د ايټاليې د لامپدوسا ټاپو چارواکو ويلي چې »د مالتا له چارواکو سره په تفاهم د ساحلي ساتونکو د ګزمې يوه کښتۍ له لامپدوسا څخه سيمې ته واستول شوه چې ۳۸ کډوال او د دوو ماشومانو مړي يې سره واخيستل.«
د ساحلي ساتونکو په خبره اور وروسته له دې بل شو چې د تېلو يوه ټانکۍ وچاودله. د ايټالوي رسنيو له مخې هغو ماشومانو چې په اورلګېدنه کې مړه شوي دي، د يو او دوو کالو عمرونه درلودل. يوه ميندواره ۲۵ کلنه ښځه چې ښايي د يوه مړه شوي ماشوم مور وي، روغتون ته وړل شوې او يوه بله ښځه لا بې درکه ده.لامپېدوسا: کتاب لرونکي مهاجرو ماشومانو ته کتابتون جوړوي
ياده کښتۍ د څرګندونو له مخې له شمالي افريقا څخه وه. د سيسيلي په اګريګېنت کې لويې څارنوالۍ پلټنې پيل کړې دي او ژوندي پاته شوي کسان لامپدوسا ته وړل شوي چېرته چې ډېری وخت له تونس او الجزاير څخه کډوال رسيږي. سږ کال له ۷۶ زرو څخه زيات کډوال د سمندر له لارې ايټاليا ته رسېدلي چې تېر کال يې شمېر ۵۰ زره و.ايټاليا ـ قاچاق وړونکی د مهاجرو په زهيرونه تورن سو
لږ تر لږه ۱۲۶۹ کډوال چې په دغه وخت کې يې له مديترانې سمندر څخه د تېرېدلو هڅه کړې وه، لادرکه شوي دي. د کډوالۍ د نړيوال سازمان په حواله دغه د مديترانې لاره د کډوالو له پاره تر ټولو خطرناک مسير دي.
آ./ن.ص./ا.ا.
د سمندر په څپو کې د مرګ هرکلی
د مديترانې سمندرګي له لارې مهاجرتونه تل خطرناکه وي. په ورستيو کې د لیبيا ساحلي ساتونکو په يوه عمليات کې مهاجر له اوبو راويستل شول. مرستندويه سازمانونه وايي چې د ليبيا بيړني حالت د مرستو په رسولو کې خنډونه ايجاد کړي دي.
انځور: Reuters/J. Medinaد دغې ماتې شوې پلاستيکي کشتۍ په منځ کې د يوې ښځې او ماشوم جسدونه ليدل کيږي. د ملګرو ملتونو نړيوال سازمان وياند فلاويو دې حيلاکومو، دا يو «ډير غمجن حالت» وباله.
يوه ښځه ژوندۍ پاتې ده. په سمندر کې د اسپانيا د «پرواکتیوا اوپن آرمس» غير دولتي مرستندوی سازمان مرستندويانو دغې ښځې ته نجات ورکړی. په احتمال سره دغه ښځه د لیبيا د ساحلي ساتونکو له خوا يوازې پريښودل شوې، ځکه چې هغې نه غوښتل بيرته ليبيا ته وګرځول شي.
کپيتان مارک رایګ کريوز او د عملياتو مديره انابل مانتس د ېوې بادي کښتۍ موقعيت موندلو کوښښ کوي. کيدای شي دغه کښتۍ د «پرواکتیوا اوپن آرمس» غير دولتي سازمان له پاره د مهاجرو يوه ليږدونکۍ کښتۍ وي.
استر کمپس پر يوه غټ دوربين په سمندر کې د هغو کسانو لټون کوي چې له بيړني حالت سره مخ شوي دي. مرستندويانو دغه اوښتلې پلاستکۍ کښتۍ د سه شنبې په ورځ وليدله. هغوي يوه ښځه وژغورله، خو د يوې بلې ښځې او يوه ماشوم له پاره د مرستې رسيدل نور ډير ناوخته وو.
په اوبو کې موندل شوي جسدونه
مرستندويانو دواړه جسدونه په پلاستيکونو کې وپيچل. د «پرو اکتيوا» بنسټ ګر اوسکار کمپس پر ټويتر ليکلي: «د ليبيا ساحلي ساتونکو وضاحت ورکړ چې په يوه کښتۍ کې د سپرو ۱۵۸ مهاجرو د سفر مخنيوی يې کړی دی.» هغه زياته کړې ده: «کوم څه چې هغوی نه دي ويلي دا دي چې هغوی يو ماشوم او يوه ښځه د کښتۍ يا قایق پر بام پرېښي ول او دغه کښتۍ په بل مخ واوښته. ځکه چې هغوی نه غوښتل د ليبيا په کښتۍ کې سپاره شي.»
د ژغورنې يو غمجن عمليات پای: د «پرو اکتيوا اوپن آرمس» مرستندوی سازمان «آسترال» کښتۍ د اسپانيا يوه بندر پر لور د حرکت په حال کې ده.
ليکونکی: نرمین اسماعیل/ فلوریان میایر/پ.ع /م. ک. ص
