سرویګیا سنګ کشواها، په خپل هیواد کې د انیش سرکار تیر ریکارډ مات کړ. انیش سرکار دغه رتبه تیر کال په نومبر کې د درو کلونو، اتو میاشتو او ۱۹ ورځو په عمر کې ترلاسه کړې وه.

د مدهیه پردیش ایالت د یوه وړکتون د دغه ماشوم رپيډ ریټنګ یا د ګړنديتوب درجه ۱۵۷۲ ده.

د شطرنج د نړیوال فدراسیون د رتبې ترلاسه کولو له پاره یو لوبغاړی باید لږ تر لږه یو رتبه لروونکي لوبغاړي ته ماته ورکړي. ریټډ یا رتبه د لوبغاړي وړتیا ښکاره کوي، په داسې حال کې چې نړیواله درجه بندي جلا موضوع ده.

په شطرنج لوبو کې د نړۍ د لومړۍ درجې لوبغاړي میګنس کارلسن د ګړیندیتوب درجه ۲۸۲۴ ده.

د سرویګیا پلار سدهارته، وویل چې دا ورته ډیر د ویاړ خبره ده. نوموړي هندي رسنیو ته وویل: «مونږ غواړو چې هغه اتل لوبغاړی شي.»

سرویګیا د خپل ایالت او هیواد په مختلفو ښارونو کې جوړو شوو سیالیو کې درو رتبه لروونکو لوبغاړو ته په ماتې ورکولو سره دا ریکارډ جوړ کړی دی.

هندوستان د شطرنج د اتلانو پر ټاټوبي د بدلیدو په حال کې دی.