د پولیسو په حواله د آلمان په دویم لوی ښار هامبورګ کې د پنجشنبې په ماښام (د مارچ میاشتې ۹) په یوه کلیسا کې د برید په نتیجه کې سخته مرګژوبله رامنځته شوې ده. ویل کیږي چې په وژل شوو کې بریدګر هم شامل دی.
آلمان: په اورګاډي کې د چاقو بريد دوه تنه وژلي
د هامبورګ پولیسو د جمعې په ورځ په یوه ټويټ کې ویلي دي چې ګروس بورسټیل کمیونیټي سنټر کې د یوه کس مړی موندل شوی دی او فکر کیږي چې همدا بریدګر وو. په ټویټ کې ویل شوي: «د روان وضعیت په پام کې نیولو سره زموږ په نظر بریدګر یوازې یو کس و.»
زمونږ له فیسبوک سره یوځای شئ
یوه وسله وال کس د پنجشنبې په ورځ د آلمان د هامبورګ ښار په یهووا ویټنس کلیسا کې برید وکړ چې ډېرو کسانو ته یي مرګژوبله واړوله. د پولیسو په وینا د برید انګیزه تر اوسه پورې معلومه نه ده.
که څه هم پولیسو د وژل شوو کسانو شمیر نه دی ښودلی، خو د سیمه ایزو رسنیو په حواله لږ تر لږه ۸ کسان پکې وژل شوي او ۸ نور په شدید ډول ټپیان شوي دي.
تر اوسه پورې ترلاسه شوي معلومات څه دي؟
د ګروس بورسټیل ولسوالۍ د یووواه په ویټنس کنګډم تالار کې د پنجشنبې په ماښام د سیمه ایز وخت مطابق نږدې نهه بجې برید شوی. د پولیسو یوه ویاند بې له دې چې اوښتې مرګژوبله تائیده کړي ویلي دي چې «وژل شوي ټول کسان په ډزو ویشتل شوي دي.»
د آلمان د هسن ایالت په هاناو ښار کې د یوه کال مخکې برید د ۹ قربانیانو یادون وشو. د آلمان د کورنیو چارو وزیري نانسي فیزرهم د آلمان د دولت پر تیروتنو او نیمګړتیاو اعتراف وکړ. د قربانیانو د یادون د مراسمو یو شمیر انځورونه:
انځور: Thomas Lohnes/Getty Imagesد ۲۰۲۰م کال د فیبرورۍ په ۱۹ نېټه یوه ۴۳ کلن آلماني په هاناو کې ۹ تنه داسې کسان ووژل چې د مهاجرت ريښې یي درلودې.
د شنبې په ورځ د آلمان صدراعظم اولاف شولتڅ په یوه ویډیویي پيغام کې ژمنه وکړه چې د ښی اړخي افراطیت پر وړاندې به پریکړنده مبارزه وکړي.د آلمان صدراعظم اولاف شولتڅ په یوه ویډیوي پيغام کې د دغو ۹ تنو قربانیانو نومونه واخیستل او ویې ویل: «تاسې زموږ د هیواد یوه برخه وئ، زموږ یوه برخه.» نوموړي همدارنګه وویل چې د آلمان حکومت به «د نژادپرستۍ او ښې اړخو د ترور پر وړاندې قاطعانه مبارزه وکړي.»
چارواکو دغه برید د ښې اړخي افراطیت او نژادپرستانه انګیزو په توګه طبقه بندي کړل. تر اوسه پورې په دې اړه شکونه موجود دي چې آیا دغه کس یوازې و یا نور پلویان او د جرم شریکان یي هم درلودل.
د آلمان د کورنیو چارو وزیر وویل: «موږ د قربانیانو کورنیو ته د ټولو سوابقو د بررسۍ په برخه کې پوروړي یوو. ډېري پوښتنې تر اوسه پورې بې ځوابه پاتې دي. موږ به خپلې ټولې هڅې په کار واچوو، څو دغه وحشتناک برید روښانه شي او د قربانیانو کورنۍ د خپلو پوښتنو ځواب ترلاسه کړي.»
