د ایالتي پولیسو په حواله د پولیسو موټر لومړی د مخه ځای پر ځای کړل شويو چاوديدونکو توکو ور برابر شوی وو او بيا پرې وسله والو ډزې پېل کړې وې. په دې ترڅ کې څلور پولیس او د هغوی موټر چلوونکی وژل شوي دي.

تر اوسه د سه شنبې ورځې د دې بريد پړه کومې ډلې پر غاړه نه ده اخیستې.

اړونده موضوع: شمالي وزیرستان: ځانوژونکي برید کې څلور عسکر وژل شوي

د پاکستان لومړي وزير شهباز شريف، دا بريد غندلی دی او ویلي دي: «پولیسو تل د ترهګرۍ ضد جګړې په لومړۍ جبهه کې خپل نقش لوبولی دی.»

دا پېښه د خیبر پښتونخوا په کرک سيمه کې چې نسبتاً له وسله والو بريدونو څخه خوندي ده، په داسې حال کې رامنځته شوې ده چې د پاکستان او افغانستان اړيکي ترينګلي دي.

دواړه هېوادونه هڅه کوي چې پر سرحد تر نښتو وروسته رامنځته شوې اوربند وساتي. د اکتوبر میاشتې نښتې واک ته د طالبانو تر رسېدو وروسته د دواړو هېوادونو ترمنځ تر ټولو خونړۍ اوسختې وې.

اړونده موضوع: په اسلام آباد کې برید؛ پاکستان وايي ځانمرګی د ننګرهار وو

پاکستان افغانستان کې پر حکومت تور لګوي چې وسله والو ته یې پخپله خاوره د پټنځايونو په ورکړې سره سخت دريځتوب ته وده ورکړې. خو په کابل کې واکمن طالبان دا ډول تورونه په کلکه ردوي او وايي چې ناامني د پاکستان داخلي ستونزه ده.

د پاکستان غرنۍ سيمې د تحريک طالبان پاکستان يا ټي ټي پي د وسله والې ډلې پوخ سنګر بلل کيږي چې د کابو شلو کلونو راهېسې د پاکستان د دولت پر ضد جګړه کوي.