اروپايي ټولنه هر کار بزگرانو ته شاوخوا ۴۷ میلیارده یورو سبسایدي ورکوي. دغه سبسایدي گانې د زراعتي ځمکو خاوندانو ته د هغوی د ځمکې او محصولاتو د اندازې له مخې ورکول کیږي. د دغو سبسایدي گانو له کبله د اروپا په بیلابیلو برخو کې د کرهڼې او مالدارۍ شرایط توپیر لري.

د شودو د تلویزیوني اعلانونو په لیدو سره سړی داسې فکر کوي چې دغه شودي له «خوشحاله غواگانو» څخه ترلاسه کیږي چې په لویو فارمونو کې ساتل کیږي. خو په اصل کې دغه شودي له داسې غوا ګانو څخه ترلاسه کیږي چې په وړوکو ځایونو کې تر ډیرو سختو شرایطو لاندې ساتل کیږي. دغو غواګانو ته داسې مواد ورکول کیږي چې ډیرې شودې وکړي.

مالداران باید د نوې تکنالوژي پر رانیولو باندې ډیرې پېسې ولګوي ترڅو هغوی وشي کولای له نورو تولیدکوونو سره رقابت وکړي. د شودو د لوشلو ماشینونه له مالدارانو سره مرسته کوي چې هغوی پرته له دې چې ډیر وخت ضایع کړي او ډیر شمیر کسان په کار وګوماري له غوا ګانو څخه شودې تر لاسه کړي.

د دې له پاره چې په اروپا کې د غوښې تولید ډیر شي، زراعتي جرګو ته داسې خوراکي مواد ورکول کیږي چې هغوی ژر تر ژره چاقې شي. په فارمونو کې چرګانې د عادي چرګانو په پرتله درې وارې ژر چاقیږي. دغه ډول چرګې یوازې په ۳۰ ورځو کې خپل وروستي وزن ته رسیږي.

په رومانیا کې لوی شرکتونه فارمونه رانیسي او د نوو ماشینونو به کارولو سره زراعتي چارې پر مخ بیایي، خو د دغو لویو فارمونو تر څنګ سیمه ییز اوسیدونو د زړو تخنیکونو په کارولو سره خپله کرهڼه کوي.

د آلمان د انګورو په فارمونو کې ډیر وخت کارګران به اسانۍ سره نه موندل کیږي. دا په داسې حال کې ده چې اوس په اروپايي ټولنه کې د بیکارۍ کړکیچ روان دی.

له څلورو څخه تر پنځو کیلو ګرامه زیتونو څخه یوازې یو لیتر غوړي جوړیږي. هسپانیه د زیتونو په کروندو او له هغوی څخه د غوړیو د جوړولو د بهیر له پاره د لا ډیرو کارکوونکو په لټه کې ده.

په اروپا کې فصلي کارکوونکي د کال په بیلابیلو فصلونو کې د کار په لټه سفرونه کوي.

په اروپا کې یوازې کروندگر سپسایدي گانې نه ترلاسه کوي، بکلې له هغوی سر تړلي ځایونه هم له سپسایدیو څخه گټه پورته کوي. د بلگې په توگه به امستردام کې دغه هوايي ډگر.

بلعاريا د اروپايي‌ ټولنې تر ټولو غريب غړی هېواد دی چې اداري فساد پکې هم تر ټولو عام دی. د آلمان د سوداګرۍ او پانګونې ادارې په حواله يې اوسط ناخالص عايد په ۲۰۱۸ کال کې په مياشت کې يوازې ۵۸۰ يورو وو. په اروپايي‌ ټولنه کې د غړيتوب خپلولو راهيسې ډېرو ځوانانو بلغاريې ته شا کړې، آن هغو خلکو هم چې ښه مسلکي زده کړې هم لري.

په رومانيا کې ډېر ښايسته ځايونه شته لکه دلته د براسوف ښار، ځکه چې ډېر زاړه ښارونه پکې ډېر ښه ترميم شوي دي. په ۲۰۱۹ کال کې د نفر په سر د ۱۱۴۴۰ يورو اقتصادي‌ توان په لرلو سره دغه هېواد د بلغاريې په پرتله لږ مخکې دی (يعنې د ۸۶۸۰ يورو په مقابل). خو‌ د اروپايي‌ کميسيون په حواله اوسط ناخلص معاشونه (په ۲۰۱۹ کال کې) په رومانيا کې ۱۰۵۰ يورو او په آلمان کې ۳۹۹۴ يورو وو.

