د آلمان په ښارونو کې د خلکو له ګڼه ګوڼې او شور سره د نوي کال لمانځنه له يو لړ بې نظمیو او آن مرګ ژوبله سره مله وه. د بېړنيو خدماتو سکتور د نوي کال په شپه د چهارشنبې تر سهار وختي ډېر مصروف ساعتونه درولودل.
د آلمان پولیسو او د اور وژنې ادارو په ټول هيواد کې د څلورو کسانو د مړېنې خبر ورکړی دی چې په احتمال سره له اور او چاودنو سره تړاو لري. رپوټونه وايي د آلمان په يو شمېر ښارونو کې پر عاجلو خدماتو اورلوبې وار شوي، هغه عمل چې په وروستیو کلونو کې په تکرار ترسره شوی دی. په دې لړ کې د برلین یو چارواکی سخت ټپي شوی چې جراحي عملیات ته ېې اړتیا پېدا کړې.
د برلین روغتون وويل، چې د شپې په ابتدا کې اته کسان چې پر لاسونو سخت ټپيان شوي ول، وروړل شول چې وروسته ېې شمېر ۱۵ ته پورته شو.
پولیس وايي د نوي کال له پيله یو ساعت یا له یو ساعت هم مخکې خلک کوڅو ته راووتل او اورلوبې ېې پیل کړېانځور: Sebastian Willnow/dpa/picture alliance د برلین پولیسو د چهارشنبې په ورځ وختي د ښار له هغو مرکزي ناحیو چې اورلوبې پکې نه دي شوي، خوښې وښوده خو له نورو سیمو لا هم د ګډوډیو رپوټونه ورکول کيږي.
د برلین د پولیسو ویاند، فلوریان ناټ، په یوه ويډيو کې چې پر انترنيټ خپره شوې د ګډوډیو په تړاو د افرادو د نیولو خبره کړې ده. هغه ويلي دي: «موږ شاوخوا ۳۲۰ کسان نيولي دي. په ګڼو مواردو کې هم پر پولیسو او هم پر اطفائيې [د اورلوبو وسيلو] حملې شوي دي.» هغه زیاته کړې چې پولیسو په برلین ښار کې د خپل محافظت له پاره د اطفائيې پرسونل له ځانه سره لرل.
ناټ زیاته کړه چې د اورلوبو په جریان کې د پولیسو یو افسر ډېر شدید ټپي شو، چې د شپې د روغتون په عاجله برخه کې تر عملیات لاندې ونیول شو. هغه وويل داسې ښکاري چې دغه افسر د اورلوبې په یوې غیرقانوني وسېلې لګېدلی وي.
د کولن ښار پولیسو هم د نوي کال په شپه پر غیرقانوني اورلوبو د دوو پولیسانو د ټپي کېدو خبر ورکړی. پولیس وايي هم د پولیسو او هم د اطفائي پر لوري د اورلوبې آلې وار شوي دي. په لایپڅیګ کې بیا یوې شاوخوا ۵۰ کسیزې ډلې پر عاجلو خدماتو حمله کړې ده. له هامبورګ او نورو ښارونو څخه هم د ورته پېښو رپوټونه او انځورونه خپاره شوي دی.
د اطفائيې پرسونل د نوي کال په شپه په ټول آلمان کې له کوچنیو اورلګېدنو سره د مبارزه له پاره لاس په کار ول.
د آلمان پولیس وايي چې د دغه هېواد په مختلفو ښارونو کې پر پولیسو او اطفائي دواړو د اورلوبې وارونه شوي ديانځور: Sebastian Willnow/dpa/picture alliance د آلمان په نویه ويد ښار کې د مالونو په یو ګدام کې د اور لګېدو رپوټ ورکړل شوی. پولیس شک کوي چې دغه اورلګېدنه دې هم د اورلوبو له کبله رامنځ ته شوي وي. نویه ويد، د آلمان په غرب کې پروت یو کوچنی ښار دی. رپوټونه وايي په ګدام کې اور شپې له یوې بجې لږ مخکې بل شو.
د سيمې پولیسو په یوه اعلاميه کې ویلي: «په دغه لوی ګدام کې چې د نور مالونو تر څنګ لرګې هم پکې زېرمه شوي ول، په بشپړه توګه سوځېدلي دي.» په اعلاميه کې راغلي دي چې د ایمرجنسي سرویس یا د عاجلو خدماتو ادارې پرسونل د پېښې ځای ته له نژدې کورونو خلک وایستل او اور تر کنټرول لاندې راوستل شو.
پولیسو د سهار په شاوخوا ۶ بجو په یو تازه بیان کې وويل چې «د اور مړ کولو له پاره کار ادامه لري. د اور شدت له کبله نژدې ساختمانونه هم زیانمن شوي دي. پولیس اټکل کوي چې د اورلګېدنې زیان به د شپږرقمي عدد په اوسط کې وي.» پولیس زیاتوي چې د دغې اورلګېدنې دلیل هم تر ډېره د نوي کال په مناسبت شوې اورلوبې دي، چې په هکله ېې تحقیقات ادامه لري.»
