د آلمان د پرمختيايي چارو وزارت يوه وياند د پنجشنبې په ورځ په برلين کې د وي ډي آر (WDR) چېنل له خوا پلټنې تائيد کړې دي چې له مخې يې د آلمان د نړيوالې همکارۍ ټولنې څلور کارکوونکي په افغانستان کې نيول شوي دی.
د عامه خدماتو د دغې رسنۍ په حواله د طالبانو استخباراتو دغه کسان نيولي دي چې په خبره يې تر اوسه پورې په بند کې دي.په مسکو کې د طالبانو د مخالفانو غونډه
د وي ډي آر رسنۍ د پرمختيايي چارو وزارت د وياند نقل قول داسې راوړی دی: »موږ بايد درک کړو چې امنيتي وضعيت تغيير کوي که ډېر ژر بريالي نه شو چې دغه قضيې روښانه او قيد يې پای ته ورسوو.« دا ځکه چې اوسنی وضعيت ډېر جدي بلل کيږي او له ټولو موجوده لارو هڅه کيږي چې دغه همکاران له بنده خوشې شي.آلمان: په يوه کنفرانس کې د طالبانو د استازي ګډون لغوه شوی
د دې له پاره چې يادې هڅې زيانمنې نه شي، نور جزئيات نه دي شريک شوي. د نړيوالې همکارۍ ټولنې يا جي آي زېد د اوس له پاره په افغانستان کې خپل ټول دفترونه تړلي دي. کارکوونکو ته يې ويل شوي دي چې نور دې دفترونو ته نه ورځي. ځينې يې د ويرې له کبله پټ شوي هم دي چې علت يې په افغانستان کې د استخباراتو له خوا د خلکو د نيولو يوه لړۍ ده.طالبانو د ملګرو ملتونو ارزونې ته څه ځواب ورکړی؟
د جي آي زېد څلور واړه کارکوونکو د خطرونو يا ريسک د ارزونې او مديريت په برخه کې کار کاوه چې ښايي اوس ورباندې د جاسوسۍ تورونه پورې شوي وي. ويل کيږي چې طالبان هم حاضر نه دي چې په دې اړه رسمي بيان ورکړي. د نړيوالې همکارۍ ټولنه يا جي آي زېد د آلمان د حکومت په فرمايش په بېلابېلو هېوادونو کې پرمختيايي پروژې پلې کوي.
په افغانستان کې د طالبانو تر واکمنۍ لاندې ژوند
په افغانستان کې د طالبانو له لوري په دراماتیک ډول د واک پر نیولو سربیره، ورځنی ژوند روان دی. خو ورځ تر بلې ژوند د تغیر په حال کې دی، په ځانګړي ډول د ښځو له پاره.
انځور: WANA NEWS AGENCY/REUTERSله افغانستان څخه خپریدونکي انځورونه او ویډیوګانې په ښارونو کې د خلکو ګڼه ګوڼه ښيې، لکه د هرات په دغه رستورانت کې، چې مشتریانو ته هرکلی ویل کیږي. خو د پخوا په پرتله د پام وړ یو بدلون تر سترګو کیږي: د میزونو شا او خوا یوازې نارینه لیدل کیږي چې زیاتره یې دودیز کالي اغوستي وي او د ځینو یې پګړۍ پر سر وي. په ښارونو کې د ښځو شمیر ډیر کم شوی.
د نجونو او هلکانو د صنفونو جلا کیدل
د کابل په یوه خصوصي پوهنتون کې یوې پردې دغه محصلین سره جلا کړي دي. د جنسیت له مخې جلا والی دلته یوه رسمي پالیسي ده او ښایي لا پسې پراخه شي. د افغانستان د لوړو زده کړو وزیر عبدالباقي څو ورځې مخکې په کابل کې وویل: «په ګډو صنفونو کې زده کړه له یوې خوا له اسلامي ارزښتونو سره په ټکر کې ده او له بلې خوا د افغانانو د ملي، فرهنګي او عنعنوي ارزښتونو سره په تضاد کې ده.»
د ائتلافي ځواکونو تر شل کلن حضور وروسته هغه حقوق چې ښځو ترلاسه کړي وو ژر له منځه ولاړل. د طالبانو د فرهنګي کمېسیون د مرستیال په خبره د ښځینه ورزشکارانو له پاره به سپورت منع شي.
طالبانو هر لوري ته د تالاښۍ پوستې جوړې کړي دي. خلک په وسلو سمبال طالبانو څخه اندیښنه لري او له دې کبله غواړي د امکان تر حده د چا د پاو وړ و نه ګرځي. غربي لباس ډیر کم تر سترګو کیږي او په درنو وسلو سمبال کسان زیات ليدل کيږي.
په کابل کې هغه کارګر چې په ورځني مزد کار کوي، د یوه سړک پر غاړه په دې تمه دي چې یو څوک یې کار ته بوځي. افغانستان چې د طالبانو تر ولکې دمخه يې هم اقتصادي وضعيت کمزوری وو، اوس د اقتصادي سقوط او لا زیاتې بې روزګارۍ سره مخامخ دی. د ملګرو ملتونو د اټکل له مخې په راتلونکو میاشتو کې زیات انسانان بې وزلي ګواښي.
د بشري حقونو له پاره مبارزه
له افغان مېرمنو سر پر بې رحمانه سرکوب سربیره هغوی بیا هم د خپل تعلیم، کار او مساوي حقوقو غوښتنه کوي. د ملګرو ملتونو د بشري حقونو دفتر خبر ورکړی دی چې سوله ایز لاریونونه هم د تاوتریخوالي ډک چلن سره مخامخ کیږي. طالبانو مظاهره کوونکي په لښتو او درو وهلي او فیرونه يې پرې کړي دي چې تر اوسه د څلورو کسانو د وژل کیدو او نور ډېرو د ټپيانيدو رپوټونه ورکړل شوي دي.
له بل لوري دغه ښځې وایي چې دوی د طالبانو له نویو مقرراتو څخه راضي دي. دغه ښځې چې د طالبانو امنیتي کسانو بدرګه کولې، د طالبانو له چلن څخه بشپړ رضایت ښکاره کاوه. د دغو لاریون کوونکو په خبره هغه میرمنې چې له هیواده وځي د دوی استازیتوب نه کوي او په دې باور دي چې اسلامي قوانین د هغوی خوندیتوب تامینوي.
د طالبانو ضد لاریونونو برعکس دا ځل د هغوی [طالبانو] په پلوۍ لاریون ته خبریالان هم وربلل شوي ول. ځینې هغه خبریالان چې د طالبانو ضد لاریونونو ته یې خبري پوښښ ورکاوه د طالبانو له خوا له سخت تاوتریخوالي سره مخامخ شوي وو. دا د بدلیدونکي وخت په ځانګړې توګه د ښځو له پاره یو روښانه نښانه ده.
