دا په روان ۲۰۲۵ میلادي کال کې په دې سیمه کې د مهاجرو د کښتۍ ډوبیدو یوه تر ټولو خواشینونکې پيښه ګڼل کیږي.

په دغېکوچنۍ کښتۍ کې په مجموع کې ۷۰ کسان سپاره ول چې د تونس د لوی څارنوالۍ په حواله ټول یې د سویلي صحرایې هیوادونو اتباع ول چې غوښتل یې په تونس کې له «المهدیه» بندري ښار څخه د مدیترانې سمندر له لارې ځانونه اروپا ته ورسوي.

دا چې دغه کښتۍ څه وخت روانه شوې وه معلومه نه ده. د تونس لوی څارنوالۍ په دې اړه څېړنې پيل کړي دي. په دې اړه ویل شوي چې دغه ډوبه شوې کښتۍ نن یعنې د پنجشنبې (د اکتوبر میاشتې ۲۳ نیټه) سهار په لومړیو ساعتونو کې کشف او مرستندویه ځواکونه توانیدلي دي چې شاوخوا ۳۰ کسان وژغوري.

تونس چې یو شمیر ساحلي نقطې یې د ایټالیا له سرحد سره له ۱۵۰ کیلومترو هم کمه فاصله لري، د شمالي افریقا یو له هغو هیوادونو څخه دی چې پناه غوښتونکي هڅه کوي له دې لارې ځانونه اروپا ته ورسوي. په داسې حال کې چې دغه مسیر د مهاجرت له پاره یو له تر ټولو خطرناکو لارو څخه ګڼل کیږي.

د ملګرو ملتونو سازمان پور اړوند د کډوالو او پناه غوښتونکو ادارې د اعلان مطابق د روان میلادي کال له پيل څخه تر اوسه پوري تر ۵۵ زرو ډیر پناه غوښتونکي ایتاليا ته رسیدلي دي.