د آلمان د پولیسو د اټکلونو له مخې، د شنبې په ورځ (د ۲۰۲۶ کال د اکتوبر ۲۴مه) د آلمان په بېلابېلو هوايي ډګرونو کې د کډوالو د ایستلو او د ایستلو تر مخه د توقیف پر ضد سلګونو کسانو اعتراضونه وکړل.
د مونیخ هوايي ډګر ته نږدې له ۷۰۰ څخه زیاتو کسانو ګډون کړی و. په لایپڅیګ کې د ګډونوالو شمېر شاوخوا ۴۰۰، په فرانکفورټ کې ۳۰۰ او په برلین برانډنبورګ هوايي ډګر کې ۱۵۰ کسان اټکل شوی دی. د کولون بون او دوسلدورف په هوايي ډګرونو کې بیا د پولیسو په وینا هر ځای شاوخوا ۵۰ کسان راټول شوي وو.
هغه ایتلاف چې دغه اعتراضونه یې تنظیم کړي وو، شمېرې لوړې ښودلې او ویلي یې دي چې د بېلابېلو نوښتونو په لاریونونو کې «څو زره کسانو» ګډون کړی دی. د ایتلاف په وینا، د هوايي ډګرونو تر څنګ په بیلفیلد او هانوفر ښارونو کې هم اعتراضونه ترسره شوي دي. د تنظیموونکو د معلوماتو له مخې، اعتراضونه د رد شویو پناه غوښتونکو د ایستلو، د ایستلو لپاره د توقیف او د همدې موخې لپاره د زیربناوو د پراختیا پر ضد وو.
په کلیسا کې پناه؛ د دین بدلول که د اخراج مخنیوی؟
This browser does not support the video element.
له لایپڅیګ څخه افغانستان ته د اخراج الوتنې
په لایپڅیګ کې اعتراضونه تر ډېره د هغو چارټر الوتنو پر ضد وو چې افغانستان ته د ایستل شویو کسانو لېږد ترسره کوي. سږ کال څو ځله له لایپڅیګ هاله هوايي ډګر څخه افغانستان ته د ایستلو الوتنې ترسره شوې دي. د چارواکو په وینا، د دغو الوتنو ډېری سپرلۍ هغه کسان وو چې په جرمي جرمونو محکوم شوي وو.
دغه هم ولولئ: کارپوهان له اروپا د افغانانو د اخراج په اړه خبرداری ورکړی
د اعتراض کوونکي ایتلاف یوې ویاندې وویل: «موږ د ایستلو سمدستي درول غواړو، ځکه د خوندیتوب په لټه کې خلک د پناه غوښتنې حق لري.» هغې زیاته کړه چې د آلمان حکومت د دې حق تر پښو لاندې کوي او د ایستلو په برخه کې له طالبانو سره همکاري کوي.
د کډوالو د اخراج د ځانګړو ترمینلونو پر ضد اعتراضونه
د «We'll Come United» شبکې په وینا، چې له سیمه ییزو تنظیموونکو سره یې ګډه د اعتراضونو بلنه ورکړې وه، د فرانکفورټ اعتراضونه د یوه پلان شوي «د ایستلو ترمینل» پر ضد هم وو. د شبکې ویاندې وویل هغه پیسې چې د ایستلو پر عملیاتو لګول کېږي باید د کډوالو د ادغام په پروګرامونو کې ولګول شي. هغې وویل: «موږ د ایستلو تر شا له ټولو زیربناوو سره مخالف یو او د ټولو خلکو لپاره د تګ راتګ ازادي غواړو.»
د معلوماتو له مخې، په مونیخ هوايي ډګر کې هم د ایستلو لپاره یو جلا ترمینل جوړېږي څو د ایستلو بهیر چټک او اسانه کړي.
د جرمني داخله وزیر د ۱۶ ایالتونو د کورنیو چارو د وزیرانو سره تریوه ویدیو کنفرانس وروسته اعلان وکړ، چي د جنورۍ له اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي. نور جزيات دلته ولولئ:
انځور: picture-alliance/W. Rothermelد جرمني داخله وزارت وايي، چي د سوریایانو د اخراج د منع کیدو لایحه به تمدید نسي. داخله وزير هورست زېهوفر په دې تړاو مخکي هم څرګندونې کړي وې. خو منتقدین دا د پناه غوښتونکو څخه د ساتني بین المللي حقوقو خلاف بولي. د ویچه ویله دلته د دغي مسألې حقوقي اړخونو ته یوه کتنه کړې ده: هغه مقرره چي د ۲۰۱۲ م کال راهیسي په منظم ډول سره تمدیدیږي، په پام کي لري، چي سوریایان خپل هیواد ته د اخراج څخه وساتي.
