د یونان ساحلي ګارد په ۲۰۲۲م کال کې له انساني قاچاق سره د مبارزې او دغه هیواد ته د پناه غوښتونکو د داخلیدو د مخنیوي په برخه کې د خپلو هڅو د پایلو رپوټ ورکړی دی.
دغه ځواکونه ادعا کوي چې په تیر یوه کال کې یې ۱۳۰۰ تنه د انساني قاچاق او د مهاجرو د غیر قانوني سفر د سازمان ورکولو په تور نیولي دي.
د یونان د اتباعو د حفاظت وزیر تاکیس تئودوریکاکو، د شنبې په ورځ د «سکای» تلویزون سره په یوه مرکه کې وویل چې ځواکونه یي توانیدلي دي چې له آژه سمندر څخه د شاوخوا ۲۵۶ زره پناه غوښتونکو د تیریدو مخه ونیسي. دغو پناه غوښتونکو هڅه کوله چې له ترکیې څخه یونان ته په داخلیدو سره ځانونه د اروپا قلمرو ته ورسوي.
اروپایي پولیسو د انساني قاچاقبرانو یوه ستره شبکه لمنځه وړې
د بشري حقونو یو شمیر سازمانونه پر اتن تور لګوي چې ګواکې پناه غوښتونکي په جبري ډول په شا تمبوي.
انساني قاچاق وړونکي، افريقايي انجوني او بدلمني
د دویچه ویله دوو خبریالانو جان فلپ شولز او آدریان کریش، په نایجیریا کې د انساني قاچاقبرانو په هکله پلټنې کړي. د قاچاقبرانو د تعقیبولو ترڅ کې د دوی سر تر ایټالیا پورې ورسید، خو د خاموشۍ له یو دیوال سره مخامخ شول. انځور: DW/A. Kriesch/J.-P. Scholz د دویچه ویله دوو تنو خبریالانو د انساني قاچابرانو پسې د لټون لړۍ له نایجیریا د ایدو ایالت څخه پیل کړ. دوی چې له هر چا سره لیدل د هغه یو نه یو خپلوان به ضرور په اروپا کې وو. په ایټالیا کې د بدلمنه ښځو دری پر څلورمه برخه د دغې سیمې نجوني دي. بې روزگارې له دغې سیمې څخه د مهاجرت اصلي لامل گڼل کیږي.
انځور: DW/A. Kriesch/J.-P. Scholz نن بیبینا ایمناها، د څو کلونو راهیسې په ځانگړي توگه ځوانو نجونو ته خبردارې ورکوي چې اروپا ته له سفر کولو څخه ډډه وکړي. ایمناها وایې: «ډیرې نجونې د درواغو ژمنو په جال کې بند پاتې کیږي. دوی ته ویل کیږي چې په کورونو کې به د خدمې یا ورته کارونه کوې، خو کله چې اروپا ته ورسیږي بیا نو دوی درواغ معلوم شي. له همدې امله ډیرې نجوني د مجرمو ډلو لاسو ته ولیږي.»
انځور: DW/A. Kriesch/J.-P. Scholz تر ډیرو هڅو وروسته یو قاچاقبر له دویچه ویله سره خبرو ته راضي شو. هغه وویل چې تر سلو ډیر خلک یې له نایجیریا څخه لیبیا ته رسولي دي. د هغه په خبره د «د ایدو خلک ډیر حریص دي او د ښې راتلونکي له پاره هر څه کولو ته تیار دي.»
انځور: DW/A. Kriesch/J.-P. Scholz دغه قاچاقبر چې ځان اسټیو معرفي کوي وایې چې له نایجیریا څخه تر لیبیا پورې له هر کس څخه ۶۰۰ ایرو اخلي. ډیرې پوهیږي چې له دښتې او صحرا له لارې لیبیا ته رسیدل څومره خطرناک دی. په دې ترڅ کې ډیر شمیر خلک خپل ژوند له لاسه ورکوي.
انځور: DW/A. Kriesch/J.-P. Scholz د «اگادیز» دښته د دویچه ویله د خبریالانو راتلونکې منزل وو. د دوی په خبره دا ډیره خطرناکه سیمه ده. په دې دښته کې دغه خبریالان یوازې د وسله والو محافظینو سره سفر وکولې شو.
انځور: DW/A. Kriesch/J.-P. Scholz هره دوشنبه تر لمر ولیدو وروسته د څو لاریو یوه قافله د اگادیز دښتې څخه د شمال پر لور روانیږي. په لیبیا کې د نا کراریو له امله انساني قاچاقبران بې له کوم ممانعت څخه دغه هیواد ته داخلیږي او د مدیترانې ساحل ته ځان رسوي.
انځور: DW/A. Kriesch/J.-P. Scholz د مهاجرو شمیر مخ پر ډیریدو دی او نجونې باید کم عمره وي د نایجیریا ډیرې نجونې د فحشا بانډونو په لاسو کې ولیږي. مدني فعاله لیزا بیرتینې وایې: «د شمیرو له مخې په ۲۰۱۴ کال کې تر ۱۰۰۰ ډیرې نایجیریایې نجوني او میرمنې د مدیترانې له لارې ایټالیا ته رسیدلي دي. په ۲۰۱۵ کال کې دا شمیر ۴۰۰۰ ته لوړ شو.» نوموړۍ زیاتوي چې کوښښ کیږي د نجونو عمر کم تر کم وښودل شي.
انځور: DW د نایجیریا د یوه دوست په مرسته دغه دواړه ژورنالستان د ایټالیا په شمال کې یو «مادام» ته ورسیدل. نایجیریا کې دلالې ته مادام ویل کیږي. په ایتالیا کې یوې نایجیریایۍ نجلې وویل: «مادام پر موږ تشدد وکړ او بدلمنې ته یې مجبوره کړو.»
انځور: DW/A. Kriesch/J.-P. Scholz کله چې د دویچه ویله خبریالانو پر مادام د لگول شوو مختلفو تورونو په هکله پوښتنې وکړې، نو هغې ومنله چې په کور کې یې ۶ نجونې موجودې دي. خو دا رد کړه چې دغه نجونې یې بدلمنې ته اړ ایستلي دي.
انځور: DW/A. Kriesch/J.-P. Scholz د مونیکا اوشکوی په نوم یوې راحبې په دې برخه کې ایټالوي ادارې په نه پاملرنې تورنوي او انتقاد پرې کوي. نوموړۍ د تیرو ۸ کلونو راهیسې بدلمنۍ ته اړ ایستل شوو نجونو په برخه کې کار کوي. نوموړی زیاتوي چې سړي غواړي په ډیرو کمو پیسو خپل جنسي خواهش پوره کړي، چې دا کار په ایټالیا کې له نایجیریایې ښځو سره د ۱۰ ایرو په بدل کې کولې شي.
انځور: DW/A. Kriesch/J.-P. Scholz
دغه سازمانونه ادعا کوي چې یونان هغه کسان چې په اروپا کې د یوه بهتره راتلونکي هیله لري، په غیر قانوني ډول ترکیې ته ستنوي.
بل لور ته یونان پر خپل ګاونډي هیواد ترکیې تور لګوي چې پر مهاجرو د مخ پر وړاندې تګ له پاره فشار واردوي. یونان وايي چې ترکیه پناه غوښتونکو ته مختلف انتخابونه ورکوي: یا دا چې پناه غوښتونکي کولی شي بیرته سوریې یا بل هیواد ته ستانه شي او یا دې په غیر قانوني ډول یونان ته لاړ شي.
د یونان پولیسو د قاچاقبرانو یوه بې رحمه ډله نیولې
د کډوالو له پاره د ملګرو ملتونو د عالي کمیسارۍ د شمیرو له مخې، په ۲۰۲۲م کال کې شاوخوا ۱۸۸۰۰ کسان توانیدلي دي چې بی له قانوني اسنادو څخه ځانونه یونان ته ورسوي. دا شمیر د ۲۰۲۱م کال د ۱۲ میاشتو په پرتله دوه برابره زیاتوالی ښيې.
آژانسونه: ش.ن/ ا.و.ا
