د رسمي شمیرو په حواله د اوکراين پر کراماتورسک ښار د روسیې د توغنديو په بريد کې اته کسان وژل شوي او۵۶ نور ټپیان شوي دي. ولسمشر ولوديمير زيلنسکي، په خپله ماښامنۍ ويديويي وينا کې وويل چې په وژل شويو کې يو ماشوم هم شامل دی.
زموږ د فيسبوک پاڼه هم درسره تعقيب کړئ
د دونیڅک سيمې ګورنر پاولو کيريلنکو، وويل چې توغندي پر نورو سربیره د ښار په مرکز کې پر هغه ريستورانت هم لګېدلي دي چې د ژورناليستانو او د پوځي منسوبين د خوښې ځای بلل کیږي. نوموړي زياته کړې ده چې د بريد پر وخت په دغه رستورانت کې ډېر ملکيان موجود ول.
د ژغورنې د عملې په حواله په ودانۍ کې په نورو کسانو پسې لټه روانه ده.
اړونده موضوع: ناټو: «سویډن د ترکیې شرایط پوره کړي»
د «ال ټیمپو» د کولمبيايي ورځپاڼې په حواله په رستورانت کې په ټپي شويو کې پر نورو سربيره مشهور کولمبيايي ليکوال هيکتور اباد فرانسيولنس، د سولې له پاره د لاتين امريکا د دغه هېواد ځانګړې استازی سیرګیو جرامیلو او همدا راز اوکراينۍ ليکواله ويکتوريا اميلن، هم شامل دي. زیاته شوې ده چې د روسیې په بريد کې دوې ژورنالیستانې هم ټپيانې شوي دي.
زموږ د يوټيوب کانال هم درسره تعقيب کړئ
د رستورانت ترڅنګ د استوګنې اپارتمانونه، موټر، دوکانونه، د پوست يوه ودانۍ او نورې ودانۍ هم زيانمنې شوي دي.
د ناټو عمومي منشي ينس ستولتنبيرګ د ناټو د اووه غړيو هېوادونو د دولتي او حکومتي مشرانو سرهانځور: Peter Dejong/AP Photo/picture alliance کراماتورسک د جګړې تر مخه ۱۵۰ زره نفوس درلود او په ختیځ کې هغه وروستۍ ستر ښار دی چې د اوکراين تر کنترول لاندې دی. دا ښار د جګړې له لومړۍ کرښې څخه کابو ۳۰ کيلومتره لیرې پروت دی.
«ناټو د مسکو او منسک پر وړاندې دفاع ته چمتو ده» دناټو د عمومي منشي ينس ستولتنبيرګ، په خبره دغه پوځي ائتلاف د «مسکو او يا منسک» له خوا د هر ډول ګواښ پر وړاندې دفاع ته چمتو دی.
نوموړي په دنهاک کې د اوو دولتونو او حکومتونو له مشرانو سره تر يوې ماښامنۍ وروسته وويل: «په بشپړه توګه څرګنده ده چې موږ مسکو او منسک ته ښکاره پېغام استولی دی چې ناټو د هر متحد او د ناټو د خاورې له هر سانتي متر څخه دفاع ته چمتو ده.»
اړونده موضوع: ناټو د روسيې خلاف نوې دفاعي طرحې په جوړولو کې توافق ته ونه رسېده
نوموړي زياته کړه چې دا ائتلاف به په جولای میاشت کې په لتوانيا کې د راتلونکې سرمشریزې په ترڅ کې د خپلو دفاعي سيسټمونو د پياوړي کولو پریکړه نهايي کړي څو د غړيو هېوادونو ښه دفاع وشي، په ځانګړي توګه د هغو چې له روسیې او سپينې روسیې سره شريکه پوله لري.
ستولتنبيرګ له دې څخه هم خبرداری ورکړ چې د واګنر ډلې د پاڅون تر پېښې وروسته د روسیې له خوا متوجې ګواښ لږ جدي وګنل شي. هغه وويل دا روښانه ده چې د اوکراين پر وړاندې د کريملن د مشر ولاديمير پوتين، دې غير قانوني جګړې په روسيه کې اختلافاتو پسې ژور کړي دي او نوې ترنګلتياوې یې رامنځته کړي. خو اوس مهمه دا ده چې د اوکراين ملاتړ ته دوام ورکړل شي.
