د پنجشنبې په ورځ (د ۲۰۲۴م کال د سپتمبر ۲۰) د ورزشکارانو د ډوپینګ د معایناتو نړیوالې ادارې په خپل تازه رپوټ کې ویلي دي چې د پاریس په سږنیو المپیک سیالیو کې یې د ټولو ورزشکارانو له جملې دریمه برخه ورزشکارانو د ډوپینګ آزموینه کړې ده چې په دې ډله کې د پنځو ورزشکارانو د ډوپینګ نتیجه مثبته ختلې ده چې یو تن یې د افغانستان لوبغاړی دی.
د معایناتو پایلو ته په کتو، دا په ۲۰۲۱م کال کې د توکیو په المپیک سیالیو کې د ډوپینګ د مثبتو پایلو په پرتله یوه پیښه کمه ده. د توکیو په المپیک سیالیو کې د ډوپینګ مثبتې پیښې تر هغه د وړاندې ریو المپیک سیالیو په پرتله ۴ سلنه زیاتوالی درلود. د ریو په المپیک سیالیو کې بیا د ډوپینګ معایناتو د مثبتو پیښو فیصدې د ټولو ازمویل شویو کسانو ۱۰ سلنه برخه تشکیلوله.
د پاریس سږنۍ المپیک سیالۍ د روان کال د جولای میاشتې له ۲۶ څخه د اګست تر ۱۱مې نیټې پورې د فرانسې په کوربتوب ترسره شوې وې.
د ډوپینګ د معایناتو دغه نړیوال سازمان ویلي دي چې دا تر اوسه پورې د لوبغاړو د ازموینې تر ټولو لوړه فیصدي ده چې د ډوپینګ له پاره یې معاینات شوي دي او زیاتوي چې په ۲۰۲۴م کال کې تر دغو سیالیو وړاندې د ټولو ورزشکارانو له جملې د شاوخوا ۹۰ سلنه ورزشکارانو یو ډول نه یو ډول طبي معاینات شوي دي.
د پاریس ۲۰۲۴ المپيک د پرانيستنې په ورځ څه وشول؟
د پاریس ۲۰۲۴ المپیک سیالۍ د جولای په ۲۶مه په افتتاحيه مراسمو سره پيل شوې. د امنیت له پاره په لسونو زره ځواکونه ګمارل شوي. هم مهاله د اورګاډي پر پټلۍ د یو برید رپوټ ورکړل شوی. دلته د جمعې ورځې د مراسمو انځورونه کتلی شئ.
انځور: Stephanie Lecocq/Getty Imagesد پاریس د دوبي ۲۰۲۴ المپیک
په پاریس کې د ۲۰۲۴ دوبي المپیک سيالۍ د جولاي په ۲۶مه پيل او د اګست په ۱۱مه به پای ته رسیږي.
په دغه انځور کې یوه ښځه په متفاوت لباس ېې پر تن دي د پاریس په تروکاديرو میدان کې د المپیک بیرغ لېږدوي.
د فوټبال نامتو فرانسوي لوبغاړی زین الدین زیدان په افتتاحيه مراسمو کې د المپیک مشعل ليږدوي
د پاریس ایفل برج د افتتاحيه مراسمو پر مهال په څراغونو او د المپیک پر نښان ډیزاین شوی وو.
په شخ پړي ګرځېدونکی یو ځوان هم د المپیک سيالیو په افتتاحیه کې د ایفل برج مخې ته په پړي د ګرځيدو او جالبو حرکاتو سره خپل حيرانونکي نمایشات وښودل.
د پاریس المپیک ته ورغلي اسرائيلي لوبغاړي د پریټ پر مهال
د جولای په ۲۶مه د پاریس سن سیند د مختلفو هنري نمایشونو شاهد وو په داسې حال کې چې په کشتيو کې د مختلفو هېوادونو لوبغاړي په پریت کې تېرېدل.
د جون په ۲۶مه د پاریس ښار په منځ کې د بهیدونکي سن سيند، دوه غاړې او پر سر ېې پلونه هم د ښادیو مراسمو ډګ ول. په دغه انځور کې د دو آستر لتز پله په سره د فرانسې د بيرغ په رنګونو د لوګيو نمایشات ليدل کيږي.
د المپیک د پرانیستنې په مراسمو کې یو هم د سن سيند دوره وه. د مختلفو هېوادونو لوبغاړي د خپل هېواد له بيرغونو سره په کشتیو کې تېرېدل.
