رونډا هیواد ته د ناقانونه کډوالو د اخراج دغه وړاندیز داسې مهال کیږي چې د آلمان ائتلافي حکومت اوس دغه هیواد ته د ناقانونه کډوالو د راتګ او همدا راز په دغه هیوادي کې د اسلامي دولت یا داعش ډلې پورې تړلي د شکمن کس له لوري د چړې تر برید وروسته فشارونه مخ پر ډیریدو دي.
تیره میاشت د المان په زولینګن ښار کې د داعش ډلې پورې تړلي د یوه شکمن کس د چړې تر برید وروسته چې پکې درې کسان ووژل شول، د ښي اړخي اپوزیسیون له لوري پر حاکم ائتلافي حکومت انتقادونو شدت موندلی دی.
د کډوالو د تړونونو له پاره د آلمان د فدرالي حکومت ځانګړي استازي، یوخایم سټامپ، وویل چې اروپايي ټولنه کولی شي چې د رونډا هیواد ته د کډوالو د اخراج پلان چې په ۲۰۲۲ م کال کې په لومړي سر کې د بریتانیا له پاره وو، استفاده کړي. بریتانیا په ۲۰۲۲م کال کې داسې یو پلان مطرح کړی وو چې له مخې یې غوښتل دغه هیواد ته په ناقانونه توګه داخل شوي کډوال د افریقا لویې وچې دغه ختیځ هیواد ته اخراج کړي.
د جرمني څخه د مهاجرو د اخراج مقررات څه ډول دي؟
د جرمني داخله وزیر د ۱۶ ایالتونو د کورنیو چارو د وزیرانو سره تریوه ویدیو کنفرانس وروسته اعلان وکړ، چي د جنورۍ له اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي. نور جزيات دلته ولولئ:
انځور: picture-alliance/W. Rothermelد جرمني داخله وزارت وايي، چي د سوریایانو د اخراج د منع کیدو لایحه به تمدید نسي. داخله وزير هورست زېهوفر په دې تړاو مخکي هم څرګندونې کړي وې. خو منتقدین دا د پناه غوښتونکو څخه د ساتني بین المللي حقوقو خلاف بولي. د ویچه ویله دلته د دغي مسألې حقوقي اړخونو ته یوه کتنه کړې ده: هغه مقرره چي د ۲۰۱۲ م کال راهیسي په منظم ډول سره تمدیدیږي، په پام کي لري، چي سوریایان خپل هیواد ته د اخراج څخه وساتي.
انځور: picture-alliance/dpa/M. Schuttپه سوريه کي د امنيت نشته والی
په سوریه کي اوس هم جنګ دوام لري. دا په دې معنی ده، چي حتی رد سوي پناه غوښتونکي هم، د مجرمینو په شمول په جرمني کي پاته سي. منتقدین وايي، چي په سوریه کي هیڅ ډول امنیتي شرایط وجود نلري. خو داخله وزیر، هورست زیهوفر د ۱۶ ایالتونو د کورنیو چارو د وزیرانو سره تر یوه ویدیو کنفرانس وروسته اعلان وکړ، چي د جنورۍ میاشتي د اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي.
انځور: Amer Almohibany/AFPولي د اخراجیدو ممانعت لغؤ سو؟
په جرمني کي د هغو پناه غوښتونکي، چي رد سوي، او یا یې جرمونه کړي وي، (دولدونګ) یا د پاته کیدلو مؤقتي ویزه ورکول کیږي. خو ددغو کسانو پرضد همیشه د ښی اړخو افراطیانو لخوا اعتراضونه کیږي او تر ټولو دمخه د مسلمانانو پر ضد. د ۲۰۱۱ م کال راهیسي د سوریې جنګ، چي تر ۳۸۷ زره اضافه انسانان پکښي ووژل او په ملیونو کسان د وطن پریښولو ته مجبوره سول، ددې سبب سو، چي شکمن کسان هم په جرمني کي پاته سي.
انځور: Getty Images/T. Lohnesد جرمني په داخله وزارت کي د ساختماني او هیواد ساتني چارو معین، هانس ګیورګ انګلکه پرون جمعه خبریالانو ته وویل:«هغه کسان چي جرمونه کوي او یا تروریسټي اهداف مخته وړي، زموږ دولت او خلګو ته تاوان رسوي او باید د جرمني څخه اخراج سي.» خو د زیهوفر د اظهاراتو پراساس د تقریبأ ۷۷۰ زرو سوریایانو څخه چي په دې وروستیو وختونو کي جرمني ته راغلي دي، فقط تقریبأ ۹۰ کسانو ته یې د خطرناکو کسانو په سترګه کتل کیږي.
انځور: picture-alliance/dpa/F. Gentschد اخراج څخه انتظارات محدود دي
د کرونا دویروس په سبب د سفر پر محدودیتونو سربیره، سوریې ته په نورو دلایلو هم اخراج ممکن ندی: د نیدرساکسن ایالت داخله وزیر، بوریس پستوریس په دې باب وویل،«په سوریه کي هیڅ داسي مؤسسه وجود نلري، چي موږ د هغه سره ډیپلوماتیک روابط ولرو.»په دې دلیل هغه او سوسیال دموکراټ حزب یې سوریې ته د نه اخراج د قاعدې لغؤ کیدل رد او کوښښ یې وکړ، چي هغه د ۶ نورو میاشتو دپاره تمدید کړي.
