کې یوه کس ځان پولیسو ته سپارلی دی. د فرانسوي چارواکو په خبره، هغه ویلي چې د «دانکرک په ساحلي سیمه» کې یې یو شمیر کسان وژلي دي. د لیون پلاژ ښاروال، اریک رومل، د فرانسې خبري آژانس ته ویلي چې دغه کس د دانکرک د سیمې استوګن دی. د یادې پیښې او همدا راز د انګیزې په هکله یې اوس پولیسو او چارواکو پلټنې پیل کړي دي.
د نوموړي ښار د څرګندونو له مخې، ډزې په دوو مختلفو سیمو کې شوي دي. هغه زیاتوي چې په بندر کې دوه امنیتي ساتونکي هم د ګزمې پرمهال په ډزو ویشتل شوي او دوه تنه مهاجر بیا د لیون پلاژ او دانکرک په سیمو کې وژل شوي دي. د دغه ښار ښاروال د دې پیښې په هکله او یا یې د انګیزې په هکله نور جزئیات نه دي خپاره کړي.
له ځنګل کمپ څخه پاريس ته او بيا ...
د فرانسې په کاله کې پولیسو لخوا د «ځنګل» موقت کمپ له ورانيدو وروسته، په زرونو مهاجر پلازمينه پاریس راوړل شول. خو لا هم زیات شمير مهاجر غواړي بيرته کاله ته ولاړ شي تر څو له هغه ځایه بريتانيا ته تللي وي.
انځور: Reuters/C. Platiau پاریس کې د مهاجرو د خيمو غورځول
د فرانسې پولیسو د پاریس ښار د ستالينګراد ميترو ستيشن ته نژدې د پياده روونو پر سر د مهاجرو درول شوې خيمې او د خوب لپاره هوارې کړل شوې دوشکې او بیسترې ټولې کړې. د کالې کمپ له ورانيډو وروسته پاريس کې د مهاجرو شمير تر ۳۰۰۰ پورې لوړ شو.
دا به د کمپ د پاک کارۍ وروستی ځل وي؟
مهاجرې ښځې په سړه هوا کې بسونو ته ولاړې دي تر څو یې د فرانسې ښار بلې سيمې ته د مهاجرو د پزيرش مرکز ته رسولي وي. په پاريس کې د مهاجرو کمپ په وروستيو مياشتو کې هم دوه ځله پاک کاري شوی وو. د پزيرش مرکزونه به په راتلونکې کې د موقتي کمپونو د جوړيدو مخنيوي وکړي.
په زرونو هغه مهاجر چې د «ځنګل» کمپ تر ورانيدو وروسته د فرانسې پلازمينې پاریس ته راغلي، په دې هيله دي چې بيرته کالي ته ولاړ شي، تر څو له هغه ځايه بريتانيا ته تللي وي.
د فرانسې حکومت لخوا په کالې کې د مهاجرو کمپ تر ويجاړيدو وروسته، یو شمير مهاجرو د پاريس ښار په کوڅو کې خپلې خيمې ودرولې. له همدې کبله اوس د فرانسې په کوڅو کې د مهاجرو شمير زیات شوی دی.
کوم مهاجر چې تيرکال فرانسې ته رسيدلي ول، اکثره یې د افغانستان، عراق، اريتيريا او سوډان هيوادونو څخه دي. دوي غالباً هڅې کړي تر څو د لاريو او نوور وسايطو په ذريعه د بريتانيا پر لور وتښتي.
يوه ډله ځوان مهاجر په کاله کې «ځنګل» کمپ ته نژدې ولاړ دي. د اکتوبر میاشت په ۲۶ مه، کله چې پوليسو له کمپ څخه د شاوخوا ۱۰ زره مهاجرو د وښکلو کار پیل کړ، کمپ ميشتو په اعتراض کې اورونو بل کړل.
مهاجر له کالې څخه د وتلو په حال کې
د فرانسې د کالې په «ځنګل» نومې کمپ کې شاوخوا لس زره مهاجر په دې اميد ميشت ول چې بريتانيا ته به ځي. چارواکو د فرانسې نورو سيمو ته د دغو مهاجرو د انتقال پر وخت هڅې وکړې، تر څو يې د اعتراضاتو د پيښيدو څخه مخنيوی کړی وي.
دا په کاله کې د «ځنګل» کمپ یوه برخه ده. په دغه کمپ کې مهاجر په ناپاکه کانتينرونو او خيمو کې په بد حالت کې ژوند کاوه. دغو خيمو د باد او لمر په مقابل کې ډیر کم مقاومت لاره.
د فرانسې ولسمشر فرانسوا اولاند وویل چې نور به څوک پرې نښودل شي چې د کالې د مهاجرو په کمپ کې له سره میشت شي. د «ځنګل»کمپ په اروپا کې د مهاجرو د بحران د سمبول په توګه بدل شو.