د ۲۰۲۵م کال د جشن انځورنه:
د نړۍ په یو شمېر لویو ښارونو کې د ۲۰۲۵م کال د پیل شيبې
تېره شپه نړۍ، په ځانګړې توګه لوی ښارونه لکه توکیو، سيدني، پاریس، برلین، دوبۍ، نیویارک او نور د ۲۰۲۵م کال د پېل رنګینو مراسمو د لمانځنې شاهدان وو. اورلوبې، رنګینې وړانګې، خوښي او د خلکو له شوره ډک حضور. انځورنه وګورئ.
انځور: Jörg Carstensen/dpa/picture allianceجاپان د ۲۰۲۵م کال د هرکلي له پاره په پلازمېنه توکيو کې دغه مشهوره دولتي ودانۍ په څراغونو رنګينه کړې ده.
د استرالیا سيدني ښار معمولا د نوي کال د لمانځنې له پاره پر مشهور پله، هاربر، اورلوبې تنظیموي. د دغه پله ترڅنګ د سیدني د اوپرا ساختمان هم د اورلوبو په رنګينو رڼاګانو کې ښکاري.
په هانګ کانګ کې د ۲۰۲۵م کال د داخلېدو شیبه. خلک په ويکتوریا هاربر کې د اورلوبو سیل ته ولاړ او ورڅخه انځورونه اخلي.
معمولا ښارونه تر ټولې مشهورې ودانۍ د نوي کال د اورلوبو له پاره ټاکي. د ټایوان تايپه ۱۰۱ برج چې یو وخت د نړۍ تر ټولو دنګه ودانۍ وه، په دغه انځور کې د ۲۰۲۵م کال د پيل په شيبه کې ليدل کيږي.
د تایوان د تايپه ۱۰۱ برج له يو بل اړخه د اورلوبو د پيل شيبه. د نوې کال تر ټولو هيجاني شيبه نوي کال د داخلیدو یوازې د پاتې لسو ثانیو وخت وي. نیمه شپه یعنې فکس دولس یا صفر بجو سره نوی کال داخليږي.
د چین د هاربين د یخ او واورو جشن
په چين کې بیا د میلادي کال پيل د نړۍ د نورو سیمو په څېر ډېر پراخ نه لمانځل کيږي. په چین کې کال په قمري سیستم دی چې سږکال به د جنوري پر ۲۹مه وي. په دغه انځور کې د چین په شمالشرقي ایالت هیلونگجیانگ، کې د واورې او يخ څخه جوړ پارک لیدل کيږي. دا په خپل ډول کې د نړۍ تر ټولو ستر پارک دی. چین ېې فستیوال هم لري.
د سوريې دمشق ښار هم تېره شپه د ۲۰۲۵م کال د لمانځنې شاهد وو. په انځور کې خلک د یوه ستيج مخې ته د خوښیو په مراسمو کې ليدل کيږي چې د یو نندارچي له خوا پکې د سوريې بیرغ هم ښورول کيږي.
د دوبی خلیفه برج چې د نړۍ تر ټولو لوړه ودانۍ ياديږي د ۲۰۲۵م کال د جنوري د لومړۍ نيټې په لومړیو ثانیو کې د اورلوبو جالبې نندارې وړاندې کړې.
د آلمان پلازمېنه برلین په برندينبورګ دروازه کې د ۲۰۲۵م کال جشن. تر ډېره خلک د ښار همدې مشهوره سیمه کې راټول او د نوي کال داخلیدو ته انتظار باسي. رپوټونه وايي چې پولیسو د ښه امنیت له پاره تابیا نيولې وه، خو د هغې سربېره ګڼ شمېر کسان نيول شوي دي. د نوي کال جشن په څېر مراسمو کې ځېنې وخت پېښې هم رامخته کیږي.
په دغه انځور کې د لندن ښار مشهور ساختمانونه، بيګ بن برج او مشهور چرخ و فلک (لندن آی) د نوي کال په اورلوبو کې ښکاري.
د پاریس د ایفل برج تر څنګ شانز الیزه واټ د نوی کال د لمانځنې یو محبوب ځای دی. په دغه انځور کې یاد واټ ته څېرمه د بریا تاق پر تاق د ۲۰۲۵م کال د داخلیدو شیبه لیدل کیږي.
د ۲۰۲۴م کال د دسمبر پر ۳۱ شپه د روم ښار په مختلفو برخو کې خلک د نوي کال داخلیدو ته دقیقې شمارلې. په انځور کې خلک ليدل کيږي چې په جیانیکولو تپه کې خوښي او د نوي کال لمانځنه کوي.
نیویارک، امریکا متحده ایالات
د امریکا په نیویارک کې هم د ۲۰۲۵م کال جشن ولمانځل شو. په انځور کې خلک په دودیزه توګه پر «ټایم سکوایر» د کانفیت (رنګه کاغذونه) شیندلو پر مهال لیدل کيږي.
