د جرمني د بهرنيو استخباراتو ادرې د مشر، برونو کال د اټکلونو پراساس د سپټمبر تر ترهګري بریدونو شل کاله وروسته هم د القاعده شبکې او داعش خطر له منځه نه دی تللی.
برونو نن دوشنبه المانۍ ورځپاڼي،«زوید څایټونګ» ته وویل چي «موږ په اوس وخت کي د دغو ډلو د نه خطر د اعلانولو هیڅ دلیل نه وینو«. په خبره یې په عراق او سوریه کي د ترهګرۍ پرضد مبارزه کي پر بریالیتوبونو سربیره د ترهګرو تعداد ډیر سوی دی.
ورځپاڼي د برونو په حواله همدارنګه لیکلي دي چي «دغه جهادیان کولای سي نن ورځ نه یوازي په محل، بلکي تر هغه دباندي هم حملې وکړي او هم يې طرحه کړي.»
د برونو په خبره د ترهګري جوړښتونو د پراخیدو خطر خصوصأ په هغو ځایو کي ډیر دی، چیري چي «دولتي حاکمیت او ارګانونه» موجود نه وي. هغه دغه ډول یو خطر تر ټولو دمخه په منځني ختیځ، د صحرا په هیوادونو، د افریقا په جنوب او تر یوه حده پوري مرکزي اسیا کي ویني. هلته له ترګرو ملیشو سره خلګ هم یو ځای کیږي، ځکه چي په خبره یې دا هغو ته دا مهمه وي، چي دولتي خلا ډکه سي. خو ترهګر ګروپونه بیا کوښښ کوي له دې لاري د قدرت د تقسیم په موضوع کي سهیم سي.
د برونو په حواله د ترهګري سازمانونو د پراختیا او وسعت پر ضد فقط یوه لار موجوده ده او هغه داچي «هلته باید حضور» ولرو. ورځپاڼه یې په حواله همدارنګه لیکي چي «موږ باید د دغو هیوادونو، په کومو کي چي دغه ډول یو حالت رامنځته سوی او یا رامنځته کیږي، څنګ ته ودریږو.»
د جرمني د خارجي استخباراتي ادرې رییس، برونو او صدراعظمه انګیلا میرکل ددغي ادارې د نوي تعمیر د افتتاح پروختانځور: picture-alliance/dpaM. Sohn
د برونو په حواله اروپا باید ټول امکانات په کار واچوي، څو د ساحل دولتونو سره کومک وکړي او دا باید ورته معلومه وي چي «دا زموږ همسایه سیمه ده، د کوم ځای څخه چي امنیتي خطر مستقیمأ اروپا ته راجع کیدلای سي.»
له افغانستان څخه د بهرنيو ځواکونو راوتلو ته په اشارې سره برونو وویل، چي په ۲۰۰۱م کال کي دا «مطلقأ سمه خبره وه» چي هلته د ترهګرۍ د رامنځته کیدو د خطر په مقابل کي ودریږو. خو اوس دا د طالبانو په ګټه هم ده، چي «ترهګري جوړښتونه او سازمانونه د افغانستان څخه دباندي را و نوزي.»
برونو ورځپاڼي ته همدارنګه ویلي دي چي د افغانستان له ماموریت څخه مهم عبرت باید داوي چي «د امکان تر حده پوري د ترهګرو سازمانونو د نه کنټرولیدونکي وسعت په مقابل کي ودریږو او مخنیوی یې وکړو.» خو هغه په عین حال کي دا هم وویل چي غربیان باید «دغو هیوادونو ته داسي هوايي وعدي ور نه کړي، لکه د دیموکراسۍ صادرول او د قانون حاکميت.»
د امریکا استخباراتي ادارې یا «سي آی اې» د شاه حسین او د سوزن کابوټ ترمنځ د اړیکو د لا غښتلي کولو هڅې پیل کړې. له فلمي ستورې سوزن سره د حسین د ملاقات پرمهال به، د اردن دغه ځوان پاچا د خصوصي ساتونکو تر څار لاندې وو.
انځور: picture-alliance/Everett Collection
له ملکي مونا سره واده او سوزن کابوټ
د امریکا استخباراتي ادارې پر کابوټ فشار راوړ چې هغه له شاه حسین سره جنسي اړیکي ونیسي او له بل پلوه شاه حسین هم رسنیو ته د دې اړیکو د خبر د رسیدو له امله احتیاط کوو. د ۱۹۵۹م کال د اپریل میاشتې په ۱۸ نیټه شاه حسین یوازې بیرته اردن ته ولاړ او بیا یې په ۱۹۶۱م کال کې له یوې بریتانوی میرمنې سره واده وکړ. دغه میرمن بیا وروسته د ملکه مونا په نامه مشهوره شوه.
انځور: picture-alliance/dpa
له سوزن کابوټ سره اړیکې
د استخباراتي معلوماتو له مخې شاه حسین تر څو کلونو پورې سوزن ته لیکونه لیږل. په همدې وخت کې له ملکه مونا څخه د هغه څلور ماشومان هم نړۍ ته راغلي وو چې بیا وروسته دوی په ۱۹۷۲ کې بیرته سره جلا شول. د اردن اوسنۍ پاچا شاه عبدالله هم د ملکې مونا اولاد دی.
انځور: picture-alliance/dpa/Larsen
له سوزن کابوټ سره د اړیکو پای
امریکايي فلمي ستورې سوزن کابوټ او شاه حسین خپلې اړیکې هغه وخت پای ته ورسولې چې کله حسين ته معلوم شول چې هغه یهودۍ ده. بل لوري ته بیا شاه حسین د شاه حسین دریمه میرمن علیا الحسین په ۱۹۷۷م کال کې د هلیکوپترې په یوه پیښه کې وژل شوې وه.
انځور: picture-alliance/dpa/Keystone Press
د شاه حسین څلورم واده
په ۱۹۷۸م کال کې ادرني پاچا له ایلزبیت نجیب الحلبی سره واده وکړ او دغه میرمن بیا وروسته د ملکه نور په نامه مشهوره شوه. شاه حسین له دې میرمنې هم څلور بچیان لري.