په سوريه کي د امنيت نشته والی
په سوریه کي اوس هم جنګ دوام لري. دا په دې معنی ده، چي حتی رد سوي پناه غوښتونکي هم، د مجرمینو په شمول په جرمني کي پاته سي. منتقدین وايي، چي په سوریه کي هیڅ ډول امنیتي شرایط وجود نلري. خو داخله وزیر، هورست زیهوفر د ۱۶ ایالتونو د کورنیو چارو د وزیرانو سره تر یوه ویدیو کنفرانس وروسته اعلان وکړ، چي د جنورۍ میاشتي د اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي.
ولي د اخراجیدو ممانعت لغؤ سو؟
په جرمني کي د هغو پناه غوښتونکي، چي رد سوي، او یا یې جرمونه کړي وي، (دولدونګ) یا د پاته کیدلو مؤقتي ویزه ورکول کیږي. خو ددغو کسانو پرضد همیشه د ښی اړخو افراطیانو لخوا اعتراضونه کیږي او تر ټولو دمخه د مسلمانانو پر ضد. د ۲۰۱۱ م کال راهیسي د سوریې جنګ، چي تر ۳۸۷ زره اضافه انسانان پکښي ووژل او په ملیونو کسان د وطن پریښولو ته مجبوره سول، ددې سبب سو، چي شکمن کسان هم په جرمني کي پاته سي.
د جرمني په داخله وزارت کي د ساختماني او هیواد ساتني چارو معین، هانس ګیورګ انګلکه پرون جمعه خبریالانو ته وویل:«هغه کسان چي جرمونه کوي او یا تروریسټي اهداف مخته وړي، زموږ دولت او خلګو ته تاوان رسوي او باید د جرمني څخه اخراج سي.» خو د زیهوفر د اظهاراتو پراساس د تقریبأ ۷۷۰ زرو سوریایانو څخه چي په دې وروستیو وختونو کي جرمني ته راغلي دي، فقط تقریبأ ۹۰ کسانو ته یې د خطرناکو کسانو په سترګه کتل کیږي.
د اخراج څخه انتظارات محدود دي
د کرونا دویروس په سبب د سفر پر محدودیتونو سربیره، سوریې ته په نورو دلایلو هم اخراج ممکن ندی: د نیدرساکسن ایالت داخله وزیر، بوریس پستوریس په دې باب وویل،«په سوریه کي هیڅ داسي مؤسسه وجود نلري، چي موږ د هغه سره ډیپلوماتیک روابط ولرو.»په دې دلیل هغه او سوسیال دموکراټ حزب یې سوریې ته د نه اخراج د قاعدې لغؤ کیدل رد او کوښښ یې وکړ، چي هغه د ۶ نورو میاشتو دپاره تمدید کړي.
د یوه رپوټ پراساس آلمان په ۲۰۱۹ م کال کي۲۲۰۰۰ تنه اخراج کړي دي. البانیا، نایجریا، ګرجستان، روسیه او صربستان د هغو هیوادو د جملې څخه وه، چي په همدغه کال کي یې هر یوه ته زر زر تنه اخراج سول. په همدغه وخت کي تقریبأ ۹۳۰ افغانان او ۸۶۰ عراقیان هم اخراج سوي دي. د رپوټ پر بنأ په ۲۰۱۹ م کال کي د اخراجیدو تقریبأ ۴۰ فیصده موارده د اروپا د اتحادیې نورو هیوادو لکه فرانسې او ایټالیا ته تر سره سوي دي.
هغه کسان نباید د جرمني څخه اخراج سي، چي په خپلو هیوادونو کي یې د جنګونو، تعقیب او یا ازار په دلیل ژوند ته خطر موجود وي. په دغه صورت کي د هغوی اخراج د اروپا د بشر د حقوقو د کنوانسیون څخه سرغړونه ده. دغه کنوانسیون د هغوکسانو اخراجیدل هم منع کوي، چي په خپلو هیوادونو کي د شکنجې سره مخامخ کیدلای سي.
