د آلمان په لويديځ کې د ګېرولشتاين ښار د دغه کور مالک د جمعې په ورځ د خپل کور د ودانۍ يوه برخه په داسې حال کې چې په کور کې کرایه ورکونکی کس پکې موجود وو، ورانه کړه. د رپوټ له مخې د کور څښتن له يوه اکسکواټور ماشين کار واخيست څو ودانۍ ويجاړه کړي. دغه کور د نړېدو له ګواښ سره مخامخ و چې اصلاً پکې څوک نه شوای اوسېدلی.

ځايي پوليسو په يوه بيانيه کې ويلي چې «کرايه نشين اوسېدونکی يې په دې وخت په کور کې و، خو له نېکه مرغه ژوبل شوی نه دی. د ځايي رسنیو په حواله له دغې پېښې وروسته د کور کرايي اوسېدونکي له ښاري چارواکو سره تماس ونيو، چې هغوی بيا پوليسو ته زنګ وهلی.

د پوليسو له خوا اخيستل شوي او خپاره کړي يوه عکس کې ليدل کيږي چې د ودانۍ بهرني دېوالونه قسماً نړېدلي دي او په بام کې يې يو لوی سوری راغلی دی. پوليسو ويلي چې د پېښې په اړه پلټنه يې شروع کړې ده. 

شامل شمس/ن ص/خ ح