په هسن ایالت کې د پارلماني څېړونو کمېټه هم د دې جنایت په هکله تحقیق کوي. مېرمن فایزر د افراطیانو کرکجنو ویناو ته په اشارې سره وویل: «دغه کرکه خپرونکي پوهیږي چې څه کوي. موږ یي باید مخه ونیسو او باید ترې تحقیق وکړو.» نوموړۍ همدارنګه د «فرانکفورتر الګماینه» ورځپاڼه کې له قربانیانو او د دوی له کورنیو سره د لا زیاتې مهربانې غوښتنه وکړه.
د هیسن ایالت لومړي وزیر ولکر بوفیر هم خبرداری ورکړ چې قربانیان باید له یاده و نه ایستل شي. هغه وویل: «دوی ناپيژندل شوي قربانیان نه ول، بلکې داسې کسان ول چې له خپلو هیلو، اندېښنو او خوښیو سره یي خپل نومونه او خپلې کیسې درلودلې.»
د آلمان صدارعظم همدارنګه زیاته کړه چې د دې جنایت سابقه تر اوسه پورې په بشپړه توګه روښانه شوې نه ده «هغه پوښتنې چې تر اوسه بې ځوابه پاتې دي چې باید ځواب شي. موږ د کرکې پر ځای درناوي او د بې اتفاقۍ پر ځای پر پیوستون تکیه کوو.»
د شنبې ورځې تر غرمې وروسته د ښار په مرکز کې د توکمپالنې پر ضد مظاهرې وشوې. د آلمان په نورو ښارونو لکه لایپڅیګ او مونشن کې هم د هاناو د قربانیانو یادون تازه شو. د دغو مظاهرو په څنډه کې د متقابلو تورونو سره مل د پولیس او مظاهره کوونکو ترمنځ اخ و ډب هم رامنځته شو.
نوموړي زیاته کړه چې شاوخوا ۸ بجې او ۴۵ دقیقې وې چې پولیسو د پيښې په هکله اطلاع ترلاسه کړه او سمدستي د پيښې ځای ته ورسیدل، ځکه د پيښې ځای ډېر نږدې و.
پولیس وايي چې تر اوسه پورې د بریدګر هویت او د برید د انګیزې په هکله هیڅ معلومات واضح شوي نه دي.
پولیس وایي چې د پنجشنبې په ماښام په یوه درې منزله ودانۍ کې یوه غونډه روانه وه. د سیمه ایزو رسنیو په حواله هلته د یهووا تحریک پورې اړوند کسان د بائبل یا انجیل شریف د مطالعې اونیزې غونډې له پاره را ټول شوي ول.
زمونږ له یوټیوب سره یوځای شئ
یهووا د ۱۹ پیړۍ په وروستیو کې رامنځته شوی امریکایي مسیحي تحریک دی چې د عدم تشدد له پاره تبلیغ کوي او کور په کور خلک د انجیل شریف پیروي کولو ته رابولي. په آلمان کې د دې تحریک د پیروانو شمېر شاوخوا ۱۷۵ زرو ته رسیږي چې ۳۸۰۰ تنه یي په هامبورګ کې دي.
آلمان ـ د چړې بريدګر د صوماليا مهاجر دی
په آلمان کې په دې وروستیو کلونو کې د افراطي اسلامپالو له خوا یو شمیر بریدونه شوي دي. د ۲۰۱۶م کال په دسمبر کې یوه افراطي په برلین کې د کرسمس په بازار کې د لارۍ موټر په وسیله برید وکړ چې ۱۲ کسان یي ووژل. د تونس هیواد پورې تعلق درلودونکی دغه بریدګر چې پناه یي نه وه ترلاسه کړې د داعش ترهګرې ډلې پلوی وو.
آژانسونه: ش.ن/ ن.ز
