میانمار په ۲۰۲۱م کال کې تر پوځي کودتا وروسته په کورنۍ جګړه کې راګير دی چې پوځي حکومت ېې پر وړاندې مبارزه کوي. په دغه مبارزه کې له حکومت سره د وسله والو قومي ډلو یو ائتلاف او له دیموکراسي څخه د ملاتړ کونکي مقاومت ځواکونه هم مله دي.
د ټایلند پوځ په یوه اعلامیه کې ويلي دي چې د کارین نشنل لیبرشن آرمي یا ملي بېلتون غوښتونکي پوځ په نوم ډلې (KNLA) د شنبې ورځې په ماسپښین په ځایی وخت شاوخوا ۳ بجې د میانمار په کایين ایالت کې پر یوه پوځي بېز حمله وکړه.
نور ولولۍ:د میانمار زلزله: د قربانیانو شمیر له ۳۳۰۰ هم لوړ شوی
د ټایلند پوځ په اعلامیه کې راغلي: «د میانمار سرتېرو هڅه وکړه چې وضعیت قابو کړي او له خپلو موقعیتونو د دفاع په خاطر يې د کمکي ځواک غوښتنه وکړه، خو په نهایت کې ونه توانېدل چې د جګړې په لیکه کې پاته شي.»
چارواکو ويلي د شنبې په ورځ ۱۰۰ میانماري عسکر او ۴۶۷ ملکیان له سرحده وراوښتي چې هلته د ټایلندي پولیسو او پوځ له خوا بې وسلي او ورته روغتيايي او بشري مرستې چمتو کړل شوې.
د کې ان ال اې ډلې یوه سیاسي مشر، سا تهامین تون، منلې چې د ټایلند سرحد ته نژدې جګړه شوې او ادعا ېې کړې چې ګډو ځواکونو د میانمار د پوځ «یو شمېر پوستې نیولي دي.»
نور ولولۍ: هند وايي د ميانمار نږدې ۳۰۰ عسکر ورتښتېدلي دي
د ملګرو ملتونو د ارقامو له مخې، د میانمار کورنۍ جګړې مهاجرتونه او بېځایه کېدل له ځانه سره لرلي چې حاضر وخت ۸۱زره میانماري مهاجر په ټایلند کې ژوند کوي.
د خپرو شوو رپوټونو پر اساس، تر دې مخکې میانماري عسکر هندوستان ته هم تښتېدلي دي.
له آرشیف څخه (15.05.2023):
موچا توپان په میانمار او بنګله ديش کې په لکونو خلک اغیزمن کړي
د «موچا» په نوم توپان له ۲۰۰۷م کال راوروسته تر ټولو ځواکمن سمندري توپان بلل شوی دی. د دغه توپان له کبله تر اوسه یو شمېر کسان مړه شوي او په سلګونو زره خلک اړ شوي چې امنو سیمو ته ځانونه ورسوي.
انځور: SAI AUNG MAIN/AFPد موچا توپان سرعت په یو ساعت کې ۲۱۰ کیلومتره دی. ډېر چټک باد د يو شمیر کورونو چتونه الوزلي او حکومت امن سیمو ته د لکونو خلکو د ایستلو هڅې کوي.
د ستو بندري ښار ته ډېر زيان اوښتی
په میانمار کې تر ټولو ډير زیان بندري ښار، ستو (Sattu)، ته اوښتی. دغه ښار چې یونیم لک نفوس لري، ډير کورونه په کې تر اوبو لاندې شوي دي. چارواکي وايي چې په دې ښار کې له ۷۰۰ ډير کسان ټپیان شوي او له ۲۰ زره ډير نور کسان لوړو ودانيو، ښوونځیو او عبادت ځایونو ته انتقال شوي دي.
د پنځو کسانو مړينه تائيد شوې
د میانمار د راخين ایالت مواصلاتي لار سخته زیانمنه شوې چې حاضردمه ېې د اوښتو تاوانونه د اندازې لګول ستونزمن کار دی. په راخين ايالت کې د پنځو کسانو د مړېنه تصدیق شوې ده.
په بنگله ديش کې هم د توپان د ويجاړيو خبر ورکړل شوی دی خو تر اوسه د ځاني زيان په اړه څه نه دي ويل شوي.
په کوکس باراز کې د خلکو کړاو
بنګله ديشي چارواکي وايي چې په کوکس بازار کې له لس لکو ډیر روهنګیا مهاجر هم له دغه توپانه اغیزمن شوي، خو د ځاني زیان په اړه څه نه دي ویل شوي.
د چارواکو په خبره توپان د روهنګیا مهاجرو په کمپونو کې نژدې ۳۰۰ خیمې تخریب کړي دي.
خوندي ساحو ته د خلکو انتقال
بنګله دیشي چارواکو ويلي چې ۷نیم لکه افراد ېې امن ځایونو ته انتقال کړي او وايي چې د توپان له کبله څوک مړه شوي نه دي
د هند په څينو برخو کې د اورښتونو وړاندوېنه
د ۲۰۰۷م کال په نومبر کې توپان، د بنګله دیش په جنوبي ساحل کې له ۳۰۰۰ ډير کسان مړه کړل او د میليونو ډالرو په ارزښت مالي زیانونه ېې اړولي ول. ګاونډي هیواد هندوستان هم موچا سمندري توپان ته په کتو په یو شمیر شمال شرقي سیمو کې د ورښتونو وړاندوېنه کړې ده.
