امریکا متحده ایالاتو د ۷۷۸ میلیارده ډالرو په ځانګړې کولو سره د پوځي بودیجې تر ټولو لوړه کچه درلوده. په دې ترتیب سره نو په ۲۰۲۰م کال کې د ټولې نړۍ د نظامي بودیجې ۳۹ سلنه د امریکا له خوا د وسلو د خریدارۍ پورې ارتباط نیسي.
چین هم له ۲۵۲ میلیارده ډالره پوځي بودیجې سره په دویم مقام کې ځای نیولی دی. وروسته له دې هند له ۷۳ میلیارده ډالره پوځي بودیجې سره په دریم مقام کې ځای نیولی دی.
روسیه له شاوخوا ۶۲ میلیارده ډالرو سره او بریتانیا له څه باندې ۵۹ میلیارده ډالره پوځي بودیجې سره په څلورم او پنځمو مقامونو کې ځای نیولی دی.
که څه هم سعودي عربستان خپله پوځي بودیجه راکمه کړې ده او له ۵۷ میلیارده او ۵۰۰ میلیونه ډالرو په مصرفولو سره یې په شپږم مقام کې ځای نیولی دی.
د وسلو او پوځي تجهيزاتو ايډکس (International Defence Exhibition & Conference) نندارتون په خپل ډول کې تر ټولو ستر نندارتون دی چې په منځني ختيځ کې پرانیستل شوی دی.
انځور: Mikhail Voskresenskiy/dpa/picture alliance
نمايشي پروازونه
دغه نندارتون د يکشنبې په ورځ (د فبروري ۲۱مه) پرانیستل شو. تر پرانیستنې مخکې، د متحده عربي اماراتو د پوځ جنګي الوتکو نمايشي پروازونه وکړل.
انځور: Kamran Jebreili/AP/picture alliance
پنځه ورځنی نندارتون
په ابوظبي کې د وسلو دغه ستر نندارتون چې د فبروري پر ۲۱ پرانیستل شو، د فبروري تر ۲۵مې به ادامه لري. متحده عربي اماراتو په لومړۍ ورځ له صربستان او سويلي افریقا سره د توپخانې او بې پيلوټه الوتکو د رانيولو قراردادونه وکړل.
انځور: Kamran Jebreili/AP/picture alliance
فزيکي واټن باید رعایت شي
د کرونا وبا ته په کتو، سپارښتنه شوې چې نندارتون ته راغلي کسان بايد یو د بل ترمنځ فزيکي واټن (لږ تر لږه دوه متره) رعایت کړي. خو دغه کار په ټولو مواردو کې ممکن نه دی.