دغه هېواد ايله د پورونو له کړکېچ څخه راوتلی وو. په تېره سياحت پکې په تېرو څو کلونو کې ښه نقش لوبولی وو. خو د کرونا کړکېچ له کبله يونان بيا تر فشار لاندې راغلی او اروپايي مرستو ته اړ دی. د آلمان په پرتله دغه هېواد غريب دی، خو د نفر په سر د ۱۷۵۰۰ يورو اقتصادي‌ توان په لرلو سره هغه له بلغاريې څخه دوه برابره بډايه دی.

کله چې د اوسط معاش خبره مطرح وي، نو آلمانان له فرانسويانو مخکې دي. خو په ۲۰۱۸ کال کې د ۲۶۵۰۰ يورو خالصې شتمنۍ په لرلو سره فرانسويان تقريبا ۱۰ زره يورو ورڅخه بډايه دي. يو علت يې دا دی چې په آلمان کې لږ خلک املاک لري. خو په فرانسه کې ډېر خلک حتی په اطرافو کې يو بل دويم کور هم په اختيار کې لري.

ايټاليا په اروپا کې د کرونا له کبله ډېره ځپل شوې ده. تر دوو لسيزو ولاړ اقتصادي حالت وروسته ايټاليا اوس د اروپايي ټولنې له خوا د کرونا مرستو د وېشلو څخه ډېره ننګه کوي. په ۲۰۱۸ کال کې د ۲۹۶۱۰ يورو ناخالص داخلي عايد په لرلو سره ايټاليا لږ د اروپا د اوسط عايد تر سطحې لاندې راغلې ده.

د کوويد ۱۹ پېښو په ډېرېدو سره د کاتالونيا چارواکو په جولای کې بيا ګرځبنديز لګولی دی. دغه هېواد په سيلانۍ پورې ډېر اړ دی چې د ناخالص داخلي عايد څه باندې ۱۵ سلنه ورته برابروي. دغه هېواد په ۲۰۱۸ کال کې د ۲۶۴۴۰ يورو اقتصادي توان په لرلو سره د اروپا د اوسط عايد تر سطحې لږ لاندې راغلی دی.

د سويډن هڅه دا وه چې بې له ټولبنديز څخه د کرونا له کړکېچ څخه تېر شي.‌ پايله يې نسبتا ډېر مړي ول. په ۲۰۱۸ کې د نفر په سر د ۴۶۱۸۰ يورو په لرلو سره دغه هېواد له لوکسمبورګ، آيرلنډ، دنمارک او هالنډ وروسته په پنځم ځای کې قرار لري. د لوړې ماليې پرته سويډنيان په ۲۰۱۸ کال کې په اوسط ډول د ۲۷۵۱۱ يورو په لرلو سره لږ له فرانسويانو مخکې دي.

نيدرلند يا هالنډ له سويډن، دنمارک او اتريش سره يو ځای د څلورو «سپما کوونکو» هېوادونو په ډله کې راځي.‌ دغه هېوادونه د ايټاليې په څېر هېوادونو ته پرته د اصلاحاتو له غوښتنې د مليارډونو يورو لېږل ردوي. د نفر په سر (په ۲۰۱۹ کال کې) د ۲۶۸۰۰ يورو اقتصادي توان په لرلو سره هالنډيان له نورو سره يو ځای مخکښه دي. د نفر په سر د څه باندې ۶۰ زرو يورو خالصې شتمنۍ په لرلو ډېر پيسه داره هم دي.

تر اوسه پورې آلمان له نوې وبا سره ښه مقابله کړې ده. خو اقتصادي لګښتونه يې هم ډېر زيات دي: صادرات راکم شوي او ډېر شرکتونه له سقوط سره مبارزه کوي. د اروپايي ټولنې د تر ټولو ستر اقتصاد په توګه د نفر په سر اقتصادي توان په ۲۰۱۹ کال کې ۴۱۳۴۰ يورو وو. خو آلمانانو په ۲۰۱۸ کال کې د نفر په سر يوازې ۱۶۸۰۰ يورو خالصه شتمني درلوده. په ايټاليا کې هم دغه شتمني دوه برابره زياته ده.