انځور: picture-alliance/dpa/M. Kappelerد یوه رپوټ پراساس آلمان په ۲۰۱۹ م کال کي۲۲۰۰۰ تنه اخراج کړي دي. البانیا، نایجریا، ګرجستان، روسیه او صربستان د هغو هیوادو د جملې څخه وه، چي په همدغه کال کي یې هر یوه ته زر زر تنه اخراج سول. په همدغه وخت کي تقریبأ ۹۳۰ افغانان او ۸۶۰ عراقیان هم اخراج سوي دي. د رپوټ پر بنأ په ۲۰۱۹ م کال کي د اخراجیدو تقریبأ ۴۰ فیصده موارده د اروپا د اتحادیې نورو هیوادو لکه فرانسې او ایټالیا ته تر سره سوي دي.
انځور: picture-alliance/dpa/M. Kappelerهغه کسان نباید د جرمني څخه اخراج سي، چي په خپلو هیوادونو کي یې د جنګونو، تعقیب او یا ازار په دلیل ژوند ته خطر موجود وي. په دغه صورت کي د هغوی اخراج د اروپا د بشر د حقوقو د کنوانسیون څخه سرغړونه ده. دغه کنوانسیون د هغوکسانو اخراجیدل هم منع کوي، چي په خپلو هیوادونو کي د شکنجې سره مخامخ کیدلای سي.
انځور: picture-alliance/dpa/P. Pleul د رونډا او بریتانیا ترمنځ دغه پلان د کییر سټارمر، چې اوس د بریتانیا لومړی وزیر دی، په تیره جولای میاشت کې بیرته لغو اعلان کړ.
د سټمپ په وړاندیز کې راغلي چې له اروپايي ټولنې روانډا هیواد ته د ناقانونه کډوالو د اخراج پروګرام به د ملګرو ملتونو سازمان تر څار لاندې ترسره کیږي. له ټيبل میډیا سره په یوه مرکه کې د کډوالو د تړونونو له پاره د آلمان د فدرالي حکومت ځانګړي استازي، یوخایم سټامپ، وویل: «موږ اوس له رونډا پرته داسې دریم ګړی هیواد نه لرو چې په دې برخه کې را مخې ته شوی وي.»
سټمپ چې د آزاد ديموکراتانو د ګوند یا اف. ډي. پي غړی دی، او د دې هیواد په کورنیو چارو وزارت کې ماموریت لري، وايي په دغه پلان کې په ځانګړي ډول هغه ناقانونه کډوال هدف دي چې د اروپايي ټولنې د ختیځې پولې [بیلاروس له لارې] دغې ټولنې ته داخلیږي. نوموړي وویل: «زما وړاندیز به دا وي چې موږ پر دغه ډله کډوالو تمرکز وکړو. په کال کې یې شمیر شاوخوا ۱۰ زرو کسانو ته رسیږي.» نوموړي د محافظه کاره اپوزیسیون هغه وړاندیز رد کړ چې غوښتل یې دغه پلان دې پر ټولو کډوالو عملي کړل شي. د نوموړي په خبره، رونډا هیواد په ښکاره ډول د دغه پلان د عملي کولو په برخه کې علاقه ښوولې ده.
د رونډا او بریتانیا ترمنځ دغه پلان د کییر سټارمر، چې اوس د بریتانیا لومړی وزیر دی، په تیره جولای میاشت کې بیرته لغو اعلان کړ.انځور: Habibou Bangre/AFP/Getty Images دا په داسې حال کې ده چې، اروپايي ټولنې د تیر کال په ډسمبر میاشت کې د ناقانونه کډوالو او پناه غوښتونکو د مدیریت په هکله پر نویو مقراراتو توافق وکړ، داسې توافق چې په دغه ټولنه کې د لسیزو اختلافاتو وروسته یې ستاینه کیده. دغه نوي مقررات به د ۲۰۲۵م کال تر پایله پورې په بشپړه توګه عملي کړل شي.
د دغه توافق هدف اروپايي ټولني ته د بې رويه يا غیر منظم مهاجرت راکمول دي. په دغو اصلاحاتو کي د تازه راغلو پناه غوښتونکو دپناه غوښتنی د عریضو چټکې ارزونې، په سرحد کي د نيونو له پاره د مرکزونو جوړول او د هغو پناه غوښتونکو د چټک اخراج په هکله مقررات شامليږي چي د پناه غوښتنه يې رد کيږي.
په دغو اصلاحاتو کي همدارنگه د دغې اتحاديې د جنوبي هيوادونو پر غړو باندي د فشار د کميدو له پاره د يووالي د يوه ميکانيزم رامنځته کول هم شامل دي چي خپلو خاورو ته د ډيرو پناه غوښتونکو د راتلو شاهدان دي. د دغه ميکانيزم له مخي به ځيني پناه غوښتونکي د اروپايي ټولني نورو هيوادونو ته انتقال سي اوهغه هيوادونه چي د دغو پناه غوښتونکو له منلو څخه سرغړونه کوي، بايد د هغوی له منل کيدونکو هيوادونو سره مالي او يا هم مادي مرستې وکړي.
خ.ح / ن.ز