پولنډ هغه هیواد دی چې تر ټولو ډیر خلک یعنې شاوخوا ۲ میلیونه کسان پکې د آلماني ژبې په زده کړه بوخت دي. د دې یو دلیل د دواړ هیوادونو نږدې اقتصادي مناسبات او جغرافیاوي نږدیوالی دی. خو سره له دې هم له کله راهیسې چې انګلیسي ژبه په دغه هیواد کې د لومړۍ خارجي ژبې په توګه انتخاب شوې ده، د هغو کسانو شمیر چې آلماني زده کوي کم شوی دی.

په فرانسه کې دا خبره مشهوره ده چې آلماني یوه مشکله او د نخبه ګانو ژبه ده، خو سره له دې هم په فرانسه کې ۱۹ سلنه زده کوونکي آلماني زده کوي چې شاوخوا ۱،۱۹ میلیونه کسان کیږي. له دې ډلې ۹۷ سلنه یي په ښوونځي کې آلماني زده کوي. د آخن د همکاریو تړون چې په ۲۰۱۹م کال کې د آلمان او فرانسې تر منځ لاسلیک شو، د آلماني ژبې د دزده کوونکو شمیر به لا زیات شي.

له پخوانۍ سروی څخه چې په ۲۰۱۵م کال کې شوې وه، په مصر کې د هغو کسانو شمیر ۶۰ سلنه زیات شوی چې آلماني زده کوي. یعنې له ۲۶۲ څخه ۴۰۵ ته لوړ شوی دی. د مصر حکومت په پام کې لري چې تر اووم ټولګي وروسته په ټولو دولتي ښوونځیو کې آلماني ژبه د دویمې خارجي ژبې په توګه تدریس شي. همدارنګه د هغو پوهنتونونو شمیر چې د آلماني ژبې تدریس پکې کیږي له ۱۲ څخه ۳۶ ته لوړ شوی دی.

د مکسیکو په پوهنتونو کې نږدې نیمایي (۴۶ سلنه) محصلین آلماني ژبه زده کوي. یو پر څلورمه برخه د دوی د پاخه عمر درلودونکو له پاره د آلماني ژبې د زده کړې په صنفونو کې ګډون کوي. مکسیکو یو له هغو هیوادونو څخه دی چې آلمان ترې ماهره کارګر جذبوي.

له پخوانۍ سروې تر اوسه پورې د هغو کسانو شمیر دوه برابره شوی دی چې آلماني ژبه زده کوي. پنځه کاله مخکې دغه شمیر ۶۰۰۰ وو اوس ۱۳۰۴۵ تنو ته رسیدلی دی. د هغوی ډيری په آلماني ښوونځیو کې ژبه زده کوي او موخه یي په آلمان کې کار یا تحصیل وي.

په هند کې شاوخوا ۲۱۱ زره کسان د آلماني ژبې په زده کړه بوخت دي چې دا د ۲۰۱۵م کال په پرتله ۵۷۰۰۰ تنه زیات دي. په داسې حال کې چې د هند په ښوونځیو کې آلماني ژبه تر فرانسوي وروسته ده، خو په پوهنتونو کې د آلماني ژبې زده کړې ته د زمينې مساعدول مخ پر ډیریدو دي. د هغو کسانو شمیر چې په پوهنتونونو کې آلماني زده کوي له ۲۳۰۰ څخه ۳۰ زرو ته لوړی شوی دی. هندیانو ته هم آلمان د کار او تحصیل په خاطر یو جذاب هدف دی.

په روسيه کې د آلماني ژبې د زده کوونکو شمیر وروسته له کلونو کمښت څخه بیرته زیات شوی دی. له ۲۰۱۵م کال څخه تر اوسه پورې پر دې شمیر ۲۵۰ زره تنه زیات شوی او ۱،۸ میلیونه تنو ته رسیدلی دی. د دې ډیریوالي دلیل هم شاید په تعلیمي نصاب کې اصلاحات وي چې د دویمې خارجي ژبې زده کول یي اجباري کړي دي: لیکواله ګریتا هامن/ ش.ن/ ن.ز

په یوې نوې ژبې خبرې کول ستونزمن کار دی ځکه یو کس باید هغه څه چې تازه زده کړي وکاروي. له دې کبله که داسې څوک چې له تاسو سره په آلماني ژبه خبرې وکړي نه وي، نو تاسو باید به خپله ډیر تمرین وکړئ.

پر وړوکو کاغذونو باندې د هر هغه څه نومونه ولیکئ چې تاسو ترې هر ورځ کار اخلئ. دغه نومونه بیا پر دغو توکو باندې وچسپوئ. دا د ورځې په جریان کې د نویو کلمو د یادولو ښه لار ده. د دغو نومو جمع حالت په آلماني ژبه کې له هغوی سره کاریدونکي ارتیکل هم ولیکئ.

د ماشومانو له باره لیکل شوي کتابونه په ساده ژبې وي او ورسره انځورونه هم موجود وي. له همدې کبله دا کتابونه له هغو کسانو سره مرسته کوي چې غواړي تازه آلماني ژبه زده کړي. د ماشومانو له پاره ځیني کتابونه آن په دوو ژبو لیکل شوي وي.

په آلماني ژبه کې د هغو لغتونو زده کول چې هر ورځ پکاریږي ډیر مهم دي. هڅه وکړئ چې خپل د خریداري لیست او نور یادښتونه په آلماني ژبه ولیکئ. دا کار ښايي یو څه ډیر وخت ونیسي، خو د ژبې له زده کولو سره ډیره مرسته کوي.

کله جې بازار ته ځئ هڅه وکړئ چې خپل آلماني لغتونه وکاروئ.

تر ټولو مهمه خبره دا ده چې خلک ستاسو په خبرو پوه شي. دا په دې معنی نه ده چې ستاسو هره جمله دې په بشپړه توګه سمه وي. که تاسو په یوې جملې ګرامری غلطي وکړئ دا کومه لویه ستونزه نه ده.

کله چې تاسو تازه آلماني ژبه زده کوي ښايي دا ستونزمن کار وي چې تاسو په آلماني ژبه د راډیو په پروګرامونو پوه شئ. خو که تاسو ډیره راډیو واورئ، نو تاسو له آلماني ژبې سره لا ډیر اشنا کیدای شئ.

تاسو کولای شئ داسي آلمانیان وموندي چې غواړي تاسو ته آلماني ژبه زده کړي او له تاسو خپله ژبه یاده کړي. له دې کار سره تاسو کولای شي له دغه کس سره مرسته وکړئ او په بدل کې مرسته ترلاسه کړئ.

د دې له پاره چې تاسو د خوراکي توکو نومونه زده کړئ، د پخولو پر مهال د هغوی نومونه هم زده کړئ.

هغه کتاب چې ستاسو خوښ وي په آلماني ژبه وموندئ او بیا یې ولولئ. دا چې دغه کتاب تاسو پخوا په یوې بلې ژبې لوستئ دی نو له تاسو سره مرسته کوي چې په آلماني ژبه هم له هغه څخه خوند واخلئ او نوي لغات زده کړئ.

مویزیک د یوې ژبې د زده کولو ډیره ښه لار ده. تاسو له دې سره هم سندرې اوریدای شئ او هم کولای شئ چې نوي لغات او جملې زده کړئ.

دا د آلماني ژبې د زده کړې او تفریح د سره یوځای کولو یوه ښه لار ده. په آلماني ژبه ډیر ښه فلمونه او تلویزیوني پروګرامونه شته چې تاسو آن کولای شئ هغه له انګلیسي لیکلي متن سره ووینئ.