د طالبانو لخوا د نیمروز د مرکز تر نیولو وروسته د دغه ولایت ځینو اوسیدونکو ایران ته پناه یووړه. ویل کیږي چي د نیمروز سره د میلک عبوري سرحد تړل سوی او ځیني افغان مهاجر بیرته نیمروز ته استول سوي.
اعلان
ایران د نیمروز سره خپل ګډ سرحد تړلی دی
د هغه راهیسي چي تیره پنجشنبه ورځ طالبانو د نیمروز ولایت مرکز، زرنج تر خپل کنټرول لاندي راوستی، د دغه ولایت یو تعداد اوسیدونکو سیمه پریښوله او کوښښ یې وکړ، چي ایران ته ورداخل سي.
د هغو ویدیوګانو څخه چي په فیسبوک کي نشر سوي، لیدل کیږي، چي د افغانستان یو تعداد نظامي قواوي د خپلو موټرونو او نظامي تجهیزاتو سره ایران ته ورداخلیږي.
د نیمروز ولایت د ایران د سیستان او بلوچستان ولایتونو سره همسرحده دی او د میلک په نامه عبوري سرحد د هیرمن د ښارګوټي سره نژدې موقعیت لري. ویل کیږي، چي ایران د افغانستان سره د میلک او ګمشاد په نامه دوه سرحدونه تړلي دي.
د افغان مهاجرو بیرته استول
د هغو کسانو تعداد چي په دې وروستیو څو ورځو کي د نیمروز څخه ایران ته وراوښتي دي، دقیق ارقام نسته. خو ځیني منابع د «زرونو» افغان مهاجرو د اوښتو خبره کوي ، کوم چي د ایران سرحدي قواوو د هغوی یو تعداد بیرته نیمروز ته وراستولي دي.
د میلک د عبوري سرحد مدیر، مصطفی ضیايي د دغه افغان مهاجرو په باب ایرانۍ ورځپاڼي «همشهري» ته ویلي دي، «د دغو مهاجرو په منځ کي داسي کسان وه، چي پاسپورټ ، ویزه او نور اسناد یې نه درلودل او د میلک سرحد څخه ایران ته رااوښتي وه. خو پسله څو ساعتونو څخه هغوی چي اسناد نه درلودل بیرته افغانستان ته واستول سول او ځیني نور یې بیا د ایران د سرحداتو د وزارت په کومک د مهاجرینو یوه کمپ ته انتقال سول.»
ایران ته یو انځوریز سفر
کله چي سړی ایران ته سفر وکړی نو له یوه څو زره کلن زوړ تاریخ او کلتور، باشکوهه ودانیو، یوه بې ساري طبیعت او حیرانوونکې میلمه پالنې سره مخامخیږي.
انځور: picture alliance/Prisma
کاشان: له مینې ډک کوچنی ښار
دغه ښار له خپلو عنعنوي ودانیو، جوماتونو او بازارونو سره زړه راکښوونکی دی خو د کاشان شاوخوا پرتې سیمې هم ترې کمې نه دي: په ځانګړې توګه مالګین سمندر او هغه ته نژدې د مرنجاب د صحرا ستر طبیعت د لیدو وړ دي. که څوک له خوبه وختي پاڅیږي نو په مرنجاب کی د لمر د پورته کیدو ښایسته منظره هم لیدلی سي.
انځور: DW/F. Schlagwein
اصفهان: په هر ځای کي هنر
د ایران په هر ځای کي هنر تر سترګو کیږي. د شیخ لطف الله د جومات د ګنبدی په داخلي برخه کي ظریف کاري د دې څرګندويي کوي چي ایران څومره له جزئیاتو سره علاقه لري. له جومات څخه بهر هم هر ځای رنګونه، نقاشۍ او پر دیوالونو باندی رسامۍ لیدل کیږي.
انځور: DW/F. Schlagwein
آبیانه: سور کلی
د کاشان او اصفهان ترمنځ پروت دغه کوچنی کلی یوازې شاوخوا ۳۰۰ اوسیدونکي لري. خو بیا هم په ایران کی څه نا څه هر څوک هغه پیژني. د سور رنګه خټینو کورونو په لرلو سره دغه کلي له څه د پاسه ۲۰۰۰ کلونو راهیسي خپل کلتور او ژبه ساتلی ده او له همدې کبله د ډیرو ایرانیانو له پاره د هغوی د تاریخ منعکس کوونکی شمیرل کیږي. آبیانه له ۲۰۰۷ کال راهیسي د یونسکو د کلتوري میراثونو په لست کي شامل دی.
