د پولیسو په خبره یوه سړي چې چاقو یې په لاس کې وو، پرمسافرو یې حمله کړې وه. زياته سوې بريد کوونکی چې ژوبل هم دی، نيول سوی دی. پوليسو زياته کړې چې د بريد د انګیزې په اړه پلټنې روانې دي. د پولیسو د ویاند په وینا په دې پېښه کې په مجموعی توګه پنځه تنه ژوبل سوي دي.
د راپور له مخې پولیسو له مسافرو څخه په پیل کې څو ټلیفونی تماسونه ترلاسه کړل. 

اړوند:آلمان: يو ۱۷ کلن په ټولګي کې يوه ښوونکې وژلې ده
د پولیسو د ویاند په وینا، اورګاډی تر پېښې وروسته درول سوی وو. د پوليسو په حواله لا  دا نه ده واضح چې څوک د برید کوونکی د مخنیوی لامل  سوی وو خو هغه په سخت ژوبل حالت کې روغتون ته انتقال سوی وو.

د انسانیت په وړاندی یوه دردوونکې پیښه 
د جرمني د شمالی ایالت شلیسویګ - هولشتاین د کورنیو چارو وزیرې زابینه سوترلین - واک وویل چې په دې اړه نور بشپړ معلومات او د برید لامل لا تراوسه  نه دی روښانه سوی.
هغې زیاته کړه: «زما له پاره روښانه ده چې دا د ټول انسانیت په وړاندې یوه دردونکې پيښه ده.» سوترلین واک د قربانیانو له کورنیو او خپلوانو سره د خواخوږۍ څرګندولو پرمهال وویل چې د پیښې ټپیانو ته د ژر رغېدو هیله لري .

اړوند:المان کې یو ایرانی د تروریستي توطیې په تور نیول شوی
هغې د پولیسو سرتیرو ستاینه وکړه چې د پېښې عامل یې نیولی دی. د پيښې په اړه فدارلي او ایالتي جنایي پولیس په ګډه کار کوي.