په جاپان کي عملیاتي ډلو په موټرو کي سپرو کسانو ته کمپلونه، غذايي مواد، تیل او مؤقتي بیت الخلاوي په اختیار کي ورکړې.

دغه موټر له پنجشنبې ورځي راهيسي د جاپان پر لویه لار(کان ایستو) کي بند پاته دي. دغه لار پلازمېنه توکیو ته غځېدلې ده.

دغي سيمي ته اوس عسکر لیږل سوي او کوښښ کوي د واورو پاکولو په وسایلو سره لاري پاکي او موټرو ته لار ور کړي. پولیس بیا کوښښ کوي چي نور موټران دې لاري ته راپرې نږدي او نورو سړکونو ته یې رهنمايي کړي.

خو پردغو کوښښونو سربیره اوس هم په سونو موټران هلته بند پاته دي.

پر جاپان باندي دغه اوونی یوه ډیره یخه څپه راغلې او تر ټولو دمخه د جاپان بحیرې شاوخوا ساحو کي د سختي واوري اوریدو سبب وګرځېده.