پوشکاش د اروپا د نوو ستډيومونو څخه دی چې په ۲۰۱۹م کال کې پرانیستل شو. په ۲۰۲۱م کال کې د اروپا د اتلولۍ سیاليو له ځایونو څخه یو وو او روان کال په کې د اروپا لیګ پای لوبه په کې وشوه. په دغه ستډيوم کې ۶۷زره او ۲۱۵ نندارچیان ځایږي.

د آلمان په دورتموند ښار کې د فوټبال دغه لوبغالي له ۱۹۷۴ راهیسې د بوروسیا دورتموند د فوټبال کلب (BVB Dortmund) کور دی. د سټديوم «زيړ دېوال» او موزیم ېې لا ډېر شهرت ورپه برخه کړی دی. که څوک غواړي د دورتموند فوټبال ټیم د لاسته راوړنو او تاریخ په هکله لاډير معلومات حاصل کړي، موزیم څخه ېې کتنه به ورسره مرسته وکړي.

د آلمان په مونشن ښار کې د فوټبال دغه سټډیوم تر ډېره د هغه په ۲۸۰۰ څراغونو چې رنګونه ېې بدلوي، پېژندل کیږي. دا د آلمان په سطحه دوهم ستر سټډیوم دی چې د ۷۵زره نندارچیانو له پاره څوکۍ لري. الينانڅ ارینا همدارنګه مونش ښار څخه د لېدونکو سیلانیانو له پاره یو مقصد ځای هم دی.

د هسپانیا په مادرید ښار کې د فوټبال دغه ستډيوم یا لوبغالي د رغولو کار په ۱۹۴۷ کې بشپړ شو. دا د څه باندې ۷۰ کلونو راهیسې د د ریال مادرید مشهور ټیم کور دی. په دغه سټډيوم کې له ۸۱زرو یو څه ډېر نندارچیانو ته ځای شته.

د اروپا د فوټبال په نامتو لوبغالو کې یو هم د هسپانيا په بارسیلونا ښار کې د نوه کمپ سټديوم دی. دغه ځای په ۱۹۵۷ کې رغول شوی او د شاوخوا یو لک یا سل زره نندارچیانو له پاره ځای لري.

د بریتانیا په لندن ښار کې د ومبلې سټډیوم د فوټبال په سل کلنه نړۍ کې یو افسانوي نوم دی. انګلستان یوازینی ورلد کپ هم په همدغه سټډيوم کې ګتلی. که څه هم په ۲۰۰۳م کال کې ېې زړه بڼه تخریب او پر ځای ېې له هغه پراخ بل جوړ شو، خو شهرت ېې بيا هم په خپل ځای پاته دی. د ځینو سرچېنو په حواله په دغه سټډيوم کې شاوخوا ۹۰ زره کسان ځایږي.

په بريتانيا کې د فوټبال دغه سټډیوم هم د اروپا په غوره سټډیومونو کې راځي. د شاوخوا ۷۵ زره نندارچیانو له پاره د ناستې ځای لري. له وُلد ترافورد څخه د دوهمې نړېوالې جګړې پر مهال د پوځي زېرمې په مقصد استفاده کېده چې په ۱۹۴۱ کې د آلماني ځواکونو په بمباريو کې ورته درانه زیانونه واوښتل.

د بريتانيا په ليورپول کې د انفېلد سټډيوم هم د اروپا د فوټبال په غوره سټډیومونو کې راځي. دا د ليورپول ټیم کور دی چې په وروستیو کې ېې بیارغونه شوې ده. په دغه لوبغالي کې تر ۵۴ زرو پورې ننداره چیان ځایږي. د دغه لوبغالي هره برخه خپلې ځانګړتيا او داستان لري، په تېره د «This is Anfeld» نښه، چې لوبغاړي د لوبې تر ګټلو وروسته هغه لمس کوي.

دغه سټډیوم چې تقریبا سل کاله عمر لري، سن سیرو هم ورته وايي. دا د ۷۵زره نندارچيانو له پاره ځای لري. جوزپه مه آتزا، د یوې لوېې فضايي بېړۍ په شکل دی دی چې د میلان او د اې سي میلان ټیمونو کور دی. په پام کې ده چې دغه زوړ سټډیوم تخریب شي، هغه تصمیم چې ډېر غبرګونونه ېې راپارولي دي.

په پاریس کې د شتاد دې فرانس د فوټبال سټډیوم د ۱۹۹۸ نړېوال جام له پاره جوړ کړ. په دغه ستر لوبغالي کې ۸۰زره څوکۍ لګول شوي او يو په زړه پوری بام لري. فرانسه غواړي دغه سټډیوم د ۲۰۲۴م کال المپیا مسابقو له پاره چې په پاریس کې کیږي، مودرينایزد یا عصري کړي.