د جرمني د ادیانو استازي عراق ته د پاپ سفر تاریخي بللی
۱۳۹۹ اسفند ۱۳, چهارشنبه
د جرمني د حکومت د ادیانو نماینده د مارچ مياشتي له ۵ څخه تر ۸ مي پوري عراق ته د پاپ فرانسيسکو سفر یوه تاریخي پيښه بللې ده. په خبره یې په دغه څو کلتوري او څواتنیکي هیواد کي سوله ایز کار ډیر مهم دی.
اعلان
په ټوله نړۍ کي د ادیانو د ازادۍ له پاره د جرمني د حکومت د ادیانو نماینده، مارکوس ګروبل په برلين وویل چي عراق ته د یوه پاپ په لومړي سفر سره هغه د عراق عیسویانو ته یوه امیدواري ورکوي او له دغه هیواد سره د عیسویانو پر تاریخي ارتباط باندي ټینګار ښکاره کول هم دي.
د پاپ دغه سفر ددې امکانات هم رامنځته کوي چي د دغه هیواد د عیسویانو او نورو اقلیتونو خراب حالت ته توجه وسي. فرانسيسکو د عراق د ټولو مذهبي او دیني فرقو تر منځ پر ګډ کار باندي ټينگار کړی دی.
د ګروبل په خبره دغه «څو مذهبي او اتنیکي هیواد ته د پاپ سفر د اتنیکي او مذهبي سرحدونو د نه په نظر کي نیولو سره په خلګو کي د سوله ایز ګډ کار شعور لوړوي.»
هغه همدارنګه وویل، چي د داعش د واکمنۍ تر ختمیدو وروسته بیا هم تر اوسه پوري «د ډیرو مذهبي اقلیتونو پیروان، د هغې جملې څخه عیسویان او یزیدیان خپل اصلي ټاټوبي، عراق ته نه دي تللي.»
ګروبل اضافه کوي چي خصوصأ د نینوا په دښتونو کي، کوم چي د ډیرو مذهبي اقلیتونو تاریخي ټاټوبی دی، خلګ اوس هم د تعصب او تشدد څخه کړیږي. هلته امنیت او همدارنګه د تعلیم او کار پیداکولو امکانات په ډیر تدریج سره بیرته مساعد کیږي.
ګروبل ټینګار وکړ چي د پاپ او لوی ایالت الله علي ال سیستاني تر منځ لیدنه کتنه د عیسویانو او شعیه مسلمانانو تر منځ د ډیالوګ یو مهم زیګنال هم دی.
د داعش د واکمنۍ پر وخت د ادیانو ترمنځ او پخپله په مذهبي فرقو کي دننه اعتماد ډیر خراب سوی وو. او د پاپ او ال سیستاني تر منځ ملاقات کیدای سي د دې سبب سي چي دغه اعتماد بیرته رامنځته سي.
د نړۍ کوم دين څومره پيرويان لري؟
په نړۍ کي د تقريبا ۷ ميلياردو انسانانو له هرو۱۰ څخه ۸ يې خامخا پر يوه يا بل دين عقيده لري. د اېدهېرنتس ټکی کام او پيو ريسرچ په حواله په نړۍ کي د اديانو د پيرويانو شمېر په دغه انځوريز راپور کي لوستلای سئ:
انځور: picture-alliance/dpa/R. Gupta
۱۱ مقام ـ شينتو
په نړۍ کي تقريبا ۴ ميليونه انسانان د شينتو دين پېرويان دي. هغوی د نړۍ د ټول نفوس تقريبا ۰.۰۶ سلنه برخه ده.
انځور: picture-alliance/dpa/K. Mayama
۱۰ مقام ـ جاينيه
د جين (بريالي) يا جاينيه دين تقريبا ۴،۲ ميليونه پېرويان لري چي اکثريت يې په هند کي ژوند کوي. هغوی د ټولې نړۍ د نفوس تقريبا ۰.۰۶ سلنه دي.
انځور: picture alliance/AP Photo/N. Ut
۹ مقام ـ يهودان
په نړۍ کي تقريبا ۱۴ميليونه يهودان ژوند کوي. هغوی د نړۍ د نفوس تقريبا ۰،۲ سلنه دي.
انځور: picture alliance/dpa/W. Rothermel
۸ مقام ـ سيکهان
د سيکهـ دين د پېرويانو شمېر تقريبا ۲۳ ميليونو ته رسيږي. هغوی د ټولې نړۍ د نفوس تقريبا ۰.۳۲ سلنه دي.