امريکايي وتلې سندرغاړې ليدي ګاګا هم د پاریس ۲۰۲۴ المپیک ته ورغلې چې د جولای په ۲۶مه ېې د سن سیند په غاړه د مراسمو د افتتاح پر مهال سندرې ووېلې
په دغه انځور کې فرانسوي لوبغاړي د المپيک د پرانیستې په مراسمو کې د کښتيو په پریت کې ليدل کيږي.
په دغه انځور کې بلجيمي لوبغاړي د پاریس په سن سیند کې د پریت پر مهال ليدل کیږي. د جمعې ورځې د پیل مراسم په باراني هوا کې ول.
د پاریس ۲۰۲۴ المپیک سیالیو ته ورغلي آلماني لوبغاړي چې د افتتاحيه مراسمو پر مهال د خپل هېواد بيرغونه ېې په لاس کې نيولي دي.
انځور: EMMANUEL DUNAND/AFP/Getty Images له افغانستان څخه د پاریس په المپیک کې شپږ لوبغاړي حضور لري چې له ډلې ېوه د ځغاستې په رشته کې کيمیا یوسفي ده. انځور له آرشیف څخه
د سعودي عربستان د لوبغاړو ډله چې د پرانیستې په مراسمو کې ېې له خپلو دودیزو جامو سره برخه اخیستې ده.
په دغه انځور کې په کشتۍ کې سپاره ګڼ شمېر هندي لوبغاړي ليدل کيږي چې د سن سیند په پریت کې د خپل هېواد له بیرغ سره تېريږي.
د اوکراین ولسمشر ولاديمیر زيلنسکي خوښې ښودلې چې د جګړې باوجود ېې د هیواد ورزشکاران د فرانسې ۲۰۲۴ المپیک کې برخه اخلي. په انځور کې اوکراینی لوبغاړي دي.
په دې انځور کې کاناډايي لوبغاړي ليدل کيږي.
فرانسې د المپیک د امنیت له پاره ۴۵زره پولیس او ۱۰زره د پوځ عسکر په دندو ګمارلي دي.
د فرانسې ولسمشر امانويل ماکرون له خپلې مېرمنې بريژيت ماکرون سره په ولسمشرۍ ماڼۍ کې پاریس ته د هېوادونو د ورغلو رهبرانو او مشرانو هرکلي ته ولاړ دی.
د المپيک او د کوربه هېواد مشران
د المپیک کميټي مشر توماس بخ (ښي لور) د فرانسې له ولسمشر امانويل ماکرون سره د جمعې په ورځ د المپیک سیالیو د پرانیستې په مراسمو کې.
شولڅ او ماکرون له خپلو مېرمنو سره
له کيڼ ښي پر لور: د فرانسې ولسمشر، امانویل ماکرون، د آلمان صدراعظم اولاف شولڅ، د شولڅ مېرمن بريتا ایرنست او د فرانسې د ولسمشر مېرمن بريژيت ماکرون تر ستړې مشې وروسته د انځور اخیستنې پر مهال.
د اورګاډي پر شبکې د برید خبر
د المپيک د افتتاحیه مراسمو سره سم د فرانسې د چټک سرعت لرونکو اورګاډو پر شبکې د برید خبرونه هم ورکړل. چارواکو ويلي چې برید سره د اورګاډو په تګ راتګ او مسيرونو کې یو څه ګډوډي رامنځ ته شوي او دوی تحقیقات کوي.
دغه سازمان همدا راز زیاته کړې ده چې د لوبغاړو د نمونې اخیستې تر ټولو ډیرې نمونې یې د هغو هیوادونو له ورزشکارانو اخیستې دي چې په دغو سیالیو کې یې د لوبغاړو شمیر تر نورو ډیر وو او هغه د امریکا متحده ایالات، فرانسه، چین او د استرالیا هیوادونه دي.
نوموړي سازمان په خپره شوې اعلامیه کې د ډوپینګ د مثبتو پیښو د لوبغاړو نومونه هم خپاره کړي دي. د دغه سازمان په حواله، د جودو په برخه کې د عراقي سجاد غانم سیهین، د افغانستان د محمد صمیم فیزاد، نایجیریايي سوک وهونکی سینتیا تیمیتایو اوګونسیمیلوري، د خیز اچووونکي ډومینک هیواد لاسکونکي مولامبا او د بولویايي لامبو وهونکي ماریا جوسه ریبریا پینټو د ډوپینګ پایلې مثبتې ختلي دي.
آژانسونه / خ. ح / ن. ز
