هندوستان په کور دننه تر غږ چټک تولید شوی توغندی په بریالیتوب سره آزمویلی دی او په دې ترتیب د پوځي پرمختللې ټکنالوژۍ په ډګر کې یې یو بې ساری مقام خپل کړ. هند په دې توګه د هغو هیوادونو په ډله کې شامل شو چې په پوځي برخه کې پرمختللې ټکنالوژي لري.
د هند دولت د یوې خبرپاڼې په خپرولو سره ویلي: «هندي توغندی چې د دفاعي پرمختګ او څیړنو دولتي سازمان او صنعتي شریکانو له لوري د هند وسلوال پوځ له پاره جوړ شوی، تر ۱۵۰۰ کیلومتره پورې مزل کولی شي او د اتومي وسلو د لیږد وړتیا هم لري.»
د هندوستان حکومت په اعلامیه کې همدا راز زیاتوي چې «د توغندي د پرواز راټول شوي معلومات...د توغندي د توغولو د دستګا بریالی مانور او په ډیر دقت سره د هدف ویشتل تائیدوي.»
د هندوستان د دفاعي پرمختګ او څیړنو دولتي سازمان زیاته کړې چې دغه آزموینه د شنبې په ورځ د ډاکټر آی. پي. جي عبدالکلام په نامه په ټاپو کې شوې ده چې د هندوستان د اودیشا ایالت په ختیځ ساحل کې موقعیت لري.
تر غږ د چټک توغندي په آزمویلو سره اوس هند د هغو هیوادونو په ډله کې دی چې دغه راز پرمختللې تکنالوژي لري. انځور: Firdous Nazir /Eyepix Group/picture alliance/Photoshot په عین وخت کې د هندوستان دفاع وزیر، راجنات سینګ، پر پخواني ټویټر اوسني اکس شبکه باندې د یوه پیغام په خپرولو سره د توغندي دغه آزموینه یوه «تاریخي لاسته راوړنه» ببلې او زیاتوي چې په دې توګه هند اوس د هغو هیوادونو په کتار کې شامل شو چې دغه راز حیاتي پرمختللې ټکنالوژي لري.
په نړیواله کچه تر غږ د چټکو وسلو په برخه کې ګڼ شمیر هیوادونه هڅې کوي او په دې برخه کې هند، چین، روسیه او متحده ایالات تر نورو هیوادونو مخکښ شمیرل کیږي.
دغو ۱۰ هيوادونو تر ټولو ډیرې درنې وسلې رانيولي دي
په سويډن کي د «سېپري» په نوم څیړنیزي ادارې په حواله په تیرو پنځو کلونو کې په نړیوۍ کي د درنو وسلو په پير او پلور کې لس سلنه زیاتوالی راغلی دی. په دې موده کې تر ټولو ډیرې وسلې د منځني ختیځ هیوادونو پیریدلي دي.
انځور: AFP/Getty Images/S. Loebد «سپري» یا د نړيوالي سولي څېړنيز مرکز، په حواله ویتنام په نړۍ کي د وسلو د سوداګرۍ په برخه کې درې سلنه ونډه درلوده. د درنو وسلو د خریدارۍ په لیست کې دغه هیواد په لسم مقام کې ځای لري.
پاکستان چې څومره وسلې رانیولي دي، هغه په نړۍ کې د وسلو د تجارت ۳،۲ سلنه برخه ده. پاکستان تر ټولو ډیرې وسلې له چين څخه پیریدلي دي.
پر عراق د امریکا او متحدینو تر برید وروسته یې دغه هیواد له بې ثباتۍ سره مخامخ دی. د سپري په حواله دغه هیواد په نړۍ کې د درنو وسلو د خریدارۍ په برخه کې له ۳،۲ سلنه ونډې سره د پاکستان په شان اتم ځای نیولی دی.
استرالیا د درنو وسلو د خریدارۍ په برخه کې په ۳،۳ سلنه ونډي سره په اووم مقام کې دی.
د درنو وسلو د پیریدونکو هیوادونو په دې نوملړ کې ترکیه یوازنې داسې هیواد دی چې د ناټو غړيتوب لري. د سپرې په حواله دغه هیواد د درنو وسلو د نړیوالې سوداګرۍ ۳،۳ سلنه برخه وارده کړې ده.
د شمالي افریقا دغه هیواد (الجزایر) د درنو وسلو د نړیوال تجارت په ۳،۷ سلنه خریدارۍ سره په پنځم مقام کې ځای نیولی دی. د پاکستان په څیر الجزایر هم د دغو وسلو ډیره برخه له چين څخه رانيولې ده.
چين یوازنې داسې هیواد دی چې د وسلو د پير او پلور په برخه کې په لومړيو لسو هیوادونو کې شامل دی. چين په نړۍ کې د وسلو دریم لوی صادرونکی هیواد دی، په داسې حال کې چې د درنو وسلو د پیرلو په برخه کې بیا څلورم مقام لري. په نړۍ کې د وسلو د تجارت ۴،۵ سلنه یې یوازې چين پیرلي دي.
متحد عربي امارات هم د یمن په جګړه کې د سعودي عربستان متحد دی. د سپري په حواله دغه هیواد د تیرو پنځو کلونو په موده کې د درنو وسلو د نړیوال تجارت له مجموعې څخه ۴،۶ سلنه وسلې خریداري کړي دي.
سعودي عربستان په نړۍ کي د وسلو دویم لوی پیرونکی هیواد دی. د سپري په حواله په تیرو پنځو کلونو کې د سعوي عربستان له خوا د پیرل شویو درنو وسلو اندازه ۸،۲ سلنه وه.
هندوستان تر ټولو ډیرې وسلې رانيولې دي. د سپري د رپوټ پر بنسټ په ټوله نړۍ کې د وسلو د تجارت له مجموعې څخه ۱۳ سلنه یې هندوستان خریداري کړي دي.