ب. ص/ ن. ز (dpa, rtr, afp, ap)
زموږ له آرشيف څخه:
د ناټو تر ټولو ستر مانورونه په انځورونو کي
د ناټو په «هوايي دفاع ۲۳» نظامي مانورونو کي چي همدا اوس په آلمان کي روان دي د ۲۵ هیوادونو هوايي ځواکونه پکښي ونډه لري. د ناټو په تاریخ کي دا تر ټولو لویه نظامي مانورونه دي. انځور: Julian Stratenschulte/dpa/picture alliance ترانسپورټي الوتکو د «هوايي دفاع ۲۰۲۳» مانور پرانیست. د آلمان پوځ «اې۱۴۰۰ام» ډوله الوتکو د دوشنبې په ورځ په نیدرزاکسن ایالت کي د وونزدورف هوايي ډګر څخه د مانور په موخه الوتني وکړې.
انځور: Julian Stratenschulte/dpa/picture-alliance تر ۲۵ د زیاتو هیوادونو ونډه یوه جنګي تورنادو الوتکه د یاګل په سیمه کي له شلسویګ هوايي ډګر څخه په هوا سوه، په دې مانور کي تر ۲۵ د زیاتو هیوادونو هوايي ځواکونه د دوو اونیو په ترځ کي یوه خیالي برید ته د غاښ ماتوونکی ځواب ورکولو تمرین کوي. د آلمان په مشرۍ په دې مانور کي پر ناټو غړو سربېره جاپان او سويډن هم ونډه لري.
انځور: Gregor Fischer/dpa/picture-alliance وروستۍ کتنه: په وونزدورف هوايي ډګر کي یو سرتېری د هوايي ځواکونو ایربوس الوتکي ته د ننوتلو په حال کي لیدل کېږي. د نیدرزاکس په ایالت کي یاد هوايي ډګر د راپيل سوي پوځي مانور تر ټولو غټ تدارکاتي مرکز دی. د آلمان پوځ په وینا ۱۰ زره سرتیري او د آلمان د ۷۰ الوتکو په ګډون ۲۵۰ طیارې په دې مانورونو کي د جون تر ۲۳ نېټې پوري برخه لري.
انځور: Julian Stratenschulte/dpa/picture-alliance تاسي کولای سئ، د هالنډي الوتکو د الوتنو لار د دوشنبې په ورځ د مکلنبورګ ایالت پر اسمان په «flightradar24» اپلیکیشن کي ووینی، چي څو واري يې د ویسمار، ګوسترو او شورین ښارونو پر اسمان دورې وهلي دي. دغه هوايي تمرین د آلمان پر ځینو شمالي، ختیځ، لوېدیځ او همدارنګه د شمالي او بالټیک سمندرونو کي ترسر کیږي.
انځور: Jens Büttner/dpa/picture-alliance په دې مانور کي پوځي الوتني پلان سوي دي، چي ښايي پر ۲۰۰۰ملکي الوتنو اغېز وکړي. د دغه تمرین له پاره د آلمان د هوايي حریم ځیني برخي د ملکي الوتنو پرمخ بندي سوي دي. د الوتنو خنډ او ځنډ کولای سي د الوتکو په ښوودنیزو پاڼو کي وګورئ. د بېلګي په ډول دلته د هامبورګ په هوايي ډګر کي.
انځور: Bodo Marks/dpa/picture-alliance نندارچیان د شلسویګ هوايي ډګر څخه د تورنادو جنګي الوتکي الوتني ته ګوري. یاد مانور تراوسه د فرانکفورټ ام ماین، برلین، دوسلډورف، نورنبرګ او کولن/بن پر هوايي ډګرونو هیڅ اغیز نه دی کړی، خو کیدای سي چي په هوايي ټرافیک کي ګډوډي ډېره سي.
انځور: Gregor Fischer/dpa/picture-alliance د مانور پر وړاندي هغه لاریون کوونکي چي د آلمان د کیڼ اړخي ګوند له خوا رابلل سوي، د سولي سمبول یا نخښه يې جوړه کړې وه. د آلمان پوځ غواړي چي د روسيې له تحریک کولو ډډه وکړي. د آلمان د وسله وال پوځ مشر ګرهارټس وايي: «موږ هر کار د دې له پاره کوو، ترڅو باوري سوو چي دغه مانور د اوضاع په ترینګلتیا کي ډېروالی نه راولي.»
د ده په قول، هیڅ الوتنه به د کالینینګراد خواته چي د روسيې له اصلي خاوري بېله ده ونه سي.
انځور: /dpa/picture-alliance د آلمان د وسله وال ځواک پارلماني کمیساره ایوا هوګل دغه پوځي مانور د روسيې له پاره یو پيغام ګڼي. هغې د ونزدورف په هوايي ډګر کي وویل، پر اوکراین د روسيې برید وښودله چي دغه مانور څومره ارزښت لري. دې دغه پوځي مانورد اوقیانوس اطلس د دواړو خواوو د ساتني د وړتیا «یوه ښه نخښه» یاده کړه.
انځور: Julian Stratenschulte/dpa/picture-alliance
