د کابل د نړيوالي هوايي ډگر چارواکو د چهارشنبې په ورځ (۲۰۲۱م کال د فبروي ۱۰مه) د آلمان خبري آژانس ته ويلي دي چي له جرمني څخه اخراج سوي ۲۶ کسان نارينه افغان مهاجر په يوه الوتکه کي ياد هوايي ډگر ته رسېدلي دي.
دا له ۲۰۱۶م کال راهیسي د افغان مهاجرو ۳۶م دغه ډول ډله ایز اخراج دی. په دغو پروازونو کي ۹۸۹ نه منل سوي افغان مهاجر بيرته افغانستان ته اخراج سوي دي.
له جرمني څخه افغانستان ته د مهاجرو اخراج یوه شخړه ایزه موضوع ده. له طالبانو سره د سولې د خبرو پر دوام سربیره په دغه هیواد کي داخلي جنګ دوام لري.
د افغانستان بې له هغه کمزوري اقتصاد او کرونا پانډمۍ په سبب نور هم تر فشار لاندي راځي او صحي سیستم لا نور هم خرابیږي. د مهاجرو مرستندویانو او مهاجر پلوه سازمانونو تر دې دمخه لا د افغانانو اخراج غندلی او د هغه توقف یې غوښتی دی.
مهاجر پلوه سازمان، پروازول پرون سه شنبه(د فبرورۍ نهمه) افغانستان ته د افغانانو ډله ایز اخراج ته په کتو سره خبرداری ورکړ چي د افغانستان وضعیت په ښکاره ډول سره مخ پرخرابیدو دی.
د جرمني د رابرت کوخ انستیتوت، افغانستان د کرونا پانډمۍ د شیوع په لوړه درجه بندۍ کي شامل کړی او د جرمني خارجه وزارت د دغه هیواد صحي سیستم ډیر خراب بللی دی.
په همدې حال کي سیاسي تحلیل ګران د افغانستان د امنیتي وضعیت د لاخرابیدو اټکل کوي. د بایرن ایالت د مهاجرو د شورا د معلوماتو پراساس د اخراج سوو کسانو الوتکي له مونشن څخه پرواز کړی دی. خو هم دغي شورا او هم د دغه ایالت د زرغون ګوند فراکسیون د افغانانو د اخراج توقف غوښتی دي.
د ۲۰۲۰م کال له مارچ مياشتي څخه تر نومبر میاشتي پوري د کرونا پانډمۍ د شیوع په سبب د افغانانو اخراج هم متوقف سوی وو. خو په ډسمبر مياشت کي بیرته شروع سو.
د ملګرو ملتونو د ارقامو پراساس د ۲۰۲۰م کال له پيل څخه د هغو افغانانو تعداد چي د فقر او غربت سره مخامخ دي، دوه چنده سوی دی. یعني د ۹،۴ ملیونو کسانو څخه ۱۸،۴ ملیونو کسانو ته لوړ سوی دی.
د جرمني څخه د مهاجرو د اخراج مقررات څه ډول دي؟
د جرمني داخله وزیر د ۱۶ ایالتونو د کورنیو چارو د وزیرانو سره تریوه ویدیو کنفرانس وروسته اعلان وکړ، چي د جنورۍ له اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي. نور جزيات دلته ولولئ: انځور: picture-alliance/W. Rothermel د جرمني داخله وزارت وايي، چي د سوریایانو د اخراج د منع کیدو لایحه به تمدید نسي. داخله وزير هورست زېهوفر په دې تړاو مخکي هم څرګندونې کړي وې. خو منتقدین دا د پناه غوښتونکو څخه د ساتني بین المللي حقوقو خلاف بولي. د ویچه ویله دلته د دغي مسألې حقوقي اړخونو ته یوه کتنه کړې ده: هغه مقرره چي د ۲۰۱۲ م کال راهیسي په منظم ډول سره تمدیدیږي، په پام کي لري، چي سوریایان خپل هیواد ته د اخراج څخه وساتي.
