دونالد ترمپ د ایران پر اتومي تأسیساتو د امریکا بریدونو ته په اشارې سره ویلي دي چې دغه برید کولی شي پر منځني ختیځ مثبت اغیز ولري. دونالد ترمپ د چهارشنبې په ورځ وویل: «فکر کوم چې په غزه کې لوی پرمختګ رامنځته کېدونکی دی، فکر کوم د هغې حملې په دلیل چې مونږ ترسره کړې ده.»
په ورته وخت کې د حماس وسله والې ډلې یوه لوړپوړي چارواکي د فرانسې خبري آژانس ته ویلي چې د اسرائیل او دغه سخت دریځه اسلامپاله فلسطیني ډلې ترمنځ د اوربند مذاکرات «په وروستیو ساعتونو» کې د منځګړو هیوادونو په موجودیت کې شدت موندلی دی.
طاهر النونو ویلي: «په مصر او قطر کې له منځګړيتوب کوونکو ورونو سره زمونږ اړیکې نه دي پرې شوي او په دې وروستیو ساعتونو کې ګړندۍ شوي دي.» نوموړي زیاته کړې ده چې دې ډلې «تر اوسه هیڅ کوم نوی وړاندیز» د هغې جګړې پای ته رسولو له پاره نه دی ترلاسه کړی چې اوس ۲۱مې میاشتې ته رسیدلې ده.
په ورته وخت کې د غزې په سویل خان یونس سیمه کې د ۷ اسرائیلي سرتیرو د وژل کیدو رپوټونه ورکول شوي دي. اسرائیلي پوځ تاییده کړې ده چې دغه سرتیري د یوې چاودنې په پایله کې وژل شوي دي.
د مرګ او ژوند په منځ کي د غزې د فلسطینیانو انځوریز راپور
غزه د بشري ناورین په درشل کي ده. د اکتوبرمیاشتي پر اوومه نېټه د حماس د ترهګریزو بریدونو په ځواب کي د اسرائيل د ځوابي بریدونه دوام لري، په غزه کي د وژل سویو او ټپیانو شمېر مخ پر ډېرېدو دی. انځور: Fatima Shbair/AP/picture alliance د اسرائيل درانه ځوابي بریدونه پر اسرائيل د حماس د ناڅاپي تروریستي بریدونو په دوام، دغه هیواد هم پر غزه هوايي بریدونه وکړل چې د حماس ډلي په کنترول کي ده. اروپايي ټولنه، امریکا متحده ايالات او ځيني نور هیوادونه حماس تروريستي ډله ګڼي. د اکتوبر پر نهمه دوشنبه د اسرائيل لومړي وزیر بنیامین نتانیاهو وویل: «کوم څه، چي به موږ په راتلونکو ورځو کي له خپلو دوښمنانو سره کوو د دوی د راتلونکو نسلونو له پاره به لکه زنګ داسي وي.»
انځور: Belal Al SabbaghAFP/Getty Images د ملګرو ملتونو د بشري مرستو د همږغۍ دفتر(OCHA) په وینا نژدې ۸۰۰ تعمیرونه یومخ ویجاړي سوي دي او په سونو نور د اسرائيل په هوايي بریدونو کي تاواني سوي دي. راپورونه وايي، چي په سونو زره کسان اوبه نه لري.
انځور: Mohammed Talatene/dpa/picture alliance د پاته سویو کسانو په لټه کي د اسرائيل په هوايي بریدونو کي د غزې تراډي په شمال کي د جبالیه کډوالو پنډغالي له منځه تللي او ژغورونکي کوښښ کوي، چي پاته سوي ژوندي کسان وژغوري. هغه شمیرې چي د پنجشنبې په ورځ خپرې سوي دي، د دواړو لوریو قربانیان تر۲۵۰۰ زیات دي. لږ تر لږه ۱۲۰۰ اسرائيليان او ۱۳۰۰ فلسطینیان وژل سوي دي په زرهاوو کسان ټپیان دي.
انځور: Mahmud Hams/AFP/Getty Images مړي په یوه موټر کي وړل کیږي او یوه فلسطینۍ ښځه بوغاري وهي . په غزه کي د روغتیا مسؤلان وايي تر ۱۴۰ ډېر کوچنیان او ۱۰۰ ښځي وژل سوي دي.
انځور: Said Khatib/AFP/Getty Images فلسطینیان په یوه زاړه مني بس موټر کي د اسرائيل له انتقامي هوايي بریدونو څخه تښتي. د ملګرو ملتونو د یو راپور پربنسټ په غزه کي ۱۸۷ زره کسان بې ځایه سوي دي. ۱۳۷ زره کسانو د ملګرو ملتونو په ښوونځیو کي او ۴۰ زره په شخصي کورونو کي پنا اخیستې ده. امکان نه لري، چي د غزې تراډه دي یومخ پرېږدي. اسرائيل دغه سیمه محاصره کړې او د مصر لار يې هم تړلي دي.
