د جرمني حکومت غواړي د کابل څخه د امکان تر حده ډیر محلي کارکونکي او د خطر سره مخامخ خلګ راوباسي. حکومت ویلي، چي هم د دغو خلګو د سرنوشت او هم په مجموع کي د افغانستان د پرمختګ له کبله اندیښمن دی.
انځور: REUTERS
اعلان
دغه خبره د جرمني د حکومت ویاند، شټیفان زایفرت نن دوشنبه (د اګست میاشتي ۱۶ مه) په برلین کي کړې ده او ویلي یې دي، چي په اوس وخت کي د دوی مهم هدف د دغو خلګو راایستل دي. په خبره یې صدراعظمي انګیلا میرکل ته به د راتلونکو اقداماتو په باب په وار وار سره معلومات ورکول کیږي.
په همدې حال کي بیا د جرمني ددفاع وزیري، انه ګریت کرمپ کارین باور د افغانستان د انکشافاتو له کبله په دغه اوني کي ټوله ملاقاتونه لغؤ کړي دي.
حکومتي ویاند، زایبرت همدارنګه ویلي دي، چي الماني پوځ هم د افغانستان د اوضاع له کبله « ډیر تشویش» کوي. زایبرت همدارنګه وویل، په دې دلیل چي غربی هیوادونو د ډیر وخت دپاره په افغانستان کي نظامي حضور درلودی، هغوی اوسني« ترخو انکشافاتو» په تعجب کي اچولي دي.
افغانستان هم له بده مرغه د جګړو او نا امنیو له امله شاوخوا ۱،۷ میلیونه داخلي بې ځایه کسان لري او د نړۍ په کچه لسم هیواد دی چې ډیر داخلي بې ځایه شوي کسان لري. دغه معلومات د مهاجرینو له پاره د ملګرو ملتونو عالي کمیشنرۍ (UNHCR) را ټول کړي.
