د هندوستان د آسام ایالت لومړي وزیر، هیمنتا بیسوا سرما په يوه بيانيه کې ويلي دي: "موږ به د دې ټولنیز شر د پای ته رسولو لپاره زړور ګامونه پورته کولو ته دوام ورکړو."
نوموړي زیاته کړه: "آسام د ماشومانو ودونو پر وړاندې خپلې مبارزې ته دوام ورکوي". هغه وويل چې عملیات په شپه کې ترسره شوي او نیول شوي کسان به د یکشنبې په ورځ محکمې ته وړاندې شي.
د ملګرو ملتونو په وینا، هند له ۲۲۰ میلیونو څخه زیاتو ماشوم ناوېګانو کور دی، خو په دې پېړۍ کې د ماشومانو ودونو کچه په پراخه توګه راټیټه شوې ده.
د ۲۰۲۳ کال په فبرورۍ کې پیل شویو عملیاتو کې د آسام ایالت مخکې هم په زرګونو کسان نیولي چې پکښې د ماشومانو والدین او هغه ثبتونکي شامل دي چې د کم عمر ودونو پر سندونو لاسلیک یې کړی و. اوس د نیول شویو کسانو شمېر له ۴۸۰۰ کسانو څخه زیات شوی دی.
سرما په خپل ایالت کې تر ۲۰۲۶ کال پورې د ماشومانو د ودونو د بشپړ ختمولو لپاره د کمپاین مشري کوي.
هند: په روغتون کې اور لګیدنې لس نوي زیږدلي ماشومان وژلي
په هند کې د قانوني ودونو عمر ۱۸ کاله دی، خو په ځانګړې توګه په غریبو کلیوالو سیمو کې، په ملیونونو ماشومان د کم عمر په وخت کې ودونو کولو ته اړ کېږي.
ډېری والدین د دې امید سره خپل ماشومان ودوي چې د هغوی مالي حالت به ښه شي.
دا پایلې په ځانګړي ډول د نجونو لپاره خطرناکې دي، ځکه هغوی ښوونځي پرېږدي چې د خپلو میړونو لپاره د کور کارونه وکړي او د کم عمر زېږون له امله د روغتیايي ستونزو سره مخ کېږي.
په ۲۰۱۷ کال کې د هند سترې محکمې په یوه تاریخي پرېکړه کې وویل چې له کم عمره ښځې سره جنسي اړیکې د جنسي تېري په مانا دي، چې دا پرېکړه د فعالینو له خوا وستایل شوه.
د «نړۍ د غبرګولي ماشومانو په پلازمېنه» کې د غبرګولیو ماشومانو جشن
د نایجریا په ایګبو-اورا ښار کې د غبرګولي ماشومانو د زېږون کچه لوړه ده. په همدې دليل دغه ښار ځان ته د «غبرګولیو پلازمېنه» وايي او د غبرګولي ماشومانو جشن لمانځي. د یوه جشن انځورونه درښيو.
انځور: OLYMPIA DE MAISMONT/AFPد تېرې اوونۍ په پای کې (شنبه او یکشنبه) په سلونو کسانو د نایجریا ایګبو-اورا ښار کې د غبرګوليو ماشومانو جشن ولمانځه. په ګډونوالو کې شاهي کورنۍ هم برخه درلوده. د سیمې مشر اوبا کهینده، چې خپله هم غبرګ زېږېدلی، وويل: «په ایګبو-اورا کې ډېرې لږ داسې کورنۍ پیدا کيږي چې غبرګولي ماشومان ونه لري.»
غبرګولي ماشومان د جشن په ورځ رنګينې او جالبې جامې اغوندې. د یوروبا خلکو په کلتور کې غبرګولیو ماشومانو ته ځانګړی درناوي کيږی.
کله چې د شنبې په ورځ دغه جشن پیل شو، ښار په ښادیو کې ډوب وو. د نڅا ځايي ټيمونو دغه جشن لا خوندور کړ. یو سور فرش هم هوار شوی وو چې په مختلفو عمرونو کې غبرګولي ماشومان او مشران پرې تېرېدل او خلکو ېې سیل کاوه. په نندارچیانو کې هم اکثره ېې غبرګولي ول.
دغو مراسمو ته د یوالند سیمې له حاکم علاوه، نور لوړ پوړي چارواکي هم راغلي ول. په داسې حال کې چې د غبرګولیو ماشومانو زیږون د نړۍ په سطحه په ۱۰۰۰ کې شاوخوا ۱۲ دي، اما په څېړنو کې موندل شوې چې په ایګبو-اورا کې په زرو کې ۴۵ دي.
د غبرګولولیو ماشومانو د زیږون راز
دا چې ولې په دغه سیمه کې د غبرګولیو ماشومانو د زېږون کچه لوړه ده، ډېر نظرونه موجود دي. اکثره ځایي اوسيدونکي وايي د دې دلیل د دوی غذايي رژیم دی، په ځانګړې توګه د لېړوګانو پاڼې یا د کاساو په نوم يو ډول اوړه. خو کارپوهان پر دغه نظر شک کوي او وايي چې له علمي لحاظه غبرګ زیږونونه له غذايي رژيم سره تړاو نه لري.
د دغه ښار ټول اوسېدونکي په دې باور دي چې دوه ګوني یا غبرګولي ماشومان یو رحمت دی. په همدې دلیل دوی ېې جشن لمانځي، هغه هم په داسې وخت کې چې نوی نسل له ترټولو سخت اقتصادي بحران سره مخ دی.
په دغه جشن کې یوازې د کوچنيو غبرګولي ماشومان نه، بلکې د هر عمر غبرګولیو افرادو څخه هرکلی کیږي. تایوو اوجیواله چې د اویو ایالت مرکز ایبادان پوهنتون کې د یوربا سیمې د اوسېدونکو په هکله تحقیق کوي وايي چې له غبرګولیو څخه ستاینه «د خلکو په دودیزو ديني عقایدو کې رېښه لري.»
سولیات موبولاجي ۷ میاشتې مخکې دوګوني ماشومان وزېږول. هغه وايي له هغه وخت راهیسې ورته د کورنيو او دوستانو له خوا ډالې راروانې دي. دغه ۳۰ کلنه مور وايي «دوی زما ژوند ته بدلون راکړ. داسې نه ده چې څوک دې غبرګ ماشومان زیږوي او نه دې نېکبخته کیږی. دا د خدای ډالۍ ده.»
