دفاع وزارت او د ایران د وسله والو ځواکونو د ملاتړ ادارې د یوې اعلامیې په خپرولو سره په اصفهان ښار کې د دفاع وزارت اړوند یوه نظامي مرکز باندې د بی پیلوټه الوتکو د برید خبر ورکړی دی.
په اعلامیه کې ویل شوي چې د شنبې او یکشنبې تر منځ د شپې په شاوخوا ۲۳:۳۰ دقیقو د دفاع وزارت د ورکشاپونو کمپلکس د درو بی پیلوټه الوتکو له خوا د برید هدف ګرځول شوی دی.
آيا پر سعودي د ايران د بريد ګواښ شته؟
د نوموړي وزارت په وینا یوه بی پیلوټه الوتکه د دافع هوا سیستم له خوا خنثی او دوه نور یي د هوایي دفاع په تلک یا جال کې تر بندیدو وروسته چاودلي دي.
د دې اعلامیې په اساس دغه برید کوم ځاني تاوان نه دی اړولی، خو یوازې د کمپلکس چت یا بام ته لږ زیان اوښتی دی.
د ایران د سپاه پاسداران انقلاب عمومي قومندان ددغه هیواد د سمندري ځواک د قومندان په ملګرتیا د فارس خلیج په سواحلو کي د ایران د توغنديو نوي اډې ته ورغلي. هغوی دغه تأسیسات او توغندي ستراتیژیکي وسلې وبللې.
انځور: YJCد جنورۍ پر ۸مه د ایران د سپاه پاسداران انقلاب عمومي قومندان، حسین سلامي ددغه هیواد د سمندري ځواکونو د قومندان، علیزضا تنګسیري په ملګرتیا د فارس خلیج په سواحلو کي د دغه هيواد د توغنديو د نوي اډې ليدنه وکړه.
حسین سلامي په خپلو خبرو کي وویل: «هغه څه چي په دغه کلکسیون کي وینی، د سپاه د سمندري ځواک د ستراتیژیکي توغنديو د څو ساتل سوو تاسیساتو له جملې څخه يو دی چي په هغه کي موږ د توغنديو او دافع هوا یوه مجموعه وینو.
د سپاه قومندان وویل: «ددغي مجموعې اوږدوالی کیلومترو ته رسیږي او ددغي مجموعې اکثره وسلې د سپا په سمندري ځواک کي هم موجودي دي.
د هغه په خبره «دغه توغندي په سونو کیلومتره واټن وهي، ډیر دقیق او تخریبونکي دي او کولای سي د دښمن له جنګي الکترونیکي تجهیزاتو څخه تیر سي».
حسین سلامي د سپاه د سمندري ځواک دغه توغندي «ډیر پيشرفته» وبلله او زياته یې کړه چي دغه توغندي له ساحل څخه سمندر، له مځکي څخه مځکي، له هوا څخه اوبو او د اوبو څخه هوا ته د جهان د بهترینو راکټانو د جملي څخه دي.
فارس خلیج په تیرو څلورو لسیزو کي د ایران او امریکا او دهغه د منطقه وي متحدینو ترمنځ د تشنج شاهد وو.
د دواړو خواوو ترمنځ د قدرت ښکاره کول په دې وروستيو کي زور اخيستی دی. په تیرو ورځو کي د قاسم سلماني د وژل کیدو له تلین سره سم د فارس پر خلیج باندي د امریکا متحده ایالاتو لخوا B52 ډوله جنګي الوتکو پروازونه وکړل او د جورجيا په نوم جنګي اوبتل یې فارس خليج ته ولېږه.
د تشنج د ډیریدو په منځ کي ایران اعلان وکړ چي ډیر ژر به د یورانیمو ۲۰ فیصده غني کیدل شروع کړي او په فارس خلیج کي یې د نوو توغنديو او بې پیلوټه الوتکو څخه پرده پورته کړه.
د ایران روحاني رهبر، علي خامنه اي هم د جمعې د ورځي په خبرو کي د توغنديو پر سیاست باندي ټینګار وکړ او ویې ویل: «نن ورځ د ایران دفاعي قدرت داسي دی چي زموږ دښمنان مجبوره دي زموږ پر توانايي باندي حساب وکړي.»
پخوا هم سپاه پاسداران د توغنديو دغه ډول مشابه تونلونه ښکاره کړي ول.
د ایران اسلامي جمهوریت اعلان وکړ چي د توغنديو پروګرام یې «د خارجي حملو مخنیوی دی». خو غربي هيوادونه او سيمه ايز انډیولان يې بیا دغه پروګرام یو تهدید او خطر گڼي.
مخکې تر دې د اصفهان په ښار کې د یوې چاودنې د ویروونکي غږ تر اوریدو وروسته د اصفهان ولایت سیاسي او امنیتي مرستیال د «خبر سیما» شبکې سره په مرکه کې د چاودنې په تائیدولو سره ویلي و چې دغه چاودنه د «دفاع وزارت د وسلو جوړولو په یوه مرکز» کې رامنځته شوې ده.
محمد رضا جان نثاري زیاته کړې وه «اوښتي زیانونه تر ارزونې لاندې دي او لاملونه یي د په نښه کیدو په حال کې» دي.
په فارس خلیج کې د ګواښوونکي وضعیت په اړه د امریکا اندیښنه
د مهر خبري آژانس رپوټ ورکړی و چې «په خمیني سړک کې د ۱۲مې سیمې اوسیدونکي د ویروونکو غږونو له کبله سړکونو ته را ووتل».
د انستاګرام په پاڼو کې چې د اصفهان خبرونه هم تر پوښښ لاندې نیسې یوه کاروونکي لیکلي و چې په مختلفو زماني واټنونو کې د چاودنو څلور غږونه اوریدل شوي چې له کبله یي رامنځته شوې لړزه د اصفهان په کورونو کې هم احساسیدله.
آژانسونه: ش.ن/ ا.خ.ح
