د روان کال د فیبرورۍ په ۲۶ نیټه تر ۹۰ ډیرو کسانو د ایټالیا په سمندري اوبو کې کوترو ته نږدې په کالابریا سیمه کې د خونړۍ سمندري حادثې په ترڅ کې خپل ژوند له لاسه ورکړی و.
په دو ورځو کې تر ۵۵۰۰ ډېر کډوال ایټالیا ته رسېدلي دي
د ایټالیا د کورنیو چارو وزیر ماتئو پیانتیدوسي، د مارچ په اومه نیټه د دغه هیواد په پارلمان کې وویل چې په مجموع کې د دې پيښې ۸۰ تنه ژغورل شوي دي.
زمونږ د فیسبوک شبکې سره یوځای شئ:
د کالابریا ایالتي حکومت د یوې اعلامیې په ترڅ کې اعلان کړی دی چې د مهاجرت نړیوال سازمان (IOM) له ۳۲ ژغورل شوو کسانو سره مرسته کړې ده چې په یوه کرایه شوې الوتکه کې یې د المان هامبورګ ښار ته انتقال کړي.
د مهاجرت نړیوال سازمان هم په یوه ټویټ کې لیکلي دي: «آی او ام د اروپایي اتحادیې د داوطلبانه پیوستون د میکانیزم په اساس د دغو ژغورل شوو کسانو د ځای پر ځای کولو په برخه کې د مرستې له کبله خوشحاله دی.»
سږ کال څومره مهاجر اروپا ته راسیدلي دي؟
سږ کال شا او خوا ۲۶ زره مهاجر اروپا ته رسیدلي دي او د سیاسي پناه د تر لاسه کولو په موخه د دغه سفر په ترڅ کې د مړیني او ورکیدو لړۍ هم روانه ده. نور معلومات د انځورونو په ګالرۍ کې لیدلی شئ: انځور: picture-alliance/Zuma Press/London News Pictures/P. Hackett د سمندر له لارې یونان ته زیات خلک رسیږي سږ کال د سیاسي پناه تر لاسه کولو په موخه ۲۵۶۶۰ مهاجر اروپا ته له مختلفو سمندري لارو رسیدلي دي. د مهاجرو تر ټولو زیات راتګ په یونان کې ثبت شوی دی. دغلته د جنورۍ له لومړۍ نیټې څخه د می میاشتې تر نیمایي پورې ۹۷۵۰ مهاجر رسیدلي دي. په دغه موده کې د روم سمندرګي له لارې ایټاليا ته د رسیدونکو مهاجر شمیر ۹۷۳۸ دی. هسپانيا ته بیا ۷۴۸۰ مهاجر رسیدلي دي.
انځور: picture-alliance/AP Photo/Ansa/Igor Petyx د لارو په اوږدو کې مړینه او لادرکه کیدل د ملګرو ملتونو د کډوالو چارو د عالي کمیشنرۍ (یو ان اچ سي آر) د اټکلونو له مخې په روان میلادي کال کې اروپا ته د رسیدو په موخه د لارو په اوږدو کې د مړو شوو او لادرکه شوو کسانو شمیر ۶۰۹ تنو ته رسیږي. په ۲۰۱۷م کال کې دغه شمیر ۳۱۳۹، په ۲۰۱۶م کال کې ۵۰۹۶ او په ۲۰۱۵م کال کې ۳۷۷۱ او په ۲۰۱۴م کال کې بیا ۳۵۳۸ کسان مړه شوي یا لادرکه شوي دي.
انځور: picture-alliance/dpa/Italienische Marine سوریایان اوس هم په لومړي کتار کې ځای لري د روان میلادي کال په لومړیو میاشتو کې اروپا ته د رارسیدلو مهاجرو په ډله کې ۴۱۵۱ سوریایان، ۲۱۸۵ عراقیان، ۱۹۱۰ تونسیان دي. همداشان پر نورو هیوادونو سربیره له اریتریا څخه ۱۸۱۰ مهاجر او له ګانا څخه ۱۲۱۴ مهاجر اروپا ته رسیدلي دي. د سوريې وګړي اوس هم اروپا ته د رسیدونکي کسانو د نوملړ په سر کې ځای لري.
انځور: Reuters/U. Bektas له جنوري میاشتي د اپریل تر نیمایي پورې اروپا ته د ټولو رسیدلو کسانو ۵۹،۶ سلنه نارینه، ۱۵،۷ سلنه ښځې او ۲۴،۷ سلنه ماشومان دي.
انځور: picture-alliance/NurPhoto/M. Bunel زياته پناه غوښتنه په آلمان کې شوې ده د ۲۰۱۸م کال په لومړیو څلورو میاشتو کې تر ټولو زیات د سیاسي پناه غوښتنه په المان کې شوې ده. ۶۳۹۷۲ کسانو د پناه غوښتنه کړې ده چې ۵۶۱۲۷ یې د لومړي ځل له پاره د پناه عریضه وړاندې کړي او په دغه ډله کې ۷۸۴۵ کسانو بیا پر خپلو دوسیو د بیا غوښتنې له پاره عریضې وړاندې کړې دي.
انځور: picture-alliance/dpa/D. Karmann د پناه غوښتنې عریضې ادامه لري د سیاسي پناه غوښتنې له پاره پر آلمان سربیره د مهاجرو د خوښې وړ هیوادونو کې فرانسه، ایټالیا، یونان، اتریش او هالنډ هیوادونه شامل دي.
انځور: picture-alliance/dpa/D. Karmann
د ایټالیا خبري آژانس «انسا» په حواله د ژغورل شوو له ډلې څخه چې ۲۸ تنه یې افغانان دي، ۲ د سوریې، یو عراقی او یو سومالیایی دی. دوی به له خپلو عزیزانو سره چې هغوی لا پخوا په المان کې اوسیدل یوځای شي.
د مهاجرت نړیوال سازمان یوه ویاند وویل چې دغه کسان کولی شي د پناهندګۍ غوښتنلیک وړاندې کړي.
د ایټالیا ښې اړخی حکومت چې د افریقا له شمال څخه په مخ پر ډیریدونکي ډول د مهاجرو د ورتګ له څپې سره مخامخ دی، په وار وار ټینګار کړی دی چې نور اروپايي هیوادونه باید لا زیات مهاجر ومني.
ایټالیا: په یوه ورځ کې له ۱۰۰۰ ډیر مهاجر رسیدلي
پر ایټالوي چارواکو تور لګول کیږي چې د مهاجرو د کوچنیو کښتیو د ډوبیدو د مخنیوي په خاطر په کافي اندازه اقدامات نه کوي. هغه تورونه چې د دغو چارواکو له خوا په شدت سره رد شوي دي.
زمونږ د یوټیوب شبکې سره یوځای شئ:
ویل کیږي چې د پولیسو ځواکونو هڅه کړې وه چې د مهاجرو د دغو کښتیو د ډوبیدو مخه ونیسي، خو د نا مناسب اب او هوا له کبله بریالي شوي نه دي.
په مديترانه کې د کښتۍ ډوبيدو له کبله په لسګونو مهاجرو ژوند له لاسه ورکړی
په ورته وخت کې، خیریه سازمانونو او د اپوزیسیون سیاستوالو پوښتنه مطرح کړې ده چې ولې ساحلي کښتۍ چې له توپاني هوا سره د مقابلې پر وسایلو سمبال دي، د مهاجرو د کوچنیو کښتیو د ژغورنې له پاره نه دي استول شوي.
آژانسونه: ش.ن/ ن.ص
