مراکشي رسنیو د دغه هیواد په ساحل کې د یوې کښتۍ د ډوبیدو په پيښه کې د ۱۳ کسانو د وژل کیدو خبر ورکړی دی. د «Hespress» خبري انټرنټ پاڼې د جمعې په ماښام خبر ورکړی دی چې د دغې کښتۍ ۲۵ تنه مسافر ژغورل شوي او ۸ تنه نور یي لادرکه دي.
د لبنان هیواد پوځ په حواله د شنبې په ورځ د لبنان په ساحل کې د یوې بلې کښتۍ د ډوبیدو په پيښه کې بیا ۲ تنه وژل شوي دي. د لبنان د پوځ په حواله شاوخوا ۲۰۰ مهاجر وروسته له هغې وژغورل شول چې د دغو مهاجرو لیږدونکې کښتۍ د لبنان په شمال ساحل کې ډوبه شوه.
د مهاجرو ډکي کښتۍ ته د لنګر اچولو اجازه ورکړل شوې
د فرانسې خبري آژانس د خبریال په وینا د ژغورل شوو کسانو په لسګونو خپلوانو او عزیزانو د ترابلس په بندر کې د هغوي راتګ ته انتظار کولو. د AFP په حواله په کښتۍ یوازې شاوخوا ۵۰ تنه یي د لبنان هیواد او نور اکثریت يي سوریايي مهاجر ول.
د سمندر په څپو کې د مرګ هرکلی
د مديترانې سمندرګي له لارې مهاجرتونه تل خطرناکه وي. په ورستيو کې د لیبيا ساحلي ساتونکو په يوه عمليات کې مهاجر له اوبو راويستل شول. مرستندويه سازمانونه وايي چې د ليبيا بيړني حالت د مرستو په رسولو کې خنډونه ايجاد کړي دي.
انځور: Reuters/J. Medinaد دغې ماتې شوې پلاستيکي کشتۍ په منځ کې د يوې ښځې او ماشوم جسدونه ليدل کيږي. د ملګرو ملتونو نړيوال سازمان وياند فلاويو دې حيلاکومو، دا يو «ډير غمجن حالت» وباله.
يوه ښځه ژوندۍ پاتې ده. په سمندر کې د اسپانيا د «پرواکتیوا اوپن آرمس» غير دولتي مرستندوی سازمان مرستندويانو دغې ښځې ته نجات ورکړی. په احتمال سره دغه ښځه د لیبيا د ساحلي ساتونکو له خوا يوازې پريښودل شوې، ځکه چې هغې نه غوښتل بيرته ليبيا ته وګرځول شي.
کپيتان مارک رایګ کريوز او د عملياتو مديره انابل مانتس د ېوې بادي کښتۍ موقعيت موندلو کوښښ کوي. کيدای شي دغه کښتۍ د «پرواکتیوا اوپن آرمس» غير دولتي سازمان له پاره د مهاجرو يوه ليږدونکۍ کښتۍ وي.
استر کمپس پر يوه غټ دوربين په سمندر کې د هغو کسانو لټون کوي چې له بيړني حالت سره مخ شوي دي. مرستندويانو دغه اوښتلې پلاستکۍ کښتۍ د سه شنبې په ورځ وليدله. هغوي يوه ښځه وژغورله، خو د يوې بلې ښځې او يوه ماشوم له پاره د مرستې رسيدل نور ډير ناوخته وو.
په اوبو کې موندل شوي جسدونه
مرستندويانو دواړه جسدونه په پلاستيکونو کې وپيچل. د «پرو اکتيوا» بنسټ ګر اوسکار کمپس پر ټويتر ليکلي: «د ليبيا ساحلي ساتونکو وضاحت ورکړ چې په يوه کښتۍ کې د سپرو ۱۵۸ مهاجرو د سفر مخنيوی يې کړی دی.» هغه زياته کړې ده: «کوم څه چې هغوی نه دي ويلي دا دي چې هغوی يو ماشوم او يوه ښځه د کښتۍ يا قایق پر بام پرېښي ول او دغه کښتۍ په بل مخ واوښته. ځکه چې هغوی نه غوښتل د ليبيا په کښتۍ کې سپاره شي.»
د ژغورنې يو غمجن عمليات پای: د «پرو اکتيوا اوپن آرمس» مرستندوی سازمان «آسترال» کښتۍ د اسپانيا يوه بندر پر لور د حرکت په حال کې ده.
ليکونکی: نرمین اسماعیل/ فلوریان میایر/پ.ع /م. ک. ص
د ساحلي ګارد یا ساتونکو په حواله د لیبیا ساحل ته نږدې یوه کښتۍ چې ۶۵۰ تنه مهاجر په کې سپاره ول تر نیول کیدو وروسته بیرته ساحل ته ستنه کړای شوې ده. د لبنان ساحلي ګارد د شنبې په ورځ خبر ورکړل چې په دغې کښتۍ کې تر ټولو ډیر د بنګله دیش، سوریې او مصر هیوادونو اتباع ول.
هر کال په لسګونو زره انسانان کوښښ کوي چې له لیبیا څخه د مدیترانې سمندر له لارې ځانونه اروپا ته ورسوي. د لیبیا چارواکي، قاچاقبران او ملیشه په پرله پسې ډول مهاجر نیسي او په کمپونو کې یي ساتي. دغه هیواد له مهاجرو سره د چلند له کبله په دوامداره توګه له انتقادونو سره مخامخ دی.
د بشري حقونو ډلې د انساني قاچاقبرانو له خوا او په حکومتي توقیف ځایونو کې له مهاجرو سره ترسره کیدونکي وحشتناکه چلند رپوټونه ورکوي. چارواکي او د حکومت له خوا ګمارل شوي وسله والې ډلې، په پرله پسې ډول د مهاجرو پر شکنجه کولو، جنسي تیري او ناوړه چلند تورن شوي دي.
آژانسونه: ش.ن/ ا.و.ا
