د آلمان د مسيحي دموکرات ګوند مشرۍ ته کانديد سياستوال فريدريش مېرڅ د يونان او بوسنيا له کمپونو څخه د نورو مهاجرينو راوستل او منل رد کړي دي. د هغه په خبره دغه کسان آلمان ته نه شي راتلی.
انځور: Peter Steffen/dpa/picture alliance
اعلان
فريدريش مېرڅ د آلمان د مسيحي دموکرات ګوند مشرۍ ته هم کانديد دی چې په خبره يې «ټوله اروپايي اتحاديه دغه مکلفيت لري چې په بالقان او د يونان په ټاپوګانو کې يعنې په هماغه ځای کې لا له کډوالو سره مرسته وکړي.» نوموړي د فونکه له رسنۍ سره په مرکه کې دا هم ويلي دي چې «دغه بشري ناورين په دې نه شي حل کېدای چې ووايو: ټول دې آلمان ته راشي. دغه لاره نوره پرانيستې نه ده.»
مېرڅ چې پخوا يې د آلمان په پارلمان کې د اتحادي ګوندونو د فراکسيون مشري هم کړې ده، ټينګار وکړ: «آلمان ته د کډوالو راوستل، د حل لاره نه شي جوړېدای.»
«د مهاجرت په موخه سمندر ته ځان سپارل مرگ دی»
02:00
This browser does not support the video element.
مېرڅ د اروپا د يو واحد سياست غوښتونکی دی
د دې پر ځای مېرڅ د اروپا د پناه غوښتنې او کډوالۍ يو واحد او ګډ سياست وغوښت چې «تر پرېکړې، د کډوالو د منلو، وېشلو او ښايي بېرته ستنولو پورې هر څه د اروپا له بهرنيو پولو سره تنظيم شي.»
دې پوښتنې ته په ځواب کې چې د سمندر د پاسه د کډوالو د ژغورلو پر چارو دغسې يو سياست به څه تاثير لري، مېرڅ وويل: «تر ټولو ښه خبره به دا وي چې دغه انسانان خپل سفر هيڅ پيل نه کړي.» د مېرڅ په خبره اروپا بايد د کډوالو له اصلي او ترانزيتي هېوادونو سره توافق ته ورسيږي څو د دغسې غيرقانوني او خطرناکې کډوالۍ مخه د منشا او اصل په هېوادونو کې لا ونيول شي. د هغه په خبره «کډوالو او قاچاقچيانو ته څرګند پيغام بايد دا وي چې دا يو خطرناک کار دی او هيڅ د کاميابۍ امکان هم نه لري.»
KNA/ن ص/خ ح
زموږ له آرشیف څخه:
د یونان او ترکیې تر منځ مرګونی سیند
مهاجر یوازي له ترکيې څخه يونان ته د آژه سمندرګي له لاري د تګ هڅه نه کوي، بلکي د ایوروس یا ماریتسا سیند له لاري هم یونان ته ځانونه رسوي. خو په دغه هڅه کې تل انسانان خپل ژوند بايلي.
انځور: DW/M.Karakoulaki
خطرناکه لار
د ایوروس سیند پر څنډه په یوناني ژبه پر لوحه باندي لیکل شوي دي چې«احتیاط سرحد دی. د سیند په بله ژۍ ترکیه ده». د روان میلادي کال په اوږدو کې په زرونو مهاجرو هڅه کړې ده چې د خپل ژوند په بیه له دغه سینده په تیریدو سره اروپا ته ځانونه ورسوي.