انځور: DW/F. Schlagwein
د لوت دښته: ډیره توده
زیاتره کسان د مریخ د سیارې سطحه همداسې تصوروي. د لوت دښته چی کالوت هم نومیږي، داسي یو ځای دی چي ژوند په کښي نسته. د ۷۰،۷ درجې تودوخې په لرلو سره دغه ځای په ۲۰۰۵ کال کی د ناسا له خوا د ځمکې د تر ټولو تودې سیمې په توګه ونومول شوه. هر هغه څوک چي د ایران ختیځی برخې ته سفر کوی نو که څه هم هلته ډیره ګرمي وي خو باید په هر صورت له لوت څخه لیدنه وکړي.
انځور: DW/F. Schlagwein
یزد: په وچه کی شنه سیمه
د ایران د دوو سترو دښتو ترمنځ د هیواد یو له ښایستو ښارونو څخه «یزد» پروت دی. په پخوانیو وختونو کي د کاروانونو دغه تم ځای د خپلو انتیکو ودانیو په درلودلو سره چي تر نن ورځي پورې همداسي پاته دي، ډیر مشهور دی. سړی کولای سي د شپې له خوا د عنعنوي رستورانونو له بامونو څخه د یونسکو د نړي د میراث دغه ښارله لیدو څخه خوند واخلي.
انځور: picture alliance/Prisma
ګلستان: په زړه پوری منظره
له ښاره ووځئ او طبیعت ته داخل شئ: د ایران په شمال ختیځ او د توریستانو له عامې سیمو څخه دباندې، ګلستان پروت دی. په دغه ځای کي د خالد نبی د مقبرې لیدل حتمي دي. له دغه ځایه سړی، هرې خوا ته د تپو او غونډیو بې پایه سلسله ویني.
انځور: DW/F. Schlagwein
شیراز: د ایرانیانو د خوښې ښار
کله چي سړی له ایرانیانو وپوښتي چي د خوښي ښار یې کوم دی، نو زیاتره یی په ځواب کې د شیراز نوم اخلي. په رښتیا هم شیراز د نامتو شاعر حافظ د مقبرې په لرلو سره نور د لیدو وړ ځایونه هم لري. په تیره بیا د ناصر المولک مسجد د یادولو وړ دی. د سهار له خوا د رنګینو کړکیو څخه د لمر د وړانګو تیریدل، د مسجد په دننه کی یوه جادویی فضا رامنځته کوي.
انځور: DW/F. Schlagwein
تخت جمشید: د پخواني فارس یادون
د شیراز په شمال کي د قصرونو پخوانۍ انتیک ښار پیرسپولیس پروت دی. دغه ښار په داسي یوه وخت کی جوړ سوی وو چي د فارس ستره امپراطوري له شمالي افریقا څخه تر هند پوری غځیدلې وه. له میلاد څخه مخکی ۳۳۰ کال کي دغه ښار تر یو ځایه د الکساندر کبیر له خوا ونړول سو. د دغه ځای د صحرا ریګ څه د پاسه ۲۰۰۰ کاله زړې دي. نن ورځ دغه سیمه د یونسکو له خوا د نړۍ د میراثونو په لست کی شامل شامله سوې.
انځور: DW/F. Schlagwein
د ایران باغونه: مهم خلوتځایونه
په ایران کي بې شمیره باغونه نه یوازې دا چي ښکلي دي بلکی د ډیرو ایرانیانو له پاره د خلوت ځایونه هم دي. دلته مجرد ځوانان کولای سي د پولیسو او والدینو له نظره لیرې یو له بل سره وویني او له ژوند څخه خوند واخلي. یو له دغو ښکلو باغونو څخه د شهزاده باغ دی چي د ایران په ختیځ کي، کرمان ته نژدې په ماهان کي پروت دی.
انځور: DW/F. Schlagwein
Wپه میلمه پالنه کی نړیوال اتلان
د ډیرو غربي سیلانیان له پاره دا د حیرانتیا خبره وي چي ایرانیان څومره میلمه پاله او مهربانه خلک دي. په هر ځای کي خلکو ته د ډوډۍ خوړلو او یا چای چښلو بلنه ورکول کیږي. په خاص ډول د ایراني عنعنوي ډوډۍ خوړلو پر وخت زیاتره وخت ټوکي ټکالي او خنداګاني کیږي.