انځور: Saleh Salem/REUTERS اسرایلي ځواکونه د غزي تراډي پوله خپله مهاروي د اسرائيل ځواکونه د غزې تراډي پر پوله ګزمه کوي. د حماس ډلي وسله والو د اکټوبر مياشتي پر اوومه پر پوله د اسرائيل درول سوی کټارې ماتي او دغه هیواد ته له ور اوښتلو سره یې عملیات شروع کړل، چي ډېری قربانیان يې ولسي وګړي ول. اسرائيل په ۱۹۹۴م کال کي د غزې پر پوله اغزن تار وغځاوه. په غزه کي د مصر سره پر پوله هم اغزن سیم درول سوی دی.
انځور: Oren Ziv/AP/picture alliance د غزې پر پوله اسرائيلي ځواکونه اسرائيل ۳۰۰ زره ریزرف ځواکونه چمتو کړي دي. د غزې اوسیدونکي ویره لري چي اسرائيل به مځکني عملیات شروع کړي. د غزې پولي ته د اسرائيل زغروال موټر او پوځي تجهیزات لېږل سوي او پولي ته څېرمه د اسرائيل ښارګوټي یومخ تش سوي دي.
انځور: Ilia Yefimovich/dpa/picture alliance په غزه کي انساني ناورین ته انتظار جان ایګلنډ د ناروې د کډوالو د شورا (NRC) عمومي منشي له CNN سره په مرکه کي خبرداری ورکړ، چي په غزه کي یو انساني ناورین سترګي په لار دی. «د بېلګي په ډول که چیري په روغتونونو کي د برېښنا د نشتوالي او لوږي له لاسه کوچنیان ومري، دا به جنګي جنایتونه وشمېرل سی.»
انځور: Mahmud Hams/AFP/Getty Images یحیی سنوار، په غزه کي د حماس د سیاسي دفتر مشر یحیی له ۲۰۱۷م کال راهیسي په غزه کي د حماس تروریستي ډلي مشر دی. هغه پر اسرائيل د برید له طراحانو څخه ګڼل کیږي. سنوار، چي د کډوالو په پنډغالي کي لوی سوی دی، ویلي دي: «موږ دا غوره ګڼو، چي شهیدان سوو، د دې پرځای، چي تر ظلم او سپکتیا لاندي ومروو.»
انځور: Mohammed Abed/AFP د حماس ویاند خبري اژانسونو ته ویلي دي چي هر واري چي اسرائيل بیله خبرتیا پر غزه بمبار وکړي یو نیول سوی اسرائيلی به وژل کیږي. په داسي حال کي چی د اسرائيل د باندنیو چارو وزیر الی کوهن ګواښ وکړ چي دا ډول کړنی به هیڅ ونه بخښل سي. حماس پر اسرائيل باندی د برید پرمهال په لسهاوو اسرائيليان له ځان سره ژوندي بیولي دي.
انځور: Mahmud Hams/AFP/Getty Images
همدارنګه له غزې څخه رپوټونه وایي چې په دغه سیمه کې بشري وضعیت ډیر د انديښنې وړ دی.
فلسطیني بې ځایه شوو ته د ملګرو ملتونو د مرسته رسولو سازمان څخه جولیت توما دویچه ویله ته ویلي دي چې په اوس وخت کې په غزه کې د غزې بشردوستانه بنسټ بشري مرستې په سیمه کې د فلسطنیانو ضرورتونه نه شي پوره کولی. د امریکا او اسرائیل له خوا د دغه بنسټ ملاتړ کیږي.
هغې د حماس او اسرائیل ترمنځ د جګړې پای ته رسولو په هکله وویل چې «دا کار هرڅومره زر چې ممکن وي» باید ترسره شي.
حماس د امریکا متحده ایالاتو ، آلمان او یو شمیر نورو هیوادونو له لوري د یوه ترهګر سازمان په توګه درجه بندي شوی دی.
میرمن توما وویل: «د غزې تړانګې محاصره باید پای ته ورسیږي، څو بشري مرستې او تدارکات غزې ته ورسیږي. یرغمل شوي باید خوشې شي، څو هغوي له خپلو کورنیو سره یوځای شي.» هغې زیاته کړه چې اوربند له: «مودو راهیسې ځنډیدلی دی.»
This browser does not support the video element.
