د آلمان په بادن ورتمبرګ ایالت کې اداري محکمې د سه شنبې (د مارج میاشتې ۷ نیټه) په ورځ دغه پریکړه د یوه افغان پناه غوښتونکي ځوان د شکایت په ارتباط کړې ده چې د پناه غوښتنه یي د آلمان د مهاجرت ادارې له خوا رد شوې وه.
په آلمان کې د مهاجرت پر موضوع د سرمشریزي غوښتنه
دغې محکمې ویلي دي چې یو ځوان مجرد او د کار وړتیا درلودونکی سړی، په هغه صورت کې چې په افغانستان کې کورنۍ ونه لري او یا ونه توانیږي هلته ځانته ټولنیزه شبکه پیدا کړي، نباید دغه هیواد ته اخراج شي.
زمونږ د یوټیوب له کانال سره یوځای شئ
محکمې زیاته کړې ده چې د یوه افغان پناه غوښتونکي اخراج یوازې په هغه صورت کې ممکن دی چې هغه په «افغانستان کې کورنۍ یا یوه پایداره ټولنیزه شبکه ولري، له یوې دریمې منبع څخه په کافي اندازه مالي ملاتړ تر لاسه کړي او یا په کافي اندازه شتمني او جایداد ولري».
زمونږ د فیسبوک له کانال سره یوځای شئ
د جرمني څخه د مهاجرو د اخراج مقررات څه ډول دي؟
د جرمني داخله وزیر د ۱۶ ایالتونو د کورنیو چارو د وزیرانو سره تریوه ویدیو کنفرانس وروسته اعلان وکړ، چي د جنورۍ له اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي. نور جزيات دلته ولولئ: انځور: picture-alliance/W. Rothermel د جرمني داخله وزارت وايي، چي د سوریایانو د اخراج د منع کیدو لایحه به تمدید نسي. داخله وزير هورست زېهوفر په دې تړاو مخکي هم څرګندونې کړي وې. خو منتقدین دا د پناه غوښتونکو څخه د ساتني بین المللي حقوقو خلاف بولي. د ویچه ویله دلته د دغي مسألې حقوقي اړخونو ته یوه کتنه کړې ده: هغه مقرره چي د ۲۰۱۲ م کال راهیسي په منظم ډول سره تمدیدیږي، په پام کي لري، چي سوریایان خپل هیواد ته د اخراج څخه وساتي.
انځور: picture-alliance/dpa/M. Schutt په سوريه کي د امنيت نشته والی په سوریه کي اوس هم جنګ دوام لري. دا په دې معنی ده، چي حتی رد سوي پناه غوښتونکي هم، د مجرمینو په شمول په جرمني کي پاته سي. منتقدین وايي، چي په سوریه کي هیڅ ډول امنیتي شرایط وجود نلري. خو داخله وزیر، هورست زیهوفر د ۱۶ ایالتونو د کورنیو چارو د وزیرانو سره تر یوه ویدیو کنفرانس وروسته اعلان وکړ، چي د جنورۍ میاشتي د اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي.
انځور: Amer Almohibany/AFP ولي د اخراجیدو ممانعت لغؤ سو؟ په جرمني کي د هغو پناه غوښتونکي، چي رد سوي، او یا یې جرمونه کړي وي، (دولدونګ) یا د پاته کیدلو مؤقتي ویزه ورکول کیږي. خو ددغو کسانو پرضد همیشه د ښی اړخو افراطیانو لخوا اعتراضونه کیږي او تر ټولو دمخه د مسلمانانو پر ضد. د ۲۰۱۱ م کال راهیسي د سوریې جنګ، چي تر ۳۸۷ زره اضافه انسانان پکښي ووژل او په ملیونو کسان د وطن پریښولو ته مجبوره سول، ددې سبب سو، چي شکمن کسان هم په جرمني کي پاته سي.
انځور: Getty Images/T. Lohnes د جرمني په داخله وزارت کي د ساختماني او هیواد ساتني چارو معین، هانس ګیورګ انګلکه پرون جمعه خبریالانو ته وویل:«هغه کسان چي جرمونه کوي او یا تروریسټي اهداف مخته وړي، زموږ دولت او خلګو ته تاوان رسوي او باید د جرمني څخه اخراج سي.» خو د زیهوفر د اظهاراتو پراساس د تقریبأ ۷۷۰ زرو سوریایانو څخه چي په دې وروستیو وختونو کي جرمني ته راغلي دي، فقط تقریبأ ۹۰ کسانو ته یې د خطرناکو کسانو په سترګه کتل کیږي.
انځور: picture-alliance/dpa/F. Gentsch د اخراج څخه انتظارات محدود دي د کرونا دویروس په سبب د سفر پر محدودیتونو سربیره، سوریې ته په نورو دلایلو هم اخراج ممکن ندی: د نیدرساکسن ایالت داخله وزیر، بوریس پستوریس په دې باب وویل،«په سوریه کي هیڅ داسي مؤسسه وجود نلري، چي موږ د هغه سره ډیپلوماتیک روابط ولرو.»په دې دلیل هغه او سوسیال دموکراټ حزب یې سوریې ته د نه اخراج د قاعدې لغؤ کیدل رد او کوښښ یې وکړ، چي هغه د ۶ نورو میاشتو دپاره تمدید کړي.
انځور: picture-alliance/dpa/M. Kappeler د یوه رپوټ پراساس آلمان په ۲۰۱۹ م کال کي۲۲۰۰۰ تنه اخراج کړي دي. البانیا، نایجریا، ګرجستان، روسیه او صربستان د هغو هیوادو د جملې څخه وه، چي په همدغه کال کي یې هر یوه ته زر زر تنه اخراج سول. په همدغه وخت کي تقریبأ ۹۳۰ افغانان او ۸۶۰ عراقیان هم اخراج سوي دي. د رپوټ پر بنأ په ۲۰۱۹ م کال کي د اخراجیدو تقریبأ ۴۰ فیصده موارده د اروپا د اتحادیې نورو هیوادو لکه فرانسې او ایټالیا ته تر سره سوي دي.
انځور: picture-alliance/dpa/M. Kappeler هغه کسان نباید د جرمني څخه اخراج سي، چي په خپلو هیوادونو کي یې د جنګونو، تعقیب او یا ازار په دلیل ژوند ته خطر موجود وي. په دغه صورت کي د هغوی اخراج د اروپا د بشر د حقوقو د کنوانسیون څخه سرغړونه ده. دغه کنوانسیون د هغوکسانو اخراجیدل هم منع کوي، چي په خپلو هیوادونو کي د شکنجې سره مخامخ کیدلای سي.
انځور: picture-alliance/dpa/P. Pleul
نوموړې محکمې همدارنګه زیاته کړې ده چې که په یوه د وړاندوینې وړ زماني دوره کې په یوه هیواد کې تر ټولو لومړنیو ضرورتونو لکه «د خوب تخت، خواړه او صابون..» ته لاسرسی موجود نه وي، د داسې یوه هیواد په هکله د اخراج ممنوعیت اعتبار لري، حتی که د دغه هیواد پناه غوښتونکي په آلمان کې محافظت هم نه وي ترلاسه کړی.
د آلمان د ویزې بهير د اسانه کولو غوښتنه
محکمې دغه افغان پناه غوښتونکی نه هم د پناه ترلاسه کولو او نه یي هم د فرعي حفاظت ترلاسه کولو مستحق ګڼلی دی. خو دا یې ویلي دي چې نوموړی افغان پناه غوښتونکی افغانستان ته د اخراج کیدو له ممنوعیت څخه برخمن دی.
آژانسونه: ش.ن/ ن.ز
