د آلماني پوځ، ګمرکي ادارو او د پولیسو د ماموریتونو په چوکاټ کې له شاوخوا زرو سپو څخه استفاده کیږي.

له دې جملې څخه ۴۲۰ سپې يي د پولیسو په اختیار کې دي.

له ۲۵۰ سپو څخه د آلماني پوځ په خپلو مختلفو ماموریتونو کې استفاده کوي.

د ټول آلمان په کچه د ګمرک مامورین له ۳۴۰ سپو څخه استفاده کوي

له آلمان څخه دباندې په مالي او افغانستان هیوادونو کې هم دوه سپیان د آلماني پوځ د ماموریت په چوکاټ کې خدمت کوي.

آلماني پوځ له درې نسله سپو څخه په خپلو ماموریتونو کې استفاده کوي چې عبارت دي له آلماني شپانه سپي، بلجیمي شپانه سپي(د لیوه ذات) او لابرادور رتریو څخه.

آلمان په بهرنیو ماموریتونو کې له یوه بل سپي څخه هم استفاده کوي. دا سپی د «فرونټکس» یا د اروپایي اتحادیي د بهرنیو سرحدونو د ساتنې ماموریت په چوکاټ کې په یونان کې فعالیت کوي.

خو د آلمان د ګمرک مامورين له ۱۸ مختلفو نژادونو له سپو څخه په خپلو ماموریتونو کې استفاده کوي. له جک روسل څخه نیولی بیا تر «تری یر» پورې.

د حفاظتي ماموریتونو له پاره له هغو سپو څخه کار اخیستل کیږي چې لوې جسامت ولري. د لابرادور سپي د تجسسي او یا مخدره موادو او نقدو پيستو د پیدا کولو ماموریت په غاړه لري.

په عین وخت کې آلماني پوځ په خپلو ماموریتونو کې له موش خورما یا غټ موږکانو څخه هم استفاده کوي. په دې رپوټ کې د دوی دقیق شمیر نه دی ښودل شوی.

خو دغه موش خرما یا موږکان چې د آلماني په ماموریتونو کې ترې استفاده کیده نامناسبه بلل شوي دي.

په دې رپوټ کې ویل شوي دي چې د چاودیدونکو موادو د موندنې په موخه د دوی کارونه اغیزمن نه دي.

د آلمان حکومت د آزاد دیموکراتانو د پارلماني فرکسیون د پوښتنې په ځواب کې ویلی دي چې آلماني پوځ اوس هم په خپلو ماموریتونو کې له قچرو څخه د حمل و نقل د وسیلې په توګه استفاده کوي.

آلماني پولیس په خپلو ماموریتونو کې له اسونو څخه استفاده کوي. هیڅ یو له دغو دریو ادارو څخه نور له مچیو، وحشي خنځیرانو او الوتونکو څخه په خپلو ماموریتونو کې استفاده نه کوي. هغه حیوانات چې اوس هم ترې په یو شمیر هیوادونو کې استفاده کیږي

«The main battle tank» (ام بي ټي) يا ليوپارډ ۲ د جګړې د ډګر «بهترين وسله وال موټر» دی چې د فاير يا ويشتو ډېر قوت لري. ليوپارډ ۲ «يوه ډېره متحرکه صحرا تلونکې نقليه وسیله بلل کيږي چې زنځير او يوه ډېره قوي ماشينداره د اصلي وسلې په توګه لري چې ۳۶۰ درجې څرخي.

«هاوبڅ ۲۰۰۰ ټانک» زنځير لرونکی یا چین داره د توپخانې سیسټم دی چې راکټونه یې تر ۶۰ کيلومتر اوږد واټن پورې فاصله په نخښه کولی شي. دا چې مرمۍ یې په اتوماتيک ډول ډکيږي نو دا د مسلسل فاير ډېره زياته وړتيا لري.

دا ټانکونه زياتره وخت د جګړې په لومړۍ کرښه کې د سپکو وسلو څخه د دفاع په موخه کارول کيږي او همدا راز د درنو ټانکونو په مقابل کې هم دفاع کوي. د دې ټانکونو اصلي دنده د جګړې ډګر ته د عسکرو انتقال دی. دا پياده جنګي وسايط يا ټانکونه درانه يا جګړه ایز ټانکونه د جګړې تر میدانه بدرګه کوي او ساتنه ترې کوي. دا ټانکونه په سپکو وسلو او زیاتره وخت په هدایت شويو توغنديو سمبال وي چې زغروال ټانکونه سوري کوي.

پوما د لا ډېر جګړه ايز ځواک په لرلو سره له ماردر ټانکونو لا عصري دي. دا ټانک د ۳۰ ملي متره کاليبر لرونکی بشپړ قوي توپ لري. د ټانک پر سر د توپ د کنترول له پاره پرسونل ته اړتيا نه وي ځکه چې وسله له لیرې کنتروليږي.

زغره وال پرسونل انتقالوونکي فوکس او بوکسر ټانکونه د ځمکنيو قطعاتو، تلفاتو او يا د تجهیزاتو د انتقال له پاره طرحه شوي دي او يوازې په سپکو وسلو سمبال دي. دا په دې معنا چې دا ټانکونه په عمومي ډول يوازې د سپکو او منځنيو ځمکنيو وسلو پر وړاندې مقاومت کولی شي.

کوچنۍ، چټکه، خاموشه او يوازې په سپکو وسلو سمباله دا نقليه وسیله چې «فينک» نوميږي د لولکس ټانکونو ځای ناستي او د آلمان د پوځ اصلي اکتشافي ټانک دی. دا د دريمې کچې زرې محافظت لري او په بيلا بيلو وسلو سمباليدلای شي.

د «Büffel» زغره وال د حصول يا بيا موندنې دا ټانکونه د هغو ټانکونو او نورو درنو وسلو او ابزارو په بيا موندلو او ترلاسه کولو کې مرسته کوي چې د جګړې په ډګر کې د بريدونو له کبله ويجاړ شوي وي.

«بيبر» پل جوړونکي ټانکونه دي چې د سيندونو او خندقونو څخه د تیرېدو له پاره ډیزاين شوي. دغه ټانکونه په صعب العبور سیمو کې ډیر ګټور بلل کیږي او نورو نقیله جنګي وسایطو ته د پل په توګه نقش لوبوي.

ګيپارد په هر ډول آب و هوا کې کار ورکونکی خودکاره د الوتکې ضد ټانک دی چې په ۱۹۶۰م لسیزه کې جوړ شوې او په ۱۹۷۰م لسیزه کې ميدان ته کښته کړل شو. دا ټانکونه څو ځلي عصري شوي او په نويو او پرمختللو وسايلو سمبال شوي دي. دا د آلمان د پوځ او د ناټو د يو شمير نورو هېوادونو د هوايي دفاع اساس بلل کيږي.