آلمان زيات کالونه د برازيل، جاپان او هند سره په گډه د جي ۴ په نوم ډلې په جوړښت کې د دې لپاره هڅې وکړې چې د امنيت په شورا کې اصلاحات راوستل شي.څلور واړو هیوادونو د امنيت په شورا کې د دايمي غړيتوب غوښتنه کوله. تر ټولو زيات تنقيد پر دې باندې کيږي چې په دغه شورا کې صرف د دويمي نړيوالې جگړې گټونکي قوتونه د ويټو حق او دايمي غړيتوب لري. ياد ويټو قوتونه له امريکا متحده ايالاتو، د شوروي اتحاد تر ټولو لوی پاته هيواد روسيه، چين، فرانسه او بريتانيا عبارت دي. په شورا کې د اصلاحاتو هلې ځلې تر اوسه د ويټو قوتونو روسيې، چين او امريکا متحده ايالاتو د مخالفت له کبله نه دې بريالۍ شوي. خو د امنيت د شورا د ممکنه زياتېدونکو دايمي غړو د چوکيو لپاره په سترو وچو کې د هيوادونو سيالي شته. چين په ياده شورا کې د بل آسيايي هيواد د استازيتوب د مخنيوي کوښښ کوي او نه غواړي چې د مثال په توگه جاپان يا هند سره خپل دغه استازيتوب شريک کړي.
آ./ا.ا./ن.ص.
د ملگرو ملتونو ۷۵ کليزه
د ملگرو ملتونو سازمان ۷۵ کاله مخکې، د ۱۹۴۵م کال د جون پر ۲۶ نيټه تر دويمې نړيوالې جگړې وروسته جوړ شو. د انځورونو په دې البوم کې له ۱۹۴۵م کال راهيسې د دې سازمان پر پړاونو او مهمو پېښو نظر اچوو.
انځور: picture alliance/dpa
د ملگرو ملتونو د منشور لاسليکول
د ۱۹۴۵م کال د جون مياشتې پر ۲۶ نیټه د نړۍ د ۵۰ هېوادونو استازو د ملگرو ملتونو منشور لاسليک کړ. دا منشور د همدې کال د اکتوبر میاشتې له ۲۶ نيټې څخه اجرا شو.
