د اسرائيلو رسنيو د دوشنبې په ورځ (د نومبر ۲۳مه نيټه) رپوټ ورکړی چې لومړي وزير بنيامن نتنياهو د يکشنبې په ورځ سعودي عربستان ته پټ سفر درلود او هلته یې د وليعهد محمد بن سلمان او د امريکا د بهرنيو چارو له وزير مايک پمپيو سره ليدلي دي.
خو د اسرائيلو د پوځي راډيو او د «Kan» شبکې پر دې رپوټونو نه د نتنياهو دفتر او نه هم د امريکا د بهرنيو چارو وزارت کومه تصبره کړې ده.
له تل ابيب څخه پرواز
د راډيو شبکې د رپوټونو پر اساس د « Gulfstream IV» شخصي جټ الوتکې تل ابيب ته څیرمه پر ځايي وخت ماښام څه کم شپږو بجو د بن - گوريان له نړيوال هوايي دگره پرواز وکړ.
زياته شوې ده چې دغه الوتکه د ماستخوتن پر څه کم لسو بجو نيوم ښار ته رسیدلې چیرته چې د سعودي عربستان وليعهد محمد بن سلمان د امریکا د بهرنيو چارو وزير مایک پمپيو سره د ليدنې کتنې له پاره لا دمخه هلته موجود وو.
پمپيو دمگړۍ د امريکايي خبريالانو له يوې ډلې سره د منځني ختیځ په سفر بوخت دی.
اړونده موضوع: متحده عربي امارات او اسرائيل د مناسباتو پر عادي کولو توافق کړی
د ترمپ حکومت د اسرائيلو او سعودي عربستان د گاونډي هيوادونو متحده عربي امارات او بحرين ترمنځ د سولې يوه تړون له پاره منځگړيتوب وکړ. د اړيکو نورمالول د ايران په تړاو له گډو اندیښنو څخه سرچينه اخلي.
د سعودي عربستان حکومت په ماضي کې په څو ځلي ويلي چې تر هغه به اسرائيل په رسميت ونه پيژني تر څو فلسطنيانو يو خپلواک دولت ترلاسه کړی نه وي.
خو له کالونو راهيسې د اسرائيلو مسلمان اتباع د حج او عمرې له پاره سعودي عربستان ته سفرونه کوي. خو دوی په عمومي توگه دا سفر د ځانگړي جواز په درلودو او يا د خارجي پاسپورت په کارولو سره کوي.
ب.ص/ ن.ز (AP, Reuters)
زموږ له آرشيف څخه:
په نړۍ کي ځيني داسي هيوادونه سته چي نه پريږدي خپل هوايي قلمرو يې اسرائيلو ته د تيريدو له پاره وکارول شي. افغانستان هم يو له دغو هيوادونو څخه دی.
انځور: picture-alliance/blickwinkelافغانستان هم په هغو هیوادونو کي دی چې اجازه نه ورکوي هوایې قلمرو یې د اسرائیل له پاره وکارول شي.
پاکستان هم نه پرېږدي چې هوایې قلمرو یې د اسرائیل له پاره وکارول شي.
بنگله دېش هم ورته کار کوي. (اسرائیلو ته د تيريدو له پاره خپل هوايي قلمرو چا ته په اختيار کي نه ورکوي.)
ماليزيا هم له هغو هيوادونو څخه دی چي له هوايي قلمروه يې څوک اسرائيلو ته د تيريدو اجازه نه لري.
قطر هم چاته اجازه نه ورکوي چي له هوايي قلمروه يې اسرائيلو ته تير شي.
سوماليا هم له خيل هوايي قلمرو څخه هيڅ الوتکي ته اسرائيلو ته د تيريدو اجازه نه ورکوي.
عمان هم هغه هیواد دی چې اجازه نه ورکوي هوایې قلمرو یې د اسرائیل له پاره وکارول شي.
بحرين هم په هغو هیوادونو کي راځي چې اجازه نه ورکوي هوایې قلمرو یې د اسرائیل له پاره وکارول شي
ايران هم په يادو هيوادونو کي دی.
کويټ هم په دې برخه کي د نورو هيوادونو لار تعقيب کړې ده.
د لبنان له هوايي قلمرو څخه هم څوک اجازه نه لري چي اسرائيلو ته تير شي.
لیبیا هم ورته بنديز لگولی دی.
مراکش هم په دې ليست کي دی.
انځور: picture-alliance/dpa هغه هیوادونه چې اجازه نه ورکوي هوایې قلمرو یې د اسرائیل له پاره وکارول شي
الجزاير هم ورته اقدام کړی دی.
هغه هیوادونه چې اجازه نه ورکوي هوایې قلمرو یې د اسرائیل له پاره وکارول شي
يمن هم هيڅ هوايي شرکت ته اجازه نه ورکوي چي هوایې قلمرو یې د اسرائیل له پاره وکاروي.
برونای هم په دغو هيوادونو کي دی.
عراق هم يو له هغو هیوادونو څخه دی چې اجازه نه ورکوي هوایې قلمرو یې د اسرائیل له پاره وکارول شي.
