ایران او پاکستان په یوه ورځ په سلګونو افغان کډوال اخراج کړي
۱۴۰۳ تیر ۲۸, پنجشنبه
د طالبانو د کډوالو او بیرته راستنېدونکو چارو وزارت ویلي دي چې څه باندې دوه زره افغان کډوال په یوه ورځ له ایران او پاکستان څخه په جبري او خپله خوښه هېواد ته راستانه شوي دي.
په افغانستان کې پر سختو او ناوړه اقتصادي شرایطو سربېره نږدې هره ورځ له ایران او پاکستان څخه د افغان کډوالو جبري اخراج دوام لري.انځور: Ebrahim NorooziAP/picture alliance
اعلان
په افغانستان کې پر سختو او ناوړه اقتصادي شرایطو سربېره نږدې هره ورځ له ایران او پاکستان څخه د افغان کډوالو جبري اخراج دوام لري.
په نیمروز ولایت کې د طالب چارواکو په خبره چې له ایران څخه هره ورځ د ۲۵۰۰ څخه تر ۳۰۰۰ پورې افغان کډوال ایستل کېږي.
د طالبانو د کډوالو او بیرته راستنېدونکو چارو وزارت د ایکس پاڼې په یوه خبرپاڼه کې ویلي دي چې یوازې د چهارشنبې په ورځ له ایران او پاکستان څخه ۲۲۴۳ افغان کډوال
په خپله خوښه او جبري توګه افغانستان ته راستانه شوي دي. دغه افغان کډوال د اسلام قلعه، تورخم او د نیمروز ولایت د ورېښمو د پل له لارې افغانستان ته داخل شوي دي.
د ننګرهار او هرات ولایتونو د سرحدي چارواکو د معلوماتو له مخې له پاکستان څخه د ۸ کورنیو په کډون ۳۱ کسان د تورخم بندر له لارې، ۱۰۱۹ د اسلام قلعه بندر له لارې او ۱۱۹۳ نور نیمروز له لارې له ایران هېواد څخه افغانستان ته ستانه شوي دي.
د پاکستان حکومت د ملګرو ملتونو او بشري حقونو سازمانونو هغه غوښتنې رد کړي چې په ټولیز ډول دې کډوال نه اخراجوي. طالبانو هم له پاکستان غوښتي و چې دغو کډوالو ته دې وخت ورکړل شي څو بيرته ستنېدو له پاره ځانونه چمتو کړي.
انځور: Muhammad Sajjad/AP Photo/picture alliance
«نه غواړم مړه شم»
یو شمیر افغانانو پاکستان کې اعتراضونه هم وکړل. دغو کډوالو ویلي دي د یو شمیر ګواښونو له امله نشي کولی، افغانستان ته ولاړ شي. دغو اعتراض کوونکو چې ښځې هم پکې شاملې وې، یو شمیر شعارونه لیږدول لکه: «نه غواړم مړه شم» او یا هم «بیرته ستنیدل ودروئ».
انځور: Ali Kaiffee/DW
د خلکو او لاريو اوږده کتارونه
د چهارشنبې په ورځ او همدا راز نن، پنجشنبه هم د خلکو او لاريو اوږده کتارونه په تورخم کې په تمه دي.
انځور: Muhammad Sajjad/AP Photo/picture alliance
نه پاتېدلی شي او نه یې هم تللو ته زړه ښه دی
لسیزې کیږي چې پاکستان د افغان کډوالو کوربه دی. له دوی څخه یې ډیر شمیر قانوني اسناد هم ترلاسه کړي. پر دې سربیره لاهم ۱،۷ میلیونه ناقانونه افغان کډوال په پاکستان کې ژوند کوي. دغه کډوال داسې یوه هیواد ته ستنیږي چې له اقتصادي کړکيچ سره مخامخ دی.
انځور: Farooq Naeem/AFP/Getty Images
افغان کډوال د اخراج په یوه مرکز کې
د ملګرو ملتونو د کډوالو عالي کمیسارۍ د معلوماتو پر بنسټ د طالبانو له بیا راتلو شاوخوا ۶۰۰ زره کډوال پاکستان ته تللي دي. لکه څنګه چې دغو انځورونو کې ښکاري یو شمیر کډوال لندي کوتل کې د کډوالو په یوه مرکز کې د بیرته ستندیو لپاره راټول شوي.
انځور: Farooq Naeem/AFP/Getty Images
ولې افغانان له پاکستانه ایستل کیږي؟
شنونکي وايي، په پاکستان کې په دې وروستيو کې د تاوتريخوالي ډېروالی، اقتصادي کړکېچ او د افغان طالبانو او پاکستان تر منځ اړیکو ترینګلتیا د دغه ډله ایز اخراج لاملونه دي.
انځور: Muhammad Sajjad/AP Photo/picture alliance
انځورونه1 | 11
د سيمه ایزو رسنیو په خپرو شویو انځورونو کې ښکاري چې د ایران امنیتي چارواکو افغان کډوال او کورنۍ د اوسېدو پر لنډ مهالو سندونو سربېره هم له ایران څخه اخراج کړي دي.
اخراج شوي کسان د ایران د امنیتي ځواکونو له ناوړه چلند څخه هم شکایت کوي. په نیمروز ولایت کې د طالب چارواکو د معلوماتو له مخې په تېرو دوو میاشتو کې لږ تر لږه
۱۲۰ زره افغان کډوال له ایران څخه افغانستان ته راستانه شوي دي.
له پاکستان او ایران څخه د افغان کډوالو اخراج په داسې حال کې دوام لري چې دغه هېواد له سخت فقر او اقتصادي بحران سره مخ دی او د کډوالو د سمبالولو کافي توان نه لري.
له بلې خوا د راپورونو پر بنسټ، له ایران څخه په اخراج شویو کسانو کې یو شمېر هغه وګړي هم شامل دي چې په ۲۰۲۱ کال کې واک ته د طالبانو له رسېدو وروسته د امنیتي
تشویشونو او د واکمنو طالبانو له ویرې دغه هېواد ته مهاجر شوي وو.
پاکستان کې د افغان مهاجرو د راجستر کارتونو بیا تمدید