انځور: picture-alliance/dpa/M. Schutt په سوريه کي د امنيت نشته والی په سوریه کي اوس هم جنګ دوام لري. دا په دې معنی ده، چي حتی رد سوي پناه غوښتونکي هم، د مجرمینو په شمول په جرمني کي پاته سي. منتقدین وايي، چي په سوریه کي هیڅ ډول امنیتي شرایط وجود نلري. خو داخله وزیر، هورست زیهوفر د ۱۶ ایالتونو د کورنیو چارو د وزیرانو سره تر یوه ویدیو کنفرانس وروسته اعلان وکړ، چي د جنورۍ میاشتي د اولي څخه به د پناه غوښتني قضیو ته په کتو سره د اخراجیدو په هکله تصمیم نیول کیږي.
انځور: Amer Almohibany/AFP ولي د اخراجیدو ممانعت لغؤ سو؟ په جرمني کي د هغو پناه غوښتونکي، چي رد سوي، او یا یې جرمونه کړي وي، (دولدونګ) یا د پاته کیدلو مؤقتي ویزه ورکول کیږي. خو ددغو کسانو پرضد همیشه د ښی اړخو افراطیانو لخوا اعتراضونه کیږي او تر ټولو دمخه د مسلمانانو پر ضد. د ۲۰۱۱ م کال راهیسي د سوریې جنګ، چي تر ۳۸۷ زره اضافه انسانان پکښي ووژل او په ملیونو کسان د وطن پریښولو ته مجبوره سول، ددې سبب سو، چي شکمن کسان هم په جرمني کي پاته سي.
انځور: Getty Images/T. Lohnes د جرمني په داخله وزارت کي د ساختماني او هیواد ساتني چارو معین، هانس ګیورګ انګلکه پرون جمعه خبریالانو ته وویل:«هغه کسان چي جرمونه کوي او یا تروریسټي اهداف مخته وړي، زموږ دولت او خلګو ته تاوان رسوي او باید د جرمني څخه اخراج سي.» خو د زیهوفر د اظهاراتو پراساس د تقریبأ ۷۷۰ زرو سوریایانو څخه چي په دې وروستیو وختونو کي جرمني ته راغلي دي، فقط تقریبأ ۹۰ کسانو ته یې د خطرناکو کسانو په سترګه کتل کیږي.
انځور: picture-alliance/dpa/F. Gentsch د اخراج څخه انتظارات محدود دي د کرونا دویروس په سبب د سفر پر محدودیتونو سربیره، سوریې ته په نورو دلایلو هم اخراج ممکن ندی: د نیدرساکسن ایالت داخله وزیر، بوریس پستوریس په دې باب وویل،«په سوریه کي هیڅ داسي مؤسسه وجود نلري، چي موږ د هغه سره ډیپلوماتیک روابط ولرو.»په دې دلیل هغه او سوسیال دموکراټ حزب یې سوریې ته د نه اخراج د قاعدې لغؤ کیدل رد او کوښښ یې وکړ، چي هغه د ۶ نورو میاشتو دپاره تمدید کړي.
انځور: picture-alliance/dpa/M. Kappeler د یوه رپوټ پراساس آلمان په ۲۰۱۹ م کال کي۲۲۰۰۰ تنه اخراج کړي دي. البانیا، نایجریا، ګرجستان، روسیه او صربستان د هغو هیوادو د جملې څخه وه، چي په همدغه کال کي یې هر یوه ته زر زر تنه اخراج سول. په همدغه وخت کي تقریبأ ۹۳۰ افغانان او ۸۶۰ عراقیان هم اخراج سوي دي. د رپوټ پر بنأ په ۲۰۱۹ م کال کي د اخراجیدو تقریبأ ۴۰ فیصده موارده د اروپا د اتحادیې نورو هیوادو لکه فرانسې او ایټالیا ته تر سره سوي دي.
انځور: picture-alliance/dpa/M. Kappeler هغه کسان نباید د جرمني څخه اخراج سي، چي په خپلو هیوادونو کي یې د جنګونو، تعقیب او یا ازار په دلیل ژوند ته خطر موجود وي. په دغه صورت کي د هغوی اخراج د اروپا د بشر د حقوقو د کنوانسیون څخه سرغړونه ده. دغه کنوانسیون د هغوکسانو اخراجیدل هم منع کوي، چي په خپلو هیوادونو کي د شکنجې سره مخامخ کیدلای سي.
انځور: picture-alliance/dpa/P